اوّلین نامَه تَسالونیکی کلیسا را 1:10 - کتاب مقدس به زبان تالشي - گویش مرکزی

¹⁰ و تا خدا زوعَه آستامونیکا آمِه اینتیظاریکا ببَه، کن خدا بَی مردَ اونکا زندَ آکَردِشه، یعنی عیسی، کن اَمَش آیَندَ غَضَّبیکا بَرَخامونِستی.

کتاب مقدس به زبان تالشی شمالی

¹⁰ و تا آسِمونی کا خِدا زوعَه اومِه منتظر بِبییَه، که خِدا اَیی مَردَه اون دیلَه کا زِنده آکَردِشه، یعنی عیسی، که اَمَه اَ غضبی کا که در پیشَه رهایی بَدای.

اوّلین نامَه تَسالونیکی کلیسا را 1:10 Iomraidhean Croise

مَتّی 1:21

اَ ایلَه زوعَه بَزَندیَه و ته چَی نومی عیسی آشَنا، اِمی خاطیرکن اَ اِشتَن قامی، چَوون گناخونکا نیجات داشَه.»

مَتّی 16:27

«اِمی خونه کن اِینسانی زوعَه اِشتَن آستامونیَه دَدَ جَلالیکا واِشتن فرشتَه اونَّه بومَیَه و اَ زَمانیکا هَر کَسی چَی کَردَ کارون شیوار عَوض دَرِ.

مَتّی 16:28

حَییقتا بَه شمَه باتیم کن بَعضیِن اِم جگا کا پامَندینه کن تا اِینسانی زوعَه نِوینن کن اِشتَن پادشاهیِ دِلَکا کا آمِه، نینّمرد.»

مَتّی 3:7

ولی وقتی یحیی ویندشَه کن خَیلیِن کن فَریسیون فرقه عالیمونکا و صَدّوقیون فِرقَه عالیمونکا بین چَی وَر بومَنَه تا تعمید بیگِن، اَیِنِش واتَه: «اَی اَفعیَه وَچَه اِن، کی بَه شِمَه هُوشدار داشَه تا غضَّبی کا کن کا آمِه بیوریجَه؟

انجیل لوقا 2:25

اَ زَمونَه کا، صالِحو و دیندارَ مِردی، شَمعون نوم، اورشلیمیکا زندَگی اَکَریَه کن خدا قامی اَراخِمونی مونتَظیر بَه و خدا موقَدسَه روح چَی سَریکا بَه.

انجیل لوقا 3:7

یَحیی جَماعَتَتونیرا کن آمَه بینَه تا چَی بالینَه تعمید بیگِن، اَواجیَه: «اَی اَفعیَه وَچَه اِن، کی بَه شِمَه هُوشدار داشَه تا غضَّبی کا کن کا آمِه بیوریجَه؟

رَسولون اَعمال 1:11

و واتِشون: «اَی جَلیلیَه مِردِن، چیرا پامَندیرون و آستامونیکا چَم دَشتَه رونَه؟ هِم عیسی کن، بَی شِمَه دِلَکا آستامونیرا بَردِشونَه، هَتَه کن ویندِرون آستامونیرا شَه، هَنی بومَیَه.»

رَسولون اَعمال 17:31

چون اَ، ایی روجِش تَیین کردیَه کن چَی دِلَکا اَ مِردی واسیطَنَه کن معّیَن کردشَه، دِنیا سَر عیدالَتینه دیوون بَکَیَه و چَی زندَ آکَردِ مَردَاونکا، گِردیش اِم کاریکا خاطر جَم کردِش.»

رَسولون اَعمال 2:24

خدا بَی مَرگی عذابونکا اَراخِمونیشَه، و بَی زندَ آکَردِش، اِمی خونه کن مَحال بَه مَرگ بِشا بَی اِشتَن چینگیکا غَم بَرِ.

رَسولون اَعمال 2:32

خدا، هِم عیساش زندَ آکَردَ و اَمه گِرد چَی شاهیدیمونَه.

رَسولون اَعمال 3:15

شِمَه، اَ کن زندَگی سَرچِشمَه بَه کِشتِرون، ولی خدا بَی مَردَاونکا زندَ آکَردِش و اَمه اِم چییون شاهیدِمون.

رَسولون اَعمال 3:21

کن پی آستامون بَی قِبول بکَریَه تا اَ روجِنی کن گِردِ چییِن بنابَر اَچیی کن خدا قَدیمَه دوورَ کا گِردِ اِشتَن موقدسَه پَیغمبَرون زونینَه واتَشَه، ایتفاق دگِنِه.

رَسولون اَعمال 4:10

پس گِردِ شِمَه و گِردِ یهودی آدَمِن، بِزنَه کن عیسای مسیح ناصِری نومینَه یَه کن اِم مِرد شِمَه نَکا سَلامت پامَندَ، هَه کَسی نومینَه کن شِمَه بَی صَلیبی سَردِرِ جیبَستِرون، ولی خدا بَی مَردَاونکا زندَ آکَردِش.

رومی کلیسارا نامه 1:4

و روح قدوسیَتی لَحاظ، اِشتَن، مَرَدَاون دِلَکا زندَ آبِه نَه، زبقینَه اییلام بَه کن خدا زوعَه یَه، یعنی چَمَه خداوند عیسای مسیح.

رومی کلیسارا نامه 2:7

خدا، زَیرونَه زندَگی اَیِنی آرَدا کن، چاکَه کارون اَنجوم دوعه کا صَبرینَه، شکوه و جلال و حورمت و زَیرونَه زندَگی دوملَه این؛

رومی کلیسارا نامه 4:25

اَ کن چَمه گِناخون خونِه مَرگی تَسلیم آبَه و چَمَه صالح بَحیساب آمِه خونِه، مَردَاونکا زندَ آبَه.

رومی کلیسارا نامه 8:34

کیَه کن اَوون مَحکوم بکَرِ؟ مَسیح عیسی کن مَردَ، و نِه تاکَه اِم، بَسکَم ، مَردَاونکا زندَآبه و خدا راستَه بالی وَریکا نِشتَه، هَیَه کن چَمَه گِردیرا شَفاعَت بَکَی!

اوّلین نامَه قورَنتیانیرا 1:7

هَته کن شمَه چَمه خداوند عیسی مسیح ویگَردستِه مونتَظِریرون، هیچ خَلا ایکا بی نَصیب نیرون.

نامه غلاطیَه کلیسارا 3:13

مسیح چَمَه جِگا لنَت بَه و اِنتَرَکِه اَمَش شَریعَتی لَعنَتیکا راخنیشَه، چون توراتیکا نِوِشتَه آبَه یَه کن:«هَر کمی کن دارِشون ژَ ببو مَلعونَه.»

نامَه فیلیپی کلیسا را 3:20

ایسَه اِمکن اَمه آستامونی شِنیمون و خداوند عیسای مسیح اینتظاریکامون کن ایلَه نیجات اَدَرَ.

نامَه کُولُسی کلیسا را 1:18

اَ تَنیرا یعنی کلیسا سَرَ. اَ شِروو و اولین نفرَ کن مرداونکا زندَ آبَه یَه، تا گردِ چییونکا اَ سَر ببو.

اوّلین نامَه تَسالونیکی کلیسا را 1:7

اِنترَکه شمه مقدونیه و اَخائیَه گردِ ایماندارونرا سرمشق آبیرون،

اوّلین نامَه تَسالونیکی کلیسا را 2:16

و نینَّشت اَمه غَیریَهودیونَّه گف بِژَنم تا نیجات بیگِن. اِنترَکه اِشتَن گِناخون پَیمونَه اوزون کوکورو بَکن. ولی خدا غَضَّب آخیر بَسَر چَوون سَردِرِ ویرمَیَه.

اوّلین نامَه تَسالونیکی کلیسا را 2:7

ولی هنته نَه نَه ایی شیوار کن اِشتَن خِردنون تر و خشک بکَیَه، شمَنه مولایم رفتار کردِمون.

اوّلین نامَه تَسالونیکی کلیسا را 5:9

اِمی خونه کن خدا اَمَش نِه غَضَّبیرا، بَسکم چَمَه خداوند عیسی مسیح واسیطنه، نیجات گَته خونه تَیین کردَشَه،

دِوُّمین نامَه تیموتائوسیرا 4:1

اَز، خدا و مسیح عیسی نَه کا کن زندَاون و مردَاون سَردِرِ دیوون بکیَه، و چَی آمِه و چَی پادیشاهی خونه، بَتِه سیفارش بَکم کن،

نامَه تیتوسیرا 2:13

و چَمَه اَ مِبارَکه اومیدی مونتظیر بومونَم، یعنی چَمَه عَظیمه خدا و چَمَه نیجات اَدَر عیسای مسیح شکوه و جلالی اَیر آبِه،

نامَه، عِبرانیه نَتاجَه مسیحیونرا 10:27

ولی اَ چیی ایی کن بمَندی، ترسینَه، موجازات و برکَه آرا کن خدا غَنیمون ویبَردیَه، مونتظیر مندِ یَه.

نامَه، عِبرانیه نَتاجَه مسیحیونرا 9:28

پس مسیح نی کن ایکرَ قربونی بَه تا خَیلیون گناخی نیفیت بکرِ، دوومین کرَرا آ، ولی نِه اِمی خونه کن گناخون نیفیت آکرِ، بَلکَم تا اَیِنی کن ایشتیاقینَه چَی چَم بَرا این، نیجات دوعِه را.

پطروسی اوّلین نامَه 1:21

شمَه چَی واسیطنَه خدا کا ایمان وَردَرونَه، خِدایی کن اَش مردَاون دِلکا زندَ آکَردِش و بَی شکوه جلال بَخشِتِش، تا شمَه ایمان و اومید خِداکا ببو.

پطروسی اوّلین نامَه 1:3

خدا و چَمه خداوند عیسی مسیح دَدَ موتبارک ببو کن اِشتَن یالَه رَحمتینَه، عیسی مسیح زندَ آبِه واسیطَنَه، مردَاون دلَکا، اَمَش تازَ دِنیا دَگِنستِه ایی بخشِسته، زندَ اومید داشتِه خونه

پطروسی اوّلین نامَه 2:21

چون اِمی خونه شِمَشون خِلِه کردَیَه، اِمی خونه کن مَسیح نی شِمَرا عذابِش کَشتَه و شِمَرا سرمشقی آناشَه تا هَه راهی کن اَ شه یَه، شمَه نی بشَه.

پطروسی اوّلین نامَه 3:18

اِمی خونه کن مسیح نی ایکَرَ گناخون خونه عذابِش کَشتَه، یعنی اَ صالِح، غَیرِ صالِحون خونِه، تا اَمه خدا وَر بوعَرِ. اَ جَندَکیکا مَردَ، ولی روح دِلَکا، زندَ آبَه،

پطروسی دومین نامه 3:12

خدا روجی مونتَظیر ببَه و اِمی خونه کن خدا روج زوو با، پی تقلا بکرَ. اَ روجی کا کن آستامونِن آرا بَگتین و نیفیت آنَّب و آستامونیَه اِسترَ اِن آرا رَندیکا آو آبون.

پطروسی دومین نامه 3:14

پس اَی خاجَتییِن، ایسَه کن اِنتَرَ چییون مونتَظیریرون، بَرک تقلا بکَرَ تا چَی نظریکا بی لکَّه و بی عَیب و صلح و سلامتیکا ببَه.

یوحنا موکاشیفَه 1:18

اَز، کن زندَایمَه. مَردَ بیم، ولی ایسَه دیَس زیرون زندَایمه و مَردِ و مردَ اون دِنیا اَچَرِن بَمِنکارَ.

یوحنا موکاشیفَه 1:7

بوینَه، اَ، خِرونَّه آ، هر چَمی بَی بَویندییَه، حتی اَیِنی چَم کن اَشون نیزَنَه ژَ؛ و زَمینی سَردِرِ گِردِ طایفَه اِن چَی خونِه عازیَه بَگَتین. واقییَن کن اِنتَرَ بَبییَه. آمین.