اوّلین نامَه تَسالونیکی کلیسا را 1:1 - کتاب مقدس به زبان تالشي - گویش مرکزی

¹ پولوس و سیلاس و تیموتائوسی طرَفیکا، شهر تِسالونیکی کلیسارا، کن خدای دَدَ وچمه خداوند عیسی مسیح دلَکا اینه: فیض و صلح و سلامتی شِمرا ببو.

کتاب مقدس به زبان تالشی شمالی

¹ پولُس و سیلاس و تیموتائوسی طرفی کا، تَسالونیکی شهری کلیسا را که خِدای دَده و چَمَه خِداوندْ عیسای مسیح کا اِستینه: فیض و صُلح و سلامتی شِمَه را با.

اوّلین نامَه تَسالونیکی کلیسا را 1:1 Iomraidhean Croise

رَسولون اَعمال 15:22

پس رَسولِن و ایسبیَه ریشِن گِردِ کلیسا آدَمونَّه تَصمیمِشون گَته، اِشتَن دِلَکا مِردِنی اینتخاب بِکَن واَوون پولوس و بَرنابا نَه شهر اَنطاکیَه را بَینِن. پس یَهودا کن بَی بَرسابا نی خِلِه اَکَرین و سیلاسی کن، برا اون دِلَکا رهبر بین، اینتخابِشون کردَ.

رَسولون اَعمال 15:27

پس یَهودا و سیلاسی رَونَه آکَردِمون تا اِشتَن گَفینَه بَشِمَه اِم چییونکا خَبر بِدَرِن.

رَسولون اَعمال 15:40

اَمّا پولوس، سیلاسی پِگَتِشَه و برا اِن، اَشون خداوندی فیضینَه عَندِشون.

رَسولون اَعمال 16:19

اَ کِرِچی اَربابِن وَقتی کن ویندِشون چَوون کاسبی هیچ آبَه، پولوس و سیلاسی گَتِشون و اَوون دَراکِن دَراکِن شهری مَیدونیرا، رَئیسون وَر بَردِشون.

رَسولون اَعمال 16:25

نیمَه شَوی موقِه، پولوس و سیلاس کایبین دِوا کَردِ، و سِرود خَندِ نَه خدا ستایِش اَکَرین و دییَرَ زیندانییِن نی اَوون گوش اَدَرین

رَسولون اَعمال 16:29

زیندان بان چَرایی اَپیش بَه و بتاو بتاوینَه زیندانی دِلَرا شَه و هَتَه کن ترسی خونه اَلَرزیَه، پولوس و سیلاسی پا بِن بَرگِنِستَه.

رَسولون اَعمال 17:11

اِم یهودییِن، تَسالونیکی یهودیونکا نجیب تَر بین، اِمی خونِه کن پَیغومی اِشتیاقینَه قِبول کَردِشون و هَر روج موقدسَه کیتاوون اَخونینَه تا بِوینِن پولوس و سیلاسی گَفِن هنتَه خدا کلامی شیوارَ، یا نِه.

رَسولون اَعمال 18:5

وقتی سیلاس و تیموتائوس مَقدونیَه منطقه کا آمینَه، پولوس گِردِ اِشتَن وَقتی، خدا کلامیرا آناشَه، و یَهودیون را شاهیدی اَدَریَه کن عیسی، هَه وعدَ آدوعَه مَسیحَه.

رَسولون اَعمال 19:22

چَی بَه دومله دِ گِلِه اِشتَن همکارِن، تیموتائوس و اِراستوسی مَقدونیَه را عَنِدِش و اِشتَن ایی مودت آسیا ولَتیکا مَندَ.

رَسولون اَعمال 20:4

اَیِنی کن پولوسینَه دَرِ بین: پیرروسی زوعَه سوپاتِر کن بیریَه آدَمونکا بَه، و آریستارخوس و سِکوندوس کن تَسالونیکی آدَمونکا بین، گایوس و تیموتائوس دِربِه آدَمونکا، و تیخیکوس و تروفیموس کن آسیا آدَمونکا بینَه.

رومی کلیسارا نامه 1:7

گِردِ اَیِنیرا کن شهر رومیکاینَه و خدا خاجَتی اینَه و اَیِنِشون صَلا ژَیَه تا موقدَسونکا آبون: فیض و صلح سلامتی، چَمَه دَدَ، خدا وَریکا، و خداوند عیسی مسیح طَرَفیکا شِمَرا ببو.

اوّلین نامَه قورَنتیانیرا 1:2

خدا کلیسارا کن شهر قورنتوسیکارَ، و اَیِنی کن مَسیح عیساکا تَقدیس بَه اینه و اَیِنشون صَلا ژَیه تا یندِنه موقَدس ببون، گِردِ اَیِنی نَه کن هر دییَرَ جِگاکا چَمه خداوند عیسی مسیح نومی خِلِه بَکَن، کن چَمه خداوند و چَوون خِداوندَ:

دوومین نامه قرنتیانیرا 1:1

پولوسی طرفی کا، کن خدا خواستنَه مسیح عیسی رسولَه، و چَمَه برا تیموتائوسی طَرَفیکا، خدا کلیسا را کن شهر قُرِنتُسی کارَ، و گِردِ موقدسِن کن وِلَته اَخائیه اِم سَر اَسَریکاینَه:

دوومین نامه قرنتیانیرا 1:19

اِمی خونه کن خدا زوعَه عیسایِ مسیح، کن اَز و سیلاس و تیموتائوس بَی شِمَه دلَکا اِییلام کَردِمونه، «ها» و «نِه» نِبَه، بَسکَم چَی دِلَکا اوزون ’ها‘ یَه.

نامه غلاطیَه کلیسارا 1:2

وهِنتَه گِردِ برا اِنی کن بَمِنَه دَرِن، غَلاطیَه کِلیسااونرا:

نامه غلاطیَه کلیسارا 1:22

هَنوزَنی یَهودیَه کلیسا اِن کن مَسیح دِلَکا هِستین، چمن صَفَتی نِه آزنین.

نامَه اَفسوسی کلیسارا 1:2

چَمَه دَدَ، خدا طرَفیکا و خداوند عیسی مسیح طرَفیکا، فیض و صلح سلامتی شمَرا ببو.

نامَه فیلیپی کلیسا را 1:1

پولوس و تیموتائوس، کن مسیح عیسی وَزییَرین، طَرَفیکا، بَه گِردِ شهر فیلیپیَه موقدَسِن کن مَسیح عیسی کاینَه، ناظیرِن و شَمّاسِن:

نامَه کُولُسی کلیسا را 1:1

پولوسی طَرفیکا کن خدا خواستَه نه، مسیح عیسی رسولَه، و چَمه برا تیموتائوسی طَرَفیکا،

دوّمین نامَه تَسالونیکی کلیسا را 1:1

پولوس و سیلاس و تیموتائوسی طَرفیکا، شهرِ تسالونیکیانی کلیسارا کن چَمه دَدَ خدا و خداوند عیسی مسیح دلَکانَه:

اوّلین نامَه تیموتائوسیرا 1:2

چمن حَییقیَه خِردن ایمانی دِلَکا، تیموتائوسیرا: چَمَه دَدَ خدا و چَمَه خداوند مسیح عیسی طَرفیکا فیض و رحمت و صلح و سلامتی شِمرا ببو.

دِوُّمین نامَه تیموتائوسیرا 1:2

چمن خاجَتیَه بَلَه، تیموتائوسیرا: خدای دَدَ و چَمه خداوند مسیح عیسی طَرفیکا فیض و رحمت و صلح و سَلامتی تِرا ببو.

نامَه، عِبرانیه نَتاجَه مسیحیونرا 13:23

بزنَه کن چَمَه برا تیموتائوس آزاد آبَیه. اَگَم اَ زو با بَینَه بوممَه و بَشمَه بَویندیمَه.

پطروسی اوّلین نامَه 5:12

سیلاسی واسیطَنه، کن بَی اَمینه برا ایی بَموستیم، موختصَر اِم چن گِلَه خطی شِمرا نوشتم تا شمه سیفارش بکَم و بَشِمَه اییلام بکَم کن خدا حقیقیَه فیض، هِمه. اَیکا آمبست بومونه.

یوحنا اوّلین نامَه 1:3

اَمه اَ کلامی کن ویندَمونَه و دَرَستَمون شِمَرا نی اییلام بَکَمون، تا شِمَه نی اَمَنَه رَفاقَت بِدارَ؛ حییقتن نی چَمَه رَفاقَت دَدَ نَه و چَی زوعَه عیسیِ مَسیح نَه یه.

یهودا نامه 1:1

یهودا طَرفیکا کن عیسی مسیح وَزییَر و یعقوبی برا اَ، اَیِنیرا کن صَلاشون ژَیَه و خدای دَدَ دلَکا خاجَتی اینَه، و عیسی مسیح خونِه اَیِنِشون غَم هَردَیه: