اوّلین نامَه تَسالونیکی کلیسا را 3:6 - کتاب مقدس به زبان تالشي - گویش مرکزی

⁶ ولی ایسَه کن تیموتائوس شمَه وَریکا ویگَردِسته یَه و شمه ایمان و موحبتی چاکه خَبری وردشَه. اَ اَمَش خبر دوعَیه کن شمه اوزون چَمَه تَریفی چاک بَکَرون و هته کن اَمه شمَه ویندِرا ایشتیاق دارَم، شمه نی چَمَه ویندِرا خَوَصِرون.

کتاب مقدس به زبان تالشی شمالی

⁶ امّا حِسَه که تیموتائوس شِمَه وَری نَه آگَردِستَه چَمَه وَر و اَمَه را، شِمَه ایمان و محبتی خوشَ خَوَری وَردَشه و خَوَر دوشَه که شِمَه همیشه اَمَه چاکی نَه ویر بواَردیرون و چَمَه ویندِه را مشتاقی رونَه، هَتَه که اَمَه نی شِمَه ویندِه را مَشتاقی مونَه-

اوّلین نامَه تَسالونیکی کلیسا را 3:6 Iomraidhean Croise

رَسولون اَعمال 16:1

پولوس شهرِنِه دِربه و لِسترِه را شَه. اَ جِگاکا شاگِردی تیموتائوس نوم اَمونیَه کن چَی نَنَه یهودی و ایمان دار بَه، اَمّا چَی دَدَ یونانی بَه.

رَسولون اَعمال 18:1

چَی بَه دوملَه، پولوس آتِنیکا بِرِن برمَه قُرِنتُسیرا شَه.

رَسولون اَعمال 18:5

وقتی سیلاس و تیموتائوس مَقدونیَه منطقه کا آمینَه، پولوس گِردِ اِشتَن وَقتی، خدا کلامیرا آناشَه، و یَهودیون را شاهیدی اَدَریَه کن عیسی، هَه وعدَ آدوعَه مَسیحَه.

اوّلین نامَه قورَنتیانیرا 11:2

بشمَکا تَرییف بَکمهَ، اِمی خونه کن گِردِ چییونکا بَمن یاد آرَفنَه و رَسمون هَتَه کن شمَه دَست آدامَه، غَم بَردیرون.

اوّلین نامَه قورَنتیانیرا 13:13

پس ایسَه، اِم سِه چیی بَمندیَه: ایمان، اومید و موحبت. ولی گِردیکا یال تَر موحبَتَه.

نامه غلاطیَه کلیسارا 5:6

اِمی خونه کن مَسیح عیسی دِلَکا، نِه سِنَت بِه موهیمَه نِه سِنَت نِبِه، بَسکَم موهیم اَ ایمانیَه کن محبَتی واسیطنَه کار بَکَی.

نامَه فیلیپی کلیسا را 1:8

چون خدا شاهیدَ کن چنترَ ایحساسینَه کن عیسی مسیح کا سرچشمَه بَگَتی، شمَه گِردیرا ایشتیاق بَداشتیم.

نامَه کُولُسی کلیسا را 1:4

اِمی خونه کن شمه ایمانی خونه کن مَسیح عیسی دِلَکا و موحبتی کن گردِ موقدسَه آدَمون سَر دارَ، دَرَستَمونَه.

نامَه کُولُسی کلیسا را 4:18

اَز، پولوس، اِم سلامی اِشتَن دسخَطینه کام نوشتِه. چمن زِنجِلون ام زیندانی یاد آرَفنه. فیض شمَنه دَرِ ببو.

اوّلین نامَه تَسالونیکی کلیسا را 1:3

شمه کارون کن ایمانیکا اَ و زمَتی کن موحبتی دلَکا کَشتَرون و شمه آمبَست بِه اومیدیکا، کن چَمَه خداوند عیسی مسیح کا اَ، خدا و چَمه آستامونیَه دَدَ ناریکا یاد آمونَفَند.

اوّلین نامَه تَسالونیکی کلیسا را 2:17

ولی اَی برا اِن، اِمی خونه کن تلَکه زمانی شمَکا دور بیمون، اَلبت جندَکینه نِه قلبیکا، برکَه وِرَ ایشتیاقینَه تقلا کردِمون تا شمه رودَکَر بِوینم.

اوّلین نامَه تَسالونیکی کلیسا را 2:9

چون شمَه اَی برا اِن شمَه، حَییقتا چَمَه زَمت و عذابی یادیکا هِستِرون، کن شَو و روج کار اَکَریمونه تا اَموقه کن خدا اِنجیلی شمَرا موعیظَه بکَمون، کَسیرا سربار نِبَم.

اوّلین نامَه تَسالونیکی کلیسا را 3:7

اِمی خاطر، اَی برا اِن، گردِ اِشتَن سَختییِن موصیبَتونکا، شمَکا و شمه ایمانی خونه آلاویستیمون.

دوّمین نامَه تَسالونیکی کلیسا را 1:3

اَی برا اِن، اَمه پی اوزون شمَه وِجودی خونه خدا شکر بکَرم، دِرِست نی هِمَه، اِمی خونه کن شمه ایمان هِنترَکِه کا پِرَرا و شمَه هر کِرَمی موحبَت یَندِ سَر وِر آبو.

اوّلین نامَه تیموتائوسیرا 1:5

چَمَه هدف اِم فِرمونیکا، موحبتَه، موحبتی کن پاجا اَ دِلیکارَ و چاکَه ووژدان و خالیصَه ایمانیکارَ.

دِوُّمین نامَه تیموتائوسیرا 1:3

هَته کن بَتِه شَوانَه روج یَژَن اِشتَن دِوا اونکا یاد آمَفَند، خدا شکر بَکمَه، اَ خدایی کن اَزنیَه، اِشتَن دَدَ اون شیوار پاجا اَ ووژدانینَه بَی خیدمت بَکم.

نامَه فیلیمونیرا 1:5

اِمی خونه کن اَز اِشتِه موحبَت و ایمانی خونه کن خداوند عیسی و گِرد موقدسَه آدَمون سَر بَداشتیشَه، کام درَستِه.

نامَه، عِبرانیه نَتاجَه مسیحیونرا 13:3

اَیِنی کن زیندانیکاینَه یاد آمَفنَه، هنتَه کن اینگار شمَه نی اَوونَّه زیندانیکارون؛ و اَیِنی کن عذاب بکَشتین یاد آمَفنَه، اِمی خونه کن شمَه نی تنیکا عذاب بَکَشتیرون.

نامَه، عِبرانیه نَتاجَه مسیحیونرا 13:7

شمه رهبرون یاد آرَفنَه، اَیِنی کن خدا کلامی شِمَراشون واتَه. چَوون زندَگی روِشی آخِری بوینَه و چَوون ایمانیکا سرمشق بیگِرَ.

یوحنا اوّلین نامَه 3:23

و اِمَه چَی حِکم کن چَی زوعَه عیسی مَسیح نومی ایمان بوعرَم و یَندِ موحبَت بِکَرَم، هَتَه کن اَمَش فرمون دوعَیَه.