اوّلین نامَه تَسالونیکی کلیسا را 5:6 - کتاب مقدس به زبان تالشي - گویش مرکزی

⁶ پس هنته دییَرَ کسون شیوار بَشتن خاو نِژَنم، بَسکم بیدار و هوش ببَم.

کتاب مقدس به زبان تالشی شمالی

⁶ بَس بقیه شیوار اِشتَن بِه خاو مَژَنَم، بَلکَم آگا و هوشیار بِبییَم.

اوّلین نامَه تَسالونیکی کلیسا را 5:6 Iomraidhean Croise

مَتّی 13:25

ولی هَنگومی کن اَ مِردی وَزییَرِن خاویکا بینَه چَی غَنیم آمَه و گَندِمون دلَکا، هرزَ واش کَشتِشَه و شَه.

مَتّی 24:42

پس بیدار ببَ، اِمی خونه کن نینَزنی شمَه سرورِ چه روجیکا بومَیَه.

مَتّی 25:13

پس حواسِرون ببو، اِمی خونه کن اَ روج و ساعتیکا خبرِرون نیَه.

مَتّی 25:5

وَقتی بَگی آمِه عَری دَگنستَه گردی چَمِن سنگین آبَه، خاو آشینَه.

مَتّی 26:38

چَی به دوملَه اَیِنش واتَه: «چمن جان قورصَه خونه کا مَردِ. شمَه اِم جِگاکا بومونه و بَمِنه بیدار بِبَه.»

مَرقُس 13:37

اَچیی کن شِمَه باتیم، گِردیرا باتیمَه: بیدار بِبَه!»

انجیل لوقا 12:37

خَشی اَ پاسَرییِنی حالیرا کن وَقتی چَوون اَرباب با، اَوون بیدار و هوش بِوینِه. حَییقَتَن بَه شمَه باتیمَه، چَوون اَرباب اِشتَن مینی چَوون خیدمت کَردِ را دَرَبست؛ اَوون سِفَر سَردِرِ بَنِشامونِستی و بومَی و اوونکا پذیرایی بَکَیَه.

انجیل لوقا 12:39

« ولی اِمی بِزنَه کن اَگَم کَه صاحیب اَزنیَه پتارچی چه ساعتیکا بومَیَه، نَرزیَه چَی کَه پِتارن.

انجیل لوقا 21:36

پس اوزون هوش ببَه و دوا بکرَ تا زبق بِدارَ کن گردِ اِم ایتفاقونکا کن چَی اَنجوم بِه نِزِکَه، بشوعَه بَروَشتِه و اینسانی زوعَه حِضوریکا پا بومونَه.»

انجیل لوقا 22:46

عیسی اَیِنِش واتَه: «چیرا ختیرون؟ پِبَ و دِوا بکَرَ تا وَرداوَردیکا دَنِگِنَه.»

رَسولون اَعمال 20:31

پس حَواسِرون ببو و یاد آرَفَنَه کن اَز سِه سال تَمام، شَو و روج، ایی لَحظَه نی اَسِرگینَه بَشِمَه هُشدار دوعِه کا دست پِگتَم نی.

اوّلین نامَه قورَنتیانیرا 15:34

اِم دَدارَ گَفونکا کن چَوون خونه مست آبَه ایرون، عَقلی سَر بِرَو دِ گناخ نِکَرَ؛ اِمی خونه کن بعضیِن هِستینه کن خدا آنینَزنی اِمی باتیمَه تا شرمندَ آبَه.

اوّلین نامَه قورَنتیانیرا 16:13

هوش ببَه؛ ایمانیکا آمبَست بومونَه؛ مِرد بِبَه و قودور آبَه.

نامَه اَفسوسی کلیسارا 2:3

اَمه نی گرد ایی زمانی چَوون دِلَکا اِشتَن جندَکی هوا و هَوسی دِلَه زندَگی اَکَریمون و چَمه جندَکی خواستَه اِن و فکرون اَنجوم اَدَریمون؛ هنته دییَرَ کَسون شیوار، اِشتَن ذاتی سَر، خدا غَضَّبیکا محکوم آبیمون.

نامَه اَفسوسی کلیسارا 5:14

چون هر چیی ایی کن دیار آرَبن، نورَ. اِمی خاطر کن واتَشون: «اَی ته کن خاویکایشَه، پِب، مردَاون دِنیاکا زندَ آب، مَسیح اِشتَن نوری، اِشتِه سَردِرِ دَتاوِستییَه.»

نامَه اَفسوسی کلیسارا 6:18

و اوزون، همه مودیل دِوا و خاشتو خازینَه، خدا روح دلَکا دِوا بکرَ و هِمیرا بیدار و هوش ببَه و یژَن پایدارینَه گردِ موقدسَه آدَمونرا دِوا بکرَ.

نامَه فیلیپی کلیسا را 4:5

بَرزَ گرد بوینن کن شمَه با مولاحِضَه آدَمیرون. خداوند نِزِکَه.

نامَه کُولُسی کلیسا را 4:2

اوزون دِوا کا آمبَست ببَه، شکر کردِ نَه شمَه هَواس دِوا کا ببو.

اوّلین نامَه تَسالونیکی کلیسا را 4:13

اَی برا اِن، نَپیمَه اَ ایماندارِنی خونه کن مردَاینه کا بی خبر ببَه، نِکَرِ دییَرَ آدَمونی شیوار کن اومید نینَّداشت، عازیَه بیگِرَ.

اوّلین نامَه تَسالونیکی کلیسا را 5:10

اَ کن چَمَه خونه مردَ، تا چِه هوش ببَم چه خاویکا، بَینه زندَگی بکرم.

اوّلین نامَه تَسالونیکی کلیسا را 5:8

ولی اَمه اِمی خونه کن روجی شِنیمون، پی هوش ببَم، و ایمان و موحبتی زرِه دکَرَم، و نیجات گَتِه اومیدی هنته کِلاخودی شیوار کلَکا آنَرَم.

اوّلین نامَه تیموتائوسیرا 2:15

ولی ژِن خِردَن دِنیا وردِ نَه، نیجات بَگَتی، اَگَم ایمانیکا و موحبَتیکا و موقدَّس بِه کا، نیجابَتیکا بومونن.

اوّلین نامَه تیموتائوسیرا 2:9

هنتَرَکه نی بَپیمَه کن ژِنن آبرومَندَ شندِر دَکَن و نیجابَتینه و حَیا نَه، نِه امکن دَوَته ذِلفینه، یا طِلِه و مِرَنه، یا گِرونَه شِندِرینَه،

اوّلین نامَه تیموتائوسیرا 3:11

هنترَکه نی، چَوون ژِنِن نی پی باوقار ببون، ایفترا نِژَنِن و بَسکَم هوش ببون و گردِ چییونکا اَمین ببون.

اوّلین نامَه تیموتائوسیرا 3:2

پس پی کلیسا ناظیری زندَگیکا نِبایَد چیی ایی چَی چَمای کردِرا ببو، تاکَه ایلَه ژِن بدارِه، هوش ببو، اِشتَن نفسی نَه بیگِرِو آبرو مند ببو، مِیمان نواز ببو آموج دوعه بِشا؛

دِوُّمین نامَه تیموتائوسیرا 4:5

ولی ته همه حالیکا هوش بب؛ عذابون تحمل اَکَن، اِنجیلی اییلام کَردِ کاری اَنجوم آدَ و اِشتَن خیدمتی کامیل آکَه.

نامَه تیتوسیرا 2:12

و اَمه آموج دَرِ کن بی دینی و دِنیا هوا هَوَسون آهَرزَم، اِشتَن نفسی نَاری بیگِرَم و صالِح بِه و دیندارینَه اِم زَمونَکا زندَگی بکَرم،

نامَه تیتوسیرا 2:6

هنتَه نی جوانَه مِردون نی دیم پِنَه تا اِشتَن نفسی نَه بیگِن.

پطروسی اوّلین نامَه 1:13

پس شمَه فیکرون، عَمل کَردِرا آمادَ بکَرَ، هوش ببِه و شمه اومیدی کامیلا اَ فیضی سَر بِنَرَ کن عیسی مَسیح اِشتَن ظهور کَردِ موقه بَشِمَه بَبَخشِستیَه.

پطروسی اوّلین نامَه 4:7

گِردِ چییون آخیر نِزِکه؛ پس اِشتَن دِوا اون خونه هوش ببَه و اِشتَن نفسی ناری بیگِرَ.

پطروسی اوّلین نامَه 5:8

هواسِرون اِشتَنکا ببو و هوش ببَه، اِمی خونه کن شمه غَنیم ابلیس، هنتَه شیری شیوار غورش بَکی و هر طرفیرا کا گردِسته تا ایی نفری پیدا بکرِ بَی ویبَرِ.

یوحنا موکاشیفَه 16:15

دَیَس، اَز هنته پِتارچی شیوار آم! خَشی اَ کَسی حالیرا کن اِشتَن شندِری دَکردَشه و بیدار بَمندی، نِکرِ لوت رونَه آبو و گِرد چَی رسوایی بوینن.»

یوحنا موکاشیفَه 3:2

پِب و اَ چیی انی کن کا مَردِ، زبق آدَ. اِمی خونه کن چمن خدا وَریکا اِشتِه کارون کامیل نِویندِم.