پطروسی اوّلین نامَه 5:8 - کتاب مقدس به زبان تالشي - گویش مرکزی

⁸ هواسِرون اِشتَنکا ببو و هوش ببَه، اِمی خونه کن شمه غَنیم ابلیس، هنتَه شیری شیوار غورش بَکی و هر طرفیرا کا گردِسته تا ایی نفری پیدا بکرِ بَی ویبَرِ.

کتاب مقدس به زبان تالشی شمالی

⁸ ویرا بِبیَه، شِمَه هَواس جمع بِبو، شِمه دِشمِن اِبلیس ایلَه شیری شیوار غُرِش بَکَردی و هَر طرفی را کارا بَگردِستی، ایی نفری بِتلَفِه که اَیی ویبَرِه.

پطروسی اوّلین نامَه 5:8 Iomraidhean Croise

مَتّی 13:39

و غَنیمی کن اَوون بَکَشتی، ابلیسَه. دورنوستِه موقه، اِم دِنیا آخیرَ؛ واَدورنِن، فرشتَه اِنینَه.

مَتّی 24:42

پس بیدار ببَ، اِمی خونه کن نینَزنی شمَه سرورِ چه روجیکا بومَیَه.

مَتّی 25:41

اَموقه اَیِنی کن چَی چَپَه طَرَفیکا هستبِین باتیَه: اَی ملعونِن، بَمنکا رَت آبه و اَ زَیرونَه آرا را بشَه کن ابلیس وچَی فرشتَه اونرا آمادَ آبَیَه،

مَتّی 4:1

اَموقه خداروح، عیساش وَیاوونی طَرَف بَردَ تا ابلیس اَی ورداورد بکَرِ.

مَتّی 4:11

اَموقه ابلیس عیساش آهَشتَه و فرشتَه اِن آمینَه و بَی خیدمت کَردِشون.

مَرقُس 4:15

بعضی آدَمِن دونَه اونی شیوارین کن راه دِلکا برگنِستین، اَجگا ایی کن خدا کَلامی بَکَشتینَه؛ وقتی کن کلامی دنَّرَست، جخت شَیطون بومَیَ و کلامی کن چَوون دِلَکا کَشتَشونَه آبَرِدیَه.

انجیل لوقا 21:34

«هوش ببهَ، نِکَرِ وِرَ هَردِ، مستی و اِم زندَگی تَفشیشِن شِمَه دِلی سنگین آکَرِ و اَ روج دومی شیوار ایکَرَایی شِمَه ویلاخِنِه.

انجیل لوقا 21:36

پس اوزون هوش ببَه و دوا بکرَ تا زبق بِدارَ کن گردِ اِم ایتفاقونکا کن چَی اَنجوم بِه نِزِکَه، بشوعَه بَروَشتِه و اینسانی زوعَه حِضوریکا پا بومونَه.»

انجیل لوقا 22:31

«شَمعون، شَمعون، دَیَس شیطون اِمی دوملَه بَه هِنتَه کَشاوَرزی شیوار کن گَندِمی سِنبَریکا تاکَه آرَکَرد بَتِه اِشتَنرا تاک آکَرِ.

یوحنا 8:44

شمَه، شمَه دَدَ ابلیسی شِنینَه وشمه خواسته اِمَه کن اَ چیی اِنی کن شمه دَدَ بَپیشَه اَنجوم بدَرَ. اِبلیس اَوّلیکا ایلَه قاتل بَه و حقیقتینه هیچ کاری نِداری اِمی خونِه کن هیچ حقیقتی اَیکا نیَه. اَ گف کن بَژَی، کا درو واتِه اِمی خونه کن چَی ذات دِرو واتِه یَه؛ اِمی خونه کن درو اَواجَه و دِروعون دَدَیَه.

دوومین نامه قرنتیانیرا 2:11

تا شَیطون اَمه گول مَژنِه، اِمی خونه کن چَی نقشَه اون بَموستیمون.

نامَه اَفسوسی کلیسارا 4:27

و ابلیسی فِرصَت نِدَرَ.

نامَه اَفسوسی کلیسارا 6:11

خدا اسلحَه کامیل دکرَتا بشوعَه ابلیسی حیلَه اون ناریکا پا بومونه.

اوّلین نامَه تیموتائوسیرا 2:15

ولی ژِن خِردَن دِنیا وردِ نَه، نیجات بَگَتی، اَگَم ایمانیکا و موحبَتیکا و موقدَّس بِه کا، نیجابَتیکا بومونن.

اوّلین نامَه تیموتائوسیرا 2:9

هنتَرَکه نی بَپیمَه کن ژِنن آبرومَندَ شندِر دَکَن و نیجابَتینه و حَیا نَه، نِه امکن دَوَته ذِلفینه، یا طِلِه و مِرَنه، یا گِرونَه شِندِرینَه،

اوّلین نامَه تیموتائوسیرا 3:11

هنترَکه نی، چَوون ژِنِن نی پی باوقار ببون، ایفترا نِژَنِن و بَسکَم هوش ببون و گردِ چییونکا اَمین ببون.

اوّلین نامَه تیموتائوسیرا 3:2

پس پی کلیسا ناظیری زندَگیکا نِبایَد چیی ایی چَی چَمای کردِرا ببو، تاکَه ایلَه ژِن بدارِه، هوش ببو، اِشتَن نفسی نَه بیگِرِو آبرو مند ببو، مِیمان نواز ببو آموج دوعه بِشا؛

دِوُّمین نامَه تیموتائوسیرا 4:17

ولی خداوند بَمِنه دَرِ به و بَمن زبق داشه تا اَ پَیغوم، چمن واسیطنه کامیلا اییلام ببو و غَیر یهودیین گِرد اوون درَسن. هنترَیه کن شیری گَویکا بروشتیم.

نامَه تیتوسیرا 1:8

بَسکم مِیمان نوازببو و چاکی کردِ رَی بدار و اِشتَن نفسی نَه بیگِرِ و درست کار و موقدَّس و مونَظم ببو؛

نامَه تیتوسیرا 2:12

و اَمه آموج دَرِ کن بی دینی و دِنیا هوا هَوَسون آهَرزَم، اِشتَن نفسی نَاری بیگِرَم و صالِح بِه و دیندارینَه اِم زَمونَکا زندَگی بکَرم،

نامَه تیتوسیرا 2:2

پیرَ آدَمِن هوش ببون و با وقار ببون و اِشتَن نفسی ناری بیگِن و ایمان و موحبَت و آمبست مندِ کا دِرِست رفتار بکَن.

نامَه تیتوسیرا 2:4

تا جوانَه ژِنون آموج بدَن کن اِشتَن شو و اِشتَن خِردَنون رَی بِدارِن.

نامَه تیتوسیرا 2:6

هنتَه نی جوانَه مِردون نی دیم پِنَه تا اِشتَن نفسی نَه بیگِن.

یعقوبی نامَه 4:7

پس شمه خداکا ایطاعت بکرَ. ابلیسی نَ کا بومونَه، و اَ شِمَکا بَوریتی یَه.

پطروسی اوّلین نامَه 1:13

پس شمَه فیکرون، عَمل کَردِرا آمادَ بکَرَ، هوش ببِه و شمه اومیدی کامیلا اَ فیضی سَر بِنَرَ کن عیسی مَسیح اِشتَن ظهور کَردِ موقه بَشِمَه بَبَخشِستیَه.

پطروسی اوّلین نامَه 4:7

گِردِ چییون آخیر نِزِکه؛ پس اِشتَن دِوا اون خونه هوش ببَه و اِشتَن نفسی ناری بیگِرَ.

یوحنا موکاشیفَه 12:10

چِی بَه دومله برکَه لَسَّه ایی آستامونیکا درَستِمه کن اَواجیَه: «ایسَه چَمَه خدا نیجات و خِنَر و پادیشاهی، و چَی مسیح زاکینداری آرَستَیه. چون اَ کن چَمه بِراون سَردِرِ ایفترا بَژَی، کن چَمه خدا حِضوریکا شَو روج اَوون ایتهام اَژَنیَه، بِنِشون بَرَفندَ.

یوحنا موکاشیفَه 12:12

پس اَی آستامونِن و آستامونیکا اَمونِن، خَشی بکرَ. ولی بِرامِه اِشتِه حالیرا اَی زمین و اَی دَیرا، اِمی خونه کن ابلیس برکَه غَرَصینه شمَه سَردِرِ بِنیرا آمَه یَه، اِمی خونه کن بَموستیَه وقت کَمَه.»

یوحنا موکاشیفَه 12:9

یالَه اَژدِخا بِنیرا ویگنِسته، یعنی هَه قدیمیه نَلَتی کن بَی ابلیس یا شَیطون خِلِه اَکَرینَه و دِنیا دِلَه گِردِ آدَمون گومراه آکَردِشَه. اَشون زَمینی سَر ویداشتِشون و چَی فرشتَه اِنِشون نی بَینَه بِنیرا ویرَفَندشون.

یوحنا موکاشیفَه 20:10

و اِبلیسِش، کن اَیِنِش گول ژَ به، هه جِگا ایرا کن اَ اَشیا و دِروعَه پَیغَمبریشون ویرفندَ به، دَیراچَه ایکا کن آرا گوگِردینَه پَتلمَه به ویرَفندِشون، اَیِن تا ابد تا ابد عذاب بَکشتینه.

یوحنا موکاشیفَه 20:2

فرشتَه اَ قدیمیَه نلَتی، اَژدِخاش، کن هه ابلیس یا شَیطونَه، گَتِشه و اَسیرِش کردَ.