اوّلین نامَه تَسالونیکی کلیسا را 5:15 - کتاب مقدس به زبان تالشي - گویش مرکزی

¹⁵ هوش ببَه، هیچ کَسی، بَدی بَدینه جواب نِدَرِ، بَسکم یَژَن یَندِ سَر و گِردِ آدَمون سَردِرِ چاکی کردِ دوملَه ببه.

کتاب مقدس به زبان تالشی شمالی

¹⁵ ویرا بِبییَه، کسی بَدی، بَدی نَه جَواو مَدییَه، بَلکَم همیشه چِمی دومله بِبییَه که یَندی را و مردمی را چاکی بِکَرَه.

اوّلین نامَه تَسالونیکی کلیسا را 5:15 Iomraidhean Croise

مَتّی 5:39

ولی اَز بَه شمَه باتیم، آوشَر آدَمی ناریکا ممونه. اَگَم کَسی شمَه صَفتی راستَ وَری سِلّه ژِشَه صَفتی اَ وَری نی چَی طَرَف آگاردِن تا بژَنِه.

انجیل لوقا 6:35

اَمّا شمه، اِشتَن غَنیمون موحبت بکرَ، چَوون سَردِرِ چاکی بِکَرَو اَوون قَرض آدَرَ، بی اِمکن چَی پس ویگَتِه اینتیظاری بِدارَ، کن شمه اَجر یال بَبیَه، وخدایِه متعالی، خردنِن بَبیرون، اِمی خونِه کن خدا ناشُکرو آوشرَ آدَمونَّه مِرَبانَه.

رَسولون اَعمال 16:28

ولی پولوس لَسَّنه سَس آداشَه، واتِش: «بَشتَن صَدَمه مژَن، اِمی خونه کن اَمه گِرد اِم جِگا کامون!»

رومی کلیسارا نامه 12:9

موحبَت پی خالیص ببو. بَدیکا رَت آبَه و چاکَه چیکا سَخت آچیکَه.

رومی کلیسارا نامه 14:19

پس بِرَ اَچیی ایی کن صلح و سلامتی و یَندِ ایمانی آمبَست کَردِ باعیث بَبی، دوملَه بِبَم.

اوّلین نامَه قورَنتیانیرا 14:1

موحَبَتی دوملَه ببَه و روحانیَه خَلا اون، غَیرَتینَه بِپییَه، بَخِصوص اِمکن پیشگویی بَکَرَ.

اوّلین نامَه قورَنتیانیرا 16:10

وقتی تیموتائوس آمَه، اَینَه جوری رفتار بَکَرَ کن شمَه وَریکا چیی ایکا تَتَه وَسَّه دَنِگنِه. چون اَ نی چمن شیوار خداوندی کاری کا اَنجوم دوعه؛

اوّلین نامَه قورَنتیانیرا 6:7

اصلا اِنتَرَ ژژِ وِجود شِمَه دِلَکا، شمَرا سرافکندَگیَه. چیرا نَپیرون اَ بدی قِبول بَکَر؟ چیرا حاضیر نینَّه ضَرَر بکَرَ؟

نامه غلاطیَه کلیسارا 6:10

پس تا فرصت دارَم گِردِ آدَمونرا چاکی بِکَرَم، بَخِصوص اَیِنیرا کن مسیح سَر ایمان بَداشتینَه.

نامَه اَفسوسی کلیسارا 5:15

پس، بَرک حواسِرون ببو کن چنترَ رفتار بَکَرون، اَلمندون شیوار رفتار بکرَ نِه نافَمون شیوار.

نامَه اَفسوسی کلیسارا 5:33

خولاصَه اِمکن، هر کِرَم شمَکا نی پی اِشتَن ژِنی هنتَه اِشتَن جانی شیوار رَی بدارِ، و ژِن پی چَی حواس ببو کن اِشتَن شو حورمتی غَم بَرِ.

اوّلین نامَه تَسالونیکی کلیسا را 2:12

اَمه هر کِرَمی شمَکا ایلَه بَه ایلَه تشیویق اَکَریمونَه، آلاوِنیمون و سیفارش اَکَریمون تا هَتَه کن خدا شَائنیکارَ زندَگی بکَرَ، کن بَشِمَه اِشتَن شکوه و جلال و پادیشا ایرا صَلال بَژَیَه.

اوّلین نامَه تَسالونیکی کلیسا را 5:21

بَسکم گِردِ چییون وَرداوَرد بکَرَ؛ اَ چیی ایی کن چاکَه کا، آچیکَه.

اوّلین نامَه تیموتائوسیرا 6:11

ولی تِه کن مِردِ خدا ایشَه، اِمونکا بیوریج، و صالح بِه و دینداری و ایمان و موحبت و پایداری و مولایمتی دوملَه بب.

دِوُّمین نامَه تیموتائوسیرا 2:24

خداوندی پاسَری نِباید خِرا خِلِه بِکرِ، بَسکم پی گِردینه مِربان ببو و بشا آموج دوعِه و بدی اون دلَکا صبرینَه تحمل بکَرِ.

نامَه تیتوسیرا 3:2

هیچ کَمی بدی نِواجِن، ژِژِ نِکَرِن، آرام ببون و گِردِ آدَمونَّه با اَدَب رفتار بکَن.

نامَه، عِبرانیه نَتاجَه مسیحیونرا 12:14

بَرک تقلا بکرَ تا گردِ آدَمونَّه صلح و سلامتیکا بومونَه و موقدّس ببَه، اِمی خونه کن بی قودوسیت هیچ کس خداوندی نییَویند.

پطروسی اوّلین نامَه 1:22

ایسَه کن حَییقتیکا فِرمون بَردِنَه، اِشتَن جانون پاجا آکَردَرون تا بی ریا و برا اَ موحبَت بِدارَ، خالیصانه و پاجا اَ دِلینه یَندِ رَی بِدارَ.

پطروسی اوّلین نامَه 2:17

گِردی حورمَتی غَم بَرَ، برا اون موحبت بکَرَ، خدا ترس ببَه. پادیشا ایحترام بنَرَ.

پطروسی اوّلین نامَه 3:9

بَدی بدینَه و زَبونی زَبونینَه جواب نِدَرَ، بسکم چَی عَوض، برکَت طلب بَکَر، اِمی خونه کن هِمیرا خِله بَه ایرون تا برکَتی بَدست بوعرَ.

یوحنا سوّمین نامَه 1:11

اَی خاجتی، بدی اِشتَنرا سرمشق مَکَه، بَسکَم چاکیکا سرمشق بیگِه؛ اَ کَسی کن چاکه کار بَکی خِداکارَ، ولی اَ کن بدَ کار بَکَی خِداش ویندَ نییَه.

یوحنا موکاشیفَه 19:10

چَی بَه دومله چَی پابِن برگِنِستیم تا بَی پرستِش بکَم. ولی بَمِنش واتَه: «انترَ مکه! اِمی خونه کن اَز تِنَه و اِشتِه برا اونَّه کن عیسی شهادتیکا آچیکه این، هم خیدمتیم. خدا پرستش بکَه!» اِمی خونه کن عیسی شهادت، پیشگویی روحَه.»

یوحنا موکاشیفَه 22:9

ولی اَ بمِنِش واتَه: «اِنتَرَ مکه! اَز نی هنته تِه و اِشتِه برا اون شیوار، یعنی پَیغمبَرِن، و اَیِنی کن اِم کیتاوی کلامی اَنجوم دَرِن، هَم خیدمتیم. خدا پرستش بکَه.»