اوّلین نامَه تیموتائوسیرا 1:17 - کتاب مقدس به زبان تالشي - گویش مرکزی

¹⁷ ایسَه اَ پادیشا دوورَ، اَ کن زَیرونَه و بَی نییَب ویندِ، اَ تاکَه خدارا تا اَبد و تا ابَد حورمت و شکوه و جلال ببو؛ آمین.

کتاب مقدس به زبان تالشی شمالی

¹⁷ حِسَه اَ پاُتشاهِ دوران، اَ که تا اَبَد اِستَه و نییَب اَیی ویندِه، اَ ایلَه خِدا، تا اَبَد و تا اَبَد حُرمَت و جلال بِبو. آمین.

اوّلین نامَه تیموتائوسیرا 1:17 Iomraidhean Croise

مَتّی 25:34

چی بَه دوملَه پادیشا اَیِنی کن چَی راستَ وَریکا هستنینه باتیِه: اَی کَسِنی کن چمن دَدَ شِمَش بَرَکت آدوعَشَه، بِرَ و پادیشاهی‌ایی بَه میراث بِبَرَ کن دِنیا شِرو بِه کا، شمَرا آماده آبَه بَه.

مَتّی 28:20

و اَوون آموج بِدَر کن، گِردِ چییونی کن بَشمَه فرمون آدوعَمَه اَنجوم بِدَرِن. دَیسه اَز، اوزون تا اِم دِنیا آخیر شمَنه دَرِایمَه!»

مَتّی 6:13

و اَمه وَرداوَردیکا مَوَ، بَلکَم اَ آوشَریکا اَمه اَراخمون. [اِمی خونه کن، پادیشاهی، قودرَت و شکوه وجلال، تا ابد اِشتِنَه. آمین.]

یوحنا 1:18

هیچ‌ کَس هرگز خدا ویندَش نیَ. ولی اَ تاکَه زوعَه کن دَدَ وَریکارَ، اَی آمونستِش.

یوحنا 5:44

چِنتَرَ بَشارون ایمان وَردِ وَقتی کن یَندِکا شکوه و جلال قِبول بَکَرون، ولی اَ شکوه و جلالی دوملَه نیرون کن تاکَه خدا طَرَفیکا آ؟

رومی کلیسارا نامه 1:20

چون خدا اَ صیفَتِن کن نییَب اَوون ویندِ، یعنی چَی زَیرونَه خِنَر و ایلاهییَه ذات، دِنیا خلق بِه شِرووکا، اَ چییِنی کن سی آبَه اینَه دلَکا واضح ویندَنینَه. پس اَیِن دِ هیچ رِقنَه ایی نیشون.

رومی کلیسارا نامه 1:23

و اَیِن زَیرونَه خدا شکوه و جلالی، اَ بوتِنی نَه کن فانییَه اینسان و پرندَاِن و خَیوونِن و خَزَندَاون اَمونینَه، عَوَض آکردِشون.

رومی کلیسارا نامه 11:36

اِمی خونه کن گِردِ چییِن اَیکا اَ، و چَی واسیطنَه یَه ، و چَی شِنین. زَیرونَه شکوه جلال چَیرا ببو. آمین.

رومی کلیسارا نامه 16:27

اَ کن تاکَه اَلمَندَ خِدایَه، عیسای مَسیح واسیطَنَه زَیرونَه شکوه و جلال ببو! آمین.

رومی کلیسارا نامه 2:10

ولی اَیِنی کن چاکی بَکَنه، خدا شکوه و جَلال و حورمت و صلح و سلامتی چَوون رَسَت بَبیَه، اَوَل یهود و چَی به دوملَه غَیر یَهود

رومی کلیسارا نامه 2:7

خدا، زَیرونَه زندَگی اَیِنی آرَدا کن، چاکَه کارون اَنجوم دوعه کا صَبرینَه، شکوه و جلال و حورمت و زَیرونَه زندَگی دوملَه این؛

نامَه کُولُسی کلیسا را 1:15

اَ، خدا اَ صَفَته کن نییَب بَی ویندِ و اولین خردَن، گردِ خیلقتیکا نارتَر و کفاتَر

نامَه، عِبرانیه نَتاجَه مسیحیونرا 11:27

ایمان داشته خونه بَه کن موسی پادیشا غَضَّبیکا نِترسَه و مِصریکا بِرِن برمَه، اَ تاوِش وردَ اِمی خونه کن اَ، اَ کن نییَب بَی ویندِ، ویندِشَه.

نامَه، عِبرانیه نَتاجَه مسیحیونرا 2:7

اَی، فرشتَه اونکا تَلَکَه ایی کَمتَر سِی آکَردِر و یال گیری تاجی و ایحترام چَی کلَّکا آنارَ.

پطروسی اوّلین نامَه 5:11

سلطنَت تا ابد و تا ابد چَیرا ببو. آمین.

پطروسی دومین نامه 3:18

بَلکَم خداوندی و چَمه نیجات اَدَر عیسی مسیح فیض و آموستِه کا رشد بکرَ، کن چَیرا ایسَه کا تا اَبد شکوه و جلال ببو! آمین.

یوحنا اوّلین نامَه 4:12

هیچ‌کس هرگز خدا ویندَش نیَه؛ اَمّا اَگَم یَندِ موحبت بِکَرَم، خدا چَمَه دِلَکا بَمَندی و چَی موحبَت اَمَکا کامیل آرَب.

یهودا نامه 1:25

چَیرا کن چَمَه نیجات اَدَر و چَمه تاکَه خدا اَ، چَمَه خداوند، عیسی مسیح واسیطنَه، جلال و شکوه و سلطنت و زاکین ببو. اَ کن شِروو کا هِست بَه، و ایسَه هِستَه و زَیرون بَمندییَه. آمین.

یوحنا موکاشیفَه 15:3

و اَیِن، خدا پاسَری، موسی سِرودی و اَ وَرَ سِرودی اَخونینَه و اَواجینَه: «اِشتِه کارِن بَرک یال و عَجیبینه، اَی خداوند، موطلقَه قادِرَ خدا، چَنَه اِشتِه راهِن عادیلانَه و حَقّینه، اَی گردِ میلَّتون پادیشا.

یوحنا موکاشیفَه 17:14

گردِ اَیِن اَ وَرَ نَه جنگِستِه خونه راست آنَّب، ولی وَرَ چَوون سَردِرِ پیروز آرَب، اِمی خونه کن اَ خداوندون خدا و پادیشا اون پادیشا اَ و اَیِنی کن بَینه دَرِ این، اَیِنین کن صَلا ژَشه و اَوون اینتخابِش کردیَه و چَی وفادارَ پیرووِنین.»

یوحنا موکاشیفَه 19:1

اِم چییون بَه دوملَه، سَسی درَستِمه کن هنته یالَه جماعَتی آستامونیکا جِکَّله اَکَرین؛ و لَسَّه اَدَرینَه: «هَلِلویا! نیجات و شکوه و جلال و زبق چَمَه خدا شِنه،

یوحنا موکاشیفَه 19:16

و چَی ردا و رونَه کَشیکاشون ایله نوم نوشتَه یَه: «شاهون شاه و خداوندون خداوند.»

یوحنا موکاشیفَه 19:6

چَی به دوملَه سَسی کن هنته یالَه جماعَتی خَرا خِلِه سَسی شیوار، وِرَ آوون شِر شِر دَرمِه سَسی شیوار، و یالَه گِرَ خونَه سَسی شیوار بَه درَستِم، کن اَواجیَه: «هَلِلویا! اِمی خونه کن چَمه خدا، خداوند، اَ موطلقَه قادِرَخدا، سلطنت بَکَی.

یوحنا موکاشیفَه 7:12

و واتِشون: «آمین. ستایش و شکوه و جلال حیکمت، شکر و حُرمت زبق و اینجار تا اَبد و تا ابد، چَمَه خدا را ببو. آمین!»