اوّلین نامَه تَسالونیکی کلیسا را 2:18 - کتاب مقدس به زبان تالشي - گویش مرکزی

¹⁸ چیرا کن اَپیمون بَه شمَه وَر بِرَم- اَز اِشتَن، پولوس، چَن کرَ تقلا کردِمه - ولی شَیطون نَشتِشَه.

کتاب مقدس به زبان تالشی شمالی

¹⁸ چوم که اَمَه پیستِمونه بایَم شِمَه وَر- از پولُس، چِندی کَرَه پیستِمَه بام- ولی شیطان نییَشتِشَه.

اوّلین نامَه تَسالونیکی کلیسا را 2:18 Iomraidhean Croise

مَتّی 4:10

عیسی بَی واتش: «رَت آب اَی شَیطون! چون توراتیکا نوشتَه آبَیَه کن: «‌”خداوند، اِشتِه خدا پَرَستِش بِکَه و تاکَه بَی عیبادَت بکَه.“»

رومی کلیسارا نامه 1:13

برا اِن، نَپیمَه بی خَبَر بِبَه کن چَن کَرَ اَپیم بَه شِمَه وَر بام، ولی هَر کَرَ را، ای چیی ایی پیش آمَه. اَپیمَه شِمَه دِلَکا نی تلَکه اَکینی پِگِم، هَتَه کن دییَرَ غَیرِ یَهودیون دِلَکا دورنوستَمه.

رومی کلیسارا نامه 15:22

هِمی خونِه، چَن کَرَ اَپیم بَه شمَه وَر بام ولی نِبَه.

اوّلین نامَه قورَنتیانیرا 16:21

اَز، پولوس، اِشتَن دسخَطینَه اِم سَلامی شِمَرا بنِوشتیم.

نامَه فیلیپی کلیسا را 4:16

حتی زَمانی کن شهر تِسالونیکی کا بیم، چَن کَرَ چمن اِحتیاجونرا کمک عَندِرون و هَنی عَندِرون.

نامَه کُولُسی کلیسا را 4:18

اَز، پولوس، اِم سلامی اِشتَن دسخَطینه کام نوشتِه. چمن زِنجِلون ام زیندانی یاد آرَفنه. فیض شمَنه دَرِ ببو.

دوّمین نامَه تَسالونیکی کلیسا را 3:17

اَز، پولوس، اِشتَن دست خَطینه اِم سلامی بنِوشتیم. اِم چمن نوشون چمن گردِ نامَه اونکارَ. اَز انترَ بَنوشتیم.

نامَه فیلیمونیرا 1:9

اِم حالیکا، موحبتی خونه صلاح بَموستیم کن بَتِکا خاشتو خاز بکَم: اَز، پولوس، کن پیرَ مِردی هِستیم و ایسَه نی مسیح عیسی زیندانی ایمه،

یوحنا موکاشیفَه 2:10

اَ عذابی کن هِم زودیون بَکَشتیشَه کا، مترس. بوین، ابلیس، شمَه دلَکا، بعضیوون ورداورد کردِ خونه بشِمه زیندان درَفندییَه و دَه روج عذاب بَبَرون. تِه تا مَردِ موقه وفادار بومون، کن اَز زندَگی تاجی بَتِه آمَدا.