اوّلین نامَه تَسالونیکی کلیسا را 3:3 - کتاب مقدس به زبان تالشي - گویش مرکزی

³ تا هیچ کِرَمی شمَکا اِم سختیون خونه سِست آنِبو، چون کن شمَه چاک بَموستیرون کن اَمه هِمیرا تَیین بَه ایمون.

کتاب مقدس به زبان تالشی شمالی

³ تا هیچ‌کس اِم سختیون واسی سُست آمَبو، چوم شِمَه اِشتَن چاک بَزنیرون که اَمَه اِمی واسی تعیین بَیمونَه.

اوّلین نامَه تَسالونیکی کلیسا را 3:3 Iomraidhean Croise

انجیل لوقا 21:12

«ولی گِردِ اِم ایتفاقون دَگِنِسته بَه نَه، شمَه ویلاخِنِن، واَیذت آزار بَکَنَه. بَشِمَه عیبادَتگا اون و زیندانون تَحویل بَدان. چمن نومی خونِه، شمَه پادیشاهِن و والیون وَر بَبَردینَه.

یوحنا 16:2

عیبادَتگا اونکا شِمَه ایخراج بکَنَه و حتی زمانی آرَرَست کن هر کم شمَه بکشِه، فکر بکَیَه کن خدا خیدمت کردشَه.

یوحنا 16:33

اِمون شمرا واتمَه تا چمن دلَکا صلح و سلامتی بدارَ. دِنیا دِلَکا شِمَرا ایذَت و آزاربَبیَه؛ ولی دلْی زبق غَم بَرَ، اِمی خونه کن اَز دنیاسَردِرِ پیروز آبَه ایمَه.»

رَسولون اَعمال 14:22

اَ شَهرونکا شاگِردون جانی زبق آداشون و اَوون آمبَست مَندِ ایمانیکا تَشویق کَردِشونَه و نَصیحتِشون کردَ کن: «پی خدا پادیشاهی دِلَه دَشِه را برکَه سختیون تاو بوعَرَم.»

رَسولون اَعمال 2:25

هَته کن داوود پادیشا عیسی خونِه باتی: «‌”خداوندی اوزون اِشتَن نَ کا ویندَمَه، اِمی خونه کن اَ چمن راستَه وَریکا مَندَ تا جیمَپَرکم.

رَسولون اَعمال 21:11

اَ چَمه وَر آمَه و پولوسی دالَه ویگَتِش، اِشتَن بالون و لِنگون بَینَه آبَستِش و واتِش: «خدا موقدسَه روح باتی: اورشَلیمی یَهودیِن اِم دالَه صاحیبی اِنتَرَکِه دَنَّبَست و غَیر یَهودیون دست آنَّدا.“‌»

رَسولون اَعمال 21:13

ولی پولوس جواب آداشَه: «اِم چه کاریَه بَکَرون؟ چیرا اِشتَن بِرَمِستِه نَه چمن دِلی بَچاکِنِستیرون؟ اَز حاضِریمه خداوند عیسی نومی خونِه، نِه تاکَه زیندانیرا بِشوم، بَسکَم اورشَلیمکا نی بِمِرِم.»

رَسولون اَعمال 9:16

اِمی خونه کن اَز بَی آمونِستِم کن چمن نومی خونِه چِه عذابِنی پی بکَشه.»

رومی کلیسارا نامه 5:3

نِه تاکَه اِم، بَسکَم سَختیونکا نی خشی بکَمون، چون بَموستیمون کن اِم سَختیِن صبری سِی آرَکَرد

اوّلین نامَه قورَنتیانیرا 15:58

پس، چمن خاجتیَه برااِن، آمبَست و پابِند ببَه، اوزون خداوندی کاری ویشتَر و ویشتَر اَنجوم بدَرَ، اِمی خونه کن بَموستیرون شمَه زَمَت خداوندی دِلَکا دَدار نییَه.

اوّلین نامَه قورَنتیانیرا 4:9

چون اَز اِم فکریکام کن خدا اَمه رسولِنِش گِردیکا بَه آخیر، هنتَه اَیِنی کن مَردِرا محکوم بَه اینَه، تَمشا دوعه خونه را نوعَشَه. چون کن اَمه دنیارا، فرشتَه اونرا، تَمشا خانه آبَه ایمون.

نامَه اَفسوسی کلیسارا 3:13

پس اَ رنجِنی خاطر کن شمَه خونه تاو بوعردیمَه خاشتو خازِمَه، دلسرد آنِبَه، چیرا کن اَیِن شمه ایفتخار کردِ باعیث بَبی.

نامَه فیلیپی کلیسا را 1:28

و هیچ چیی دِلَکا اَیِنی کا کن شمَه زِرَبَرا این متَرسَه، کن هِم چَوونرا نیفلَه آبِه دیارَنِشونَه یَه، ولی شمَرا نیجات گَتِه نشونَه یَه و اِم خدا کا اَ.

نامَه کُولُسی کلیسا را 1:23

اَگَم واقییَن شمه اِشتَن ایمانیکا آمبَست بومونَه و اِنجیلی اَ اومیدیکا تِم مَرَ، هَه اِنجیلی کن آستامونی بَنیکا گردِ مخلوقونرا اییلام بَیَه، و اَز، پولوس، چَی پاسَری آبَه ایمَه.

اوّلین نامَه تَسالونیکی کلیسا را 5:9

اِمی خونه کن خدا اَمَش نِه غَضَّبیرا، بَسکم چَمَه خداوند عیسی مسیح واسیطنه، نیجات گَته خونه تَیین کردَشَه،

دوّمین نامَه تَسالونیکی کلیسا را 1:4

اِمی خاطر، اَمه اِشتَن خدا کلیسا دلَکا شمَه آمبَست بِه و ایمانی خونه، اَیذَتون و سختیون تاو وَردِرا، شمه وِجودیرا ایفتخار بکَمون.

دِوُّمین نامَه تیموتائوسیرا 1:8

پس، چَمَه خداوندیرا شاهیدی دوعه خونه یا اَز کن چَی خونه زیندانیکام، عار مَزون، بَسکَم تِه نی اِنجیلی خونه خدا زِبقینَه عَذاب کَشتِه کا شریک بب.

پطروسی اوّلین نامَه 2:21

چون اِمی خونه شِمَشون خِلِه کردَیَه، اِمی خونه کن مَسیح نی شِمَرا عذابِش کَشتَه و شِمَرا سرمشقی آناشَه تا هَه راهی کن اَ شه یَه، شمَه نی بشَه.

یوحنا موکاشیفَه 2:10

اَ عذابی کن هِم زودیون بَکَشتیشَه کا، مترس. بوین، ابلیس، شمَه دلَکا، بعضیوون ورداورد کردِ خونه بشِمه زیندان درَفندییَه و دَه روج عذاب بَبَرون. تِه تا مَردِ موقه وفادار بومون، کن اَز زندَگی تاجی بَتِه آمَدا.

یوحنا موکاشیفَه 2:13

بَموستیم کِرَم جگاکاشَه، اَ جِگا ایکا کن شَیطونی پادشایی تختَه. اِم حالینَه بَرک چمن نومی دَچِیکه ایشَه، حتی چمن اَمینَه شاهید، آنتیپاسی کِشته روجیکا کن اَشون شمَه دلَکا کن شَیطونی مندَ جگا اَ کِشتِشون، ایمانی کن بَمن داریشَه حاشا نِژِرَ.