اوّلین نامَه تَسالونیکی کلیسا را 4:6 - کتاب مقدس به زبان تالشي - گویش مرکزی

⁶ تا هیچ کس اِم کاریکا، اِشتَن برا حَقیکا خطا یا سوایستفادَ نِکرِ. هته کن چیمی بَه نه بَشِمَه واتِمون و بَه جِد هوشدار دامون، خداوند اِم کارون گِردی تَقاصی ویرَگَت.

کتاب مقدس به زبان تالشی شمالی

⁶ تا هیچ‌کس اِم کاری کا اِشتَن بِرا حقی کا خطا یا سواستفاده مَکَرِه. چوم خِداوند گِردِ اِم کارون تقاصی ویگِرِه، هَتَه که اَمَه پیشتری شِمَه نَه واتِمونه و جِدی هُشدار دوعَمونه.

اوّلین نامَه تَسالونیکی کلیسا را 4:6 Iomraidhean Croise

مَرقُس 10:19

حِکمون بَموستیش: ”آدَم مَکِش، زینا مَکَ، مَپِتار، دِروعَه شَهادَت مَدَ، حیلَه بازی مَکَه، اِشتَن دَدَ و نَنَه ایحترام بِنَه.»“

انجیل لوقا 12:5

ولی بَشمَه هُشداربَدامَه کن کیکا پی بِتَرسَه: اَکَسیکا پی بِتَرسَه کن کِشتِه بَه دوملَه اِم زاکینی دارِ کن جَندَمی دِلَکا دَرَفَنِه. ها، بَه شمَه باتیمَه کن اَیکا پی تَرسستِه.

انجیل لوقا 16:28

اِمی خونه کن مِرا پِنج برا هِستَ. ایلعازَری رَونَه آکَه تا چمن براون هشدار بدَرِ، تا نِکَر اَیِن نی اِم عَذابَه جگا را بان.“

رومی کلیسارا نامه 1:18

اِمی خونه کن خدا غَضَّب، هَر مودیل بی خدایی و اینسانون ناراستی سَردِرِ کن اِشتَن ناراستینَه حَقیقَتی نیفیت بَکَن، آستامونیکا ویرَرا.

رومی کلیسارا نامه 12:19

اَی خاجَتیِن، هرگز تقاص مَویگِرَ، بَلَکم اَی خدا غَضَّبی واگذار بکَرَ. اِمی خونه کن توراتیکا نِوِشتَه آبَه یَه کن: «خداوند باتی: تقاص چمن شِنَه؛ اَز سزا آمَدا.»

رومی کلیسارا نامه 13:4

اِمی خونه کن اَ اِشتِه خِیری خونه خدا پاسَرییَه. اَمّا اَگَم خلافَه کاری اَنجوم بِدَی، بِتَرس، اِمی خونِه کن دَدار شمشیری اِشتَن مینیکا جیبَستش نییَه. اَ خدا پاسرییَه و کسیَه کن خدا خونه تقاص ویرَگت، و خلافکاری سَردِرِ خدا غَضَبّی ویرَکرد.

دوومین نامه قرنتیانیرا 7:11

چون دیسَه اِم قورصه ایی کن خِدارا بَه چه خَشی ایی شمَکا بوجود وردشَه: اَلبَت هِم خَشیی اَ کن آمونِه شمَه تقصیر کار نیرون، چِه قیضیکا، چِه تَرسیکا، چِه دلتنگیکا، چِه غَیرَتیکا ، چِه موجازاتیکا. هر طَرَفیکا ثابیتِرون کردَ کن اَ قَضیَکا بی تقسیر بیرون.

نامه غلاطیَه کلیسارا 5:21

زِرَ گَتِه، مستی، عیاشی واِنتَرَ چییون شیوار. بَشِمَه هُشدا دَرِم، با اِمکن چیمی بَه نَه نی بَشمَه هوشدار دوعَم بَه، اَیِنی کن اِنتَرَ کارون بَکنَه خدا پادیشایی اِرث نینَّبَرد.

نامَه اَفسوسی کلیسارا 4:17

پس اِمی باتیمَه و خداوندیکا هَنی باتیم، کن دِ شمَه رفتار نِباید هنتَه اَ قامِنی شیوار کن خدا آنینَزنِست ببو، کن اِشتَن دَدارَ فکرونَّه رفتار بَکَن.

نامَه اَفسوسی کلیسارا 4:28

پِتارچی دِ مَپِتارِ، بَسکم زَمَت بکَشِه، و اِشتَن بالونَّه صیداقَتینَه کار بکَرِ، تا بشا دَسدَریسون نی چیی ایی بدرِ.

نامَه اَفسوسی کلیسارا 5:6

مرزَ کَسی بَشِمَه دَدارَ گَفونَّه گول بژَنه، چون هِم چییون خونه اَ کن خدا غَضَّب نافِرمونون سَردِرِ آ.

اوّلین نامَه تَسالونیکی کلیسا را 2:11

چون شمَه بَموستیرون، کن چنتَه ایلَه دَدَ ایی شیوار کن اِشتَن خِردَنونَّه رفتار بَکیَه،

دوّمین نامَه تَسالونیکی کلیسا را 1:8

کولوستارَ آرا دلَکا اَ خدانشناسون و اَیِنی کن چَمه خداوند عیسی اِنجیلیکا نافِرمونی اَکَرینَه، تَقاص ویرَگت.

نامَه، عِبرانیه نَتاجَه مسیحیونرا 13:4

برزَ ایزدواج گردِ آدَمون دلَکا ایحترام بدارِ و ژِن و شو رابیطَه پاجا ببو، اِمی خونه کن خدا زیناکارون و بی عیفَتون سَر دیوون بکَیَه.

نامَه، عِبرانیه نَتاجَه مسیحیونرا 2:6

کیتاو مزموری دِلَه، ایی جگا کا شاهیدیشون دوعَیه کن: «اینسان چِه چییَه کن تِه چَی فکریکا بَبی، یا اینسانی زوعَه، کن بَی اهمییَت بدَری؟

یعقوبی نامَه 2:6

اَمّا شمَه گیدَلیون بی حرمتی کَردَرونَه. مَگَم ثیروَت مَندِن نینَّه کن بَشِمَه ظِلم بَکَنَه و بَشِمَه مَحکمَرا بَبَنَه؟

یعقوبی نامَه 5:4

ایسَه اَ کاریگَرِنی کن شِمَه زمینونکا دورنوستَشونَه، و شِمَه حیلَنَه چَوون مِژدی آنِدارون، شِمَه زِرَبَرا لَسَّه بَژَن. و اَدورنون لَسَّه، لَشکَرون خداوندی گوش آرَستَه یَه.