اوّلین نامَه تَسالونیکی کلیسا را 1:6 - کتاب مقدس به زبان تالشي - گویش مرکزی

⁶ شمه اَمکا و خداوندیکا سرمشق گَتِرون، اِمی خونه کن برکه وِرَ رنجون دِلَکا، اَ خَشی ایی نَه کن خدا موقدسه روح آرَدا، خدا کلامِرون قِبول کردَ.

کتاب مقدس به زبان تالشی شمالی

⁶ شِمَه اَمَه کا و خِداوندی کا سَرمشق گِتِرونه، چوم وِرَه رَنجون کا، خِدا کلامی، اَ شادی نَه که روح القدوس آدَه قبول کَردِرونه.

اوّلین نامَه تَسالونیکی کلیسا را 1:6 Iomraidhean Croise

مَتّی 16:24

چَی بَه دوملَه عیسی اِشتَن شاگردون طَرَف آگاردِستَه و واتش: «اَگَم کَسی بخا بَمنکا پیروی بکَرِ، پی بَشتنکا بِگذِرِ و اِشتَن عَذاب و مرگی صلیبی پِگِرِ وچمن دوملَه با.

یوحنا 8:12

عیسی هَنی مَردومینَه گَف ژِشَه و واتش: «اَز دِنیا نوریمَه. هر کم بَمنکا پیروی بکَرِ، ظِلَماتیکا گل نیَژِن، بَلکَم زندَگی نوری، بَداشتیَه.»

رَسولون اَعمال 13:52

شاگِردِن خَشی و خدا موقدسَه روحکا پَتلَمَه بینَه.

رَسولون اَعمال 5:41

پس رَسولِن خَشینَه شورا آدَمون حِضوریکا بِرِن شینَه، اِمی خونه کن لایق آبینَه کن عیسی نومی خونه بی حورمتی بوینن.

رَسولون اَعمال 9:31

اِنتَرَکِه کلیسا گِردِ یَهودیَه و جلیل و سامِرَکا آلاویستَه و آمبَست آرَبی و ایماندارِن خداوندی تَرسیکا زندَگی اَکَرین و خدا موقدسَه روح تَشویقینَه هر روج چَوون تیعداد ایضاف آرَبیَه.

رومی کلیسارا نامه 15:13

ببو، خِدایی کن اومید دَرِ، بَشِمَه خَشیکا و صلح و سلامتی ایی کن ایمانی دِلَکا اَ، پتلَمه بکَرِ، اَنَه کن خدا موقدسَه روح خِنَرینَه، اُمیدیکا کوکورو پَتلَمَه بِبَه.

اوّلین نامَه قورَنتیانیرا 11:1

پس بَمنکا سرمشق بیگِرَ، هَتَه کن اَز مَسیحکا سرمشق بَگَتیم.

اوّلین نامَه قورَنتیانیرا 11:2

بشمَکا تَرییف بَکمهَ، اِمی خونه کن گِردِ چییونکا بَمن یاد آرَفنَه و رَسمون هَتَه کن شمَه دَست آدامَه، غَم بَردیرون.

اوّلین نامَه قورَنتیانیرا 4:16

پس شمَکا خاشتو خازِمه کن بَمنکا سرمشق بیگِرَ.

دوومین نامه قرنتیانیرا 6:10

اَمنَه برضخَه آدَمون شیوار رفتار بکَن، اِم حالیکا اوزون خَشیمون؛ امنَه هنته گیدَلیون شیوار رفتار بَبی، ولی خَیلیون پولدار بَکَمون؛ اَمنَه هنته اَیِنی کن هیچ چیشون نی رفتار بکنَه، ولی گِردِ چییون صاحیبیمون.

دوومین نامه قرنتیانیرا 8:5

اَیِن نِه تاکَه اَتَه کن اَمه اینتیظار داریمون بَلکَم اول بَشتَنِشون خداوندیرا وقفِشون کردَ، و چَی به دوملَه خدا ایرادَ واتَنَه، بشتَن اَمَرا وَقف کردشون.

نامه غلاطیَه کلیسارا 5:22

ولی خدا روح ثمَرَ، موحبَت، خَشی، صلح و سلامتی، صَبر، مِرَبانی، چاکی و وَفاداری

نامَه اَفسوسی کلیسارا 5:1

پس هِنتَه خاجَتییَه خِردَنون شیوار، خدا کا سرمشق بیگَرَ.

نامَه فیلیپی کلیسا را 3:17

اَی برا اِن، یَندِنَه بَمِنکا سَرمشق بیگِرَ، و شمَه چَم کَسِنی طَرَف ببو، کن هَتَه کن اَمَکا سورَغِرونَه، رفتار بَکَنَه.

دوّمین نامَه تَسالونیکی کلیسا را 1:4

اِمی خاطر، اَمه اِشتَن خدا کلیسا دلَکا شمَه آمبَست بِه و ایمانی خونه، اَیذَتون و سختیون تاو وَردِرا، شمه وِجودیرا ایفتخار بکَمون.

دوّمین نامَه تَسالونیکی کلیسا را 3:7

اِمی خونه کن اِشتَن بَموستیرون کن پی چنترَ اَمَکا سرمشق بیگِرَ. چون اَموقه کن اَمه شِمنَه دَرِ بیمون، تنبل نِبیرون،

دوّمین نامَه تَسالونیکی کلیسا را 3:9

نِه اِمکن اَمه انترَ حقی مدارَم، بَلکَم تا اِشتَنکا ایلَه نمونَه ایی سرمشق گَتِرا، شِمَرا بِنَرَم.

دِوُّمین نامَه تیموتائوسیرا 4:2

خدا کلامی اییلام بکه و وقتو بی وقت آمادَ بب و ورَ صبرینَه و کامیلَه آموجینَه، ایصلاح و تَشَر و تشویق بکری.

نامَه، عِبرانیه نَتاجَه مسیحیونرا 10:34

اَیِنینَه کن زیندانیکا بین همدردی اَکریرون و شمه مالو منالی پِتارِسته موقه، خَشینه قبول اَکریرون، چون شمَه اَزنیرون کن چاکو و زَیرونَه مالو منالی صاحیبیرون.

پطروسی اوّلین نامَه 1:6

و اِمی خاطر بَرک خَشیرون، هَر چَنَه کن ایسَه اَگَم لازِم ببو موختَلیفَه وَرداوَرونَّه تَلکه زمانیرا بَرضَخ آنَّب،

پطروسی اوّلین نامَه 1:8

اَگَم چِه شمَه عیسای مسیحِرون ویندَ نییَه، بَی رَی دارَ؛ و هر چَنه کن ایسَه بَی نینَّویند، بَی ایمان دارَ و بَرکَه پور جَلالَه خَشینه خَشی بَکرون،

پطروسی اوّلین نامَه 3:13

اَگَم چاکی کَردِرا غَیرَت بدارَ، کییَه کن بَشِمَه ضرَر بژَنه؟

یوحنا سوّمین نامَه 1:11

اَی خاجتی، بدی اِشتَنرا سرمشق مَکَه، بَسکَم چاکیکا سرمشق بیگِه؛ اَ کَسی کن چاکه کار بَکی خِداکارَ، ولی اَ کن بدَ کار بَکَی خِداش ویندَ نییَه.