پطروسی اوّلین نامَه 5:12 - کتاب مقدس به زبان تالشي - گویش مرکزی

¹² سیلاسی واسیطَنه، کن بَی اَمینه برا ایی بَموستیم، موختصَر اِم چن گِلَه خطی شِمرا نوشتم تا شمه سیفارش بکَم و بَشِمَه اییلام بکَم کن خدا حقیقیَه فیض، هِمه. اَیکا آمبست بومونه.

کتاب مقدس به زبان تالشی شمالی

¹² سیلاسی واسطه نَه که اَیی ایلَه وفادارَه بِرایی بَزنیم، شِمَه را مُختصر نیویشتِمَه تا شِمَه سفارش بِکَرِم و شِمَه را اِعلام بِکَرِم که اِمَه خِدا اَ حقیقی یَه فیض، اَیی کا پابَرجا بومونَه.

پطروسی اوّلین نامَه 5:12 Iomraidhean Croise

یوحنا 21:21

وَقتی پِطروس اَی بَویندی، عیسی کا دَپرسِستَه: « چمن خداوند، پس اَ چِه بَبی؟»

رَسولون اَعمال 11:23

وقتی بَرنابا اَجِگارا آرَستَه و خداوندی فِیضی ویندِش، خَش آبَه و گِردیش تَشویق کَردَ تا صِدقِه دِلینَه خداوندی وَفادار بِبون،

رَسولون اَعمال 15:22

پس رَسولِن و ایسبیَه ریشِن گِردِ کلیسا آدَمونَّه تَصمیمِشون گَته، اِشتَن دِلَکا مِردِنی اینتخاب بِکَن واَوون پولوس و بَرنابا نَه شهر اَنطاکیَه را بَینِن. پس یَهودا کن بَی بَرسابا نی خِلِه اَکَرین و سیلاسی کن، برا اون دِلَکا رهبر بین، اینتخابِشون کردَ.

رَسولون اَعمال 20:24

ولی اَز هِم جان و هِم زندَگی بَشتَنرا بی ارزش بَموستیم، و تاکَه اَگَم بِشام اِشتَن دووری تَمون آکَرم و خیدمَتی کن خَداوَند عیسی کا ویگَتِم کامیل اَنجوم بِدَرم، و خدا فِیضی خَشَه خَبَری شاهیدی بدَرِم.

رومی کلیسارا نامه 5:2

اَمه چَی واسیطنَه، و ایمان داشته نَه، اَ فیضی بَه دَست وَردَمونَه، کن ایسَه چَی دِلَکا آمبَستیمون، و خدا شکوه و جَلالی اُمیدی دلَکا خَشی بَکَمون.

اوّلین نامَه قورَنتیانیرا 15:1

بِرااِن، ایسَه بَپیمَه اِنجیلی کن شِمرا موعیظَم کردَ، شمَرا یاد آفَنِم، هَه اِنجیل کن قِبول کردِرون و چَی سَر آمبَستیرون

دوومین نامه قرنتیانیرا 1:19

اِمی خونه کن خدا زوعَه عیسایِ مسیح، کن اَز و سیلاس و تیموتائوس بَی شِمَه دلَکا اِییلام کَردِمونه، «ها» و «نِه» نِبَه، بَسکَم چَی دِلَکا اوزون ’ها‘ یَه.

دوومین نامه قرنتیانیرا 1:24

نِه اِم کن شِمَه ایمانی سَردِرِ سَروَری کَردَمون ببو، بَسکَم شِمَه نَه، شِمَه خَش برا تَقّلا بَکَمون، اِمی خونه کن شمَه ایمانی دِلَکا آمبَستیرون.

نامَه اَفسوسی کلیسارا 3:3

کن چنتَه اَ راز، موکاشفَه نَه مِرا دیار آبَیه، هَته کن تلَکه ایی چَی خونه شِمَرا نوشتَمه،

نامَه اَفسوسی کلیسارا 6:21

اِمی خونه کن چمن حالیکا باخبر ببَه و بزنَه کن چِه بَکمَه، تیخیکوس کن خاجَتیَه برا و خداوندی وفادارَ پاسَریَه، گردِ چییون بشمَه باتیَه.

نامَه کُولُسی کلیسا را 1:7

هته کن شمه اَی، چَمه خاجَتیَه همکار اِپافراسیکا آموتِرون. اَ کن شمه طَرفیکا مسیح وفادارَ پاسَری اَ.

نامَه کُولُسی کلیسا را 4:7

تیخیکوس بَشِمَه کامیلا چمن حالیکا باخبَر بکیَه. اَ خاجَتیَه برا و اَمینَه پاسَری و بَمِنه خداوندی دلَکا هم خیدمتَه.

نامَه کُولُسی کلیسا را 4:9

اَ، اونیسیموسینَه، کن چَمَه اَمینو خاجتیه برا اَ و شِمَکارَ، شمه وَر بومیَه. اَیِن بَشِمَه هر چیی اییکا کن اِم جِگاکا ایتفاق دَگنستِه باخبر بَکنَه.

اوّلین نامَه تَسالونیکی کلیسا را 1:1

پولوس و سیلاس و تیموتائوسی طرَفیکا، شهر تِسالونیکی کلیسارا، کن خدای دَدَ وچمه خداوند عیسی مسیح دلَکا اینه: فیض و صلح و سلامتی شِمرا ببو.

دوّمین نامَه تَسالونیکی کلیسا را 1:1

پولوس و سیلاس و تیموتائوسی طَرفیکا، شهرِ تسالونیکیانی کلیسارا کن چَمه دَدَ خدا و خداوند عیسی مسیح دلَکانَه:

نامَه، عِبرانیه نَتاجَه مسیحیونرا 13:22

اَی برااِن، بَپیمَه چمن اِم گَفی کن پند و اندرزَ تاو بوعرَ، اِمی خونه کن شمَرا خولاصَه نوشتِم.

پطروسی اوّلین نامَه 1:13

پس شمَه فیکرون، عَمل کَردِرا آمادَ بکَرَ، هوش ببِه و شمه اومیدی کامیلا اَ فیضی سَر بِنَرَ کن عیسی مَسیح اِشتَن ظهور کَردِ موقه بَشِمَه بَبَخشِستیَه.

پطروسی اوّلین نامَه 4:10

هر کِرَم شِمَکا اَ عطیَه ایی کن ویگَتَرونَه طبق، هنتَه ایلَه پاسَری ایی شیوار کن خدا موختَلیفَه فِیضیرا خیدمَت بَکَی، اَی یَندِ خیدمَت کردِرا کار بیگِرَ.

پطروسی دومین نامه 1:12

پس اَز بَپیمه اوزون اِنتَرَ چییون شمَه یادیکا بومونه، هر چَنه کن اَوون بموستیرون و اَ حَییقتیکا کن پَیدارون کردَیه آمبَستیرون.

پطروسی دومین نامه 2:15

راسته راه کا برشَه اینَه و گومرا آبَه این. اَیِن بِعوری خردن، بَلعامی راهِشون نار گتَیه کن نادِرِستی مِژدی رَی داری.

یوحنا سوّمین نامَه 1:12

گِرد دیمیتریوسیرا چاک شاهیدی دَرِن، حتی حَییقت اِشتَن. اَمه نی اِنتَرَ شاهیدی دَرَم و بَموستیش کن چَمه شاهیدی راستَه.

یهودا نامه 1:3

اَی خاجَتی اِن، اَگَم چِه بَرکَه ایشتیاق داریمَه تا اَ نیجاتیکا کن گرد اَیکا رَسَت دارَم شِمَرا بنوِسم، ولی لازمم ویندَ اِم چن گِلَه خط نوشتِنَه، شمَکا بپیام، اَ ایمانی کا کن ایکَرَ اوزونیرا موقدسَه آدَمون دست دوعَشونه تقلا بکرَ.