اوّلین نامَه تیموتائوسیرا 1:1 - کتاب مقدس به زبان تالشي - گویش مرکزی

¹ پولوسی طَرَفیکا کن چَمَه نیجات اَدَر و خدا حِکمینَه و چَمَه اومید مسیح عیسی، مسیح عیسی رَسولَه؛

کتاب مقدس به زبان تالشی شمالی

¹ پولُسی طرفی کا، که چَمَه نجات‌دهندۀ خِدا حُکمی نه و چَمَه اُمید مسیحْ عیسی، مسیحْ عیسی رسول اِستَه؛

اوّلین نامَه تیموتائوسیرا 1:1 Iomraidhean Croise

انجیل لوقا 1:47

و چمن روح چمن نیجات اَدَرَ خدا خونه، خَشی بَکَیه،

انجیل لوقا 2:11

اِمی خونه کن اومروج داوودِ پادیشا شهریکا، نیجات اَدَری شِمَرا دِنیا آمَه یَه. اَ، وَعَدَ آدوعَه مسیح و خِداوَندَ.»

رَسولون اَعمال 9:15

ولی خداوند حَنانیاش واتَه: «بش، اِمی خونِه کن اِم مِرد چمن اینتخاب آبَه وسیلَه اَ، تا چمن نومی غَیر یَهودیونرا و چَوون پادیشاهِن و یَهودی مردومیرا اییلام بکَرِ.

رومی کلیسارا نامه 1:1

مَسیح عیسی وَزییَر، پولوسی طَرَفیکا، کن رِسالَتیرا خِلِه آبَه یه و خدا اِنجیلیرا وَقف آبَه یَه؛

اوّلین نامَه قورَنتیانیرا 1:1

پولوسی طَرَفیکا، کن خدا خواستَنه خِله آبَه تا مسیح عیسی، رسول ببو، و چَمه برا سوسْتِنِسی طَرَفیکا،

اوّلین نامَه قورَنتیانیرا 9:17

اِمی خونه کن اَگَم اِشتَن مِیلینَه اِم کاری اَنجوم اَدَریمه، پاداش ویرَگِریمَه؛ ولی اَگَم چمن میلینَه مبو، تاکَه اِشتَن وَظیفه اَنجوم دوعَمه.

دوومین نامه قرنتیانیرا 1:1

پولوسی طرفی کا، کن خدا خواستنَه مسیح عیسی رسولَه، و چَمَه برا تیموتائوسی طَرَفیکا، خدا کلیسا را کن شهر قُرِنتُسی کارَ، و گِردِ موقدسِن کن وِلَته اَخائیه اِم سَر اَسَریکاینَه:

نامه غلاطیَه کلیسارا 1:1

پولوسی طَرَفیکا، رسولی کن چَی رَسالَت اینسانون طَرَفیکا و اینسانی واسیطَنَه نِبَه، بَلکَم عیسای مَسیح و خِدای دَدَ واسیطَنَه اَ کن بَی مَردَاونکا زندَ آکَردِش،

نامه غلاطیَه کلیسارا 1:11

اَی بِرااِن، اَپیمَه بِزنَه اِنجیلی کن اَز ایلامم کَردَ، اینسانیَه اِنجیل نیَه،

نامَه کُولُسی کلیسا را 1:27

خدا اِنتَرَ اَپیش بَه اَیِن بَزنن کن غَیر یهودیون دلَکا، اِم راز چِه یالَه شکوه و جلالی بَداشتیَه، اَ راز اِمَه کن مسیح شمَه دلَکا شکوه و جلالی اومیدَ.

دوّمین نامَه تَسالونیکی کلیسا را 2:16

ایسَه چَمَه خداوند عیسی مسیح اِشتَن و چَمَه دَدَ خدا، کن اَمه رَی دارییَه و فیضی واسیطنَه اَمَش زَیرونَه آلاویستِه و و چاکَه اومید آداشَه،

اوّلین نامَه تیموتائوسیرا 1:12

چَمَه خداوند مسیح عیسی شکر بَکم کن بَمن زبق داشَه و اِمی خونه کن بَمِنِش اَمین اَزنیَه و بَمن اینتِخاب کردشَه کن بَی خیدمت بکَم.

اوّلین نامَه تیموتائوسیرا 2:3

اِم چَمَه نیجات اَدَر، خداچَمیکا چاک و چَی دِلپیستَه یَه،

اوّلین نامَه تیموتائوسیرا 2:7

اِمی خونه کن اَز اِمی خاطِر اینتیخاب بیمَه تا غَیر یَهودیونرا ایلَه آموج اَدَر و ایلَه رسول و ایلَه موعَلیم ایمانی دلَکا ببوم، حَییقَتی باتیم و دِرو نِمَدا.

اوّلین نامَه تیموتائوسیرا 4:10

چون اَمه اِمی خاطر زَمَت بَکَشتیمون و تقلا بَکَمون، چون اَمه چَمه اومیدی زندَ خدا سردِر نوعَمونَه کن آدَمون گِردی نیجات اَدَرَ، بَخصوص اَیِنی کن ایمان بَداشتین.

نامَه تیتوسیرا 1:3

و اَ وَعدَش موناسیبَه وَقتیکا دیار آکَردِش، اَ کلامی اییلام کردِ چَمَه نیجات اَدَر خدا حِکمینَه، چمِن دَست دوعَشه،

نامَه تیتوسیرا 2:10

پِمَتارِن، بَسکم اِشتَن چاکَه ایمانی کامیل آمونِن تا هر چیی ایی دلَکا چَمه نیجات اَدَر، خدا آموجی خاص گیری، قشگینَه آمونِن.

نامَه تیتوسیرا 2:13

و چَمَه اَ مِبارَکه اومیدی مونتظیر بومونَم، یعنی چَمَه عَظیمه خدا و چَمَه نیجات اَدَر عیسای مسیح شکوه و جلالی اَیر آبِه،

نامَه تیتوسیرا 3:4

ولی وقتی چَمَه نیجات اَدَرَ خدا مِربانی، و چَی موحبت اینسانونرا دیار آبَه،

نامَه تیتوسیرا 3:6

کن خدا هَه موقدسه روح چَمه نیجات اَدَر، عیسای مسیح واسیطنَه فِرَوون چَمه سَردِرِ ویکردِش،

پطروسی اوّلین نامَه 1:21

شمَه چَی واسیطنَه خدا کا ایمان وَردَرونَه، خِدایی کن اَش مردَاون دِلکا زندَ آکَردِش و بَی شکوه جلال بَخشِتِش، تا شمَه ایمان و اومید خِداکا ببو.

پطروسی اوّلین نامَه 1:3

خدا و چَمه خداوند عیسی مسیح دَدَ موتبارک ببو کن اِشتَن یالَه رَحمتینَه، عیسی مسیح زندَ آبِه واسیطَنَه، مردَاون دلَکا، اَمَش تازَ دِنیا دَگِنستِه ایی بخشِسته، زندَ اومید داشتِه خونه

پطروسی دومین نامه 1:1

شمعون پطروسی طَرفیکا کن عیسی مسیح وَزییَر و رسوله، اَیِنیرا کن خدا عیدالَتی واسیطنَه و چَمه نیجات اَدَر عیسی مسیح خونِه، ایمانی، چَمَه ایمانی شیوار چَوون نصیب بَیَه:

یوحنا اوّلین نامَه 4:14

و اَمه ویندَمونَه و شاهیدی دَرَم کن دَدَ، اِشتَن زوعَه عَندَشَه تا دِنیا نیجات اَدَر ببو.

یهودا نامه 1:25

چَیرا کن چَمَه نیجات اَدَر و چَمه تاکَه خدا اَ، چَمَه خداوند، عیسی مسیح واسیطنَه، جلال و شکوه و سلطنت و زاکین ببو. اَ کن شِروو کا هِست بَه، و ایسَه هِستَه و زَیرون بَمندییَه. آمین.