پطروسی اوّلین نامَه 4:7 - کتاب مقدس به زبان تالشي - گویش مرکزی

⁷ گِردِ چییون آخیر نِزِکه؛ پس اِشتَن دِوا اون خونه هوش ببَه و اِشتَن نفسی ناری بیگِرَ.

کتاب مقدس به زبان تالشی شمالی

⁷ گِردِ چییون آخِر نِزدیکَه؛ بَس شِمَه دعا اون واسی شِمَه هَواس جمع بِبو و شِمَه پیشی بِگِرَه.

پطروسی اوّلین نامَه 4:7 Iomraidhean Croise

مَتّی 24:42

پس بیدار ببَ، اِمی خونه کن نینَزنی شمَه سرورِ چه روجیکا بومَیَه.

مَتّی 25:13

پس حواسِرون ببو، اِمی خونه کن اَ روج و ساعتیکا خبرِرون نیَه.

انجیل لوقا 21:34

«هوش ببهَ، نِکَرِ وِرَ هَردِ، مستی و اِم زندَگی تَفشیشِن شِمَه دِلی سنگین آکَرِ و اَ روج دومی شیوار ایکَرَایی شِمَه ویلاخِنِه.

انجیل لوقا 21:36

پس اوزون هوش ببَه و دوا بکرَ تا زبق بِدارَ کن گردِ اِم ایتفاقونکا کن چَی اَنجوم بِه نِزِکَه، بشوعَه بَروَشتِه و اینسانی زوعَه حِضوریکا پا بومونَه.»

انجیل لوقا 22:46

عیسی اَیِنِش واتَه: «چیرا ختیرون؟ پِبَ و دِوا بکَرَ تا وَرداوَردیکا دَنِگِنَه.»

رومی کلیسارا نامه 12:12

اومیدیکا خَش، و غَرَّ روجونکا صَبور ببَه و اوزون دِوا بکَرَ.

اوّلین نامَه قورَنتیانیرا 15:24

چَی به دوملَه آخیرَ زمان آرَرَست، اَموقه ایی کن پادیشایی خدای دَدَ دست آرَدا، یعنی اَموقه کن هر حکومت و زاکین و قدرتی نیفیت بَکیَه.

اوّلین نامَه قورَنتیانیرا 7:29

برا اِن، چمن منظور اِمه کن وقتی مندَ نی. چیمی به دومله، حتی اَیَن کن ژِنوِشون بردَ اِنتَرَ رفتار بِکَن کن اینگار ژِنشون نیَه؛

نامَه اَفسوسی کلیسارا 6:18

و اوزون، همه مودیل دِوا و خاشتو خازینَه، خدا روح دلَکا دِوا بکرَ و هِمیرا بیدار و هوش ببَه و یژَن پایدارینَه گردِ موقدسَه آدَمونرا دِوا بکرَ.

نامَه فیلیپی کلیسا را 4:5

بَرزَ گرد بوینن کن شمَه با مولاحِضَه آدَمیرون. خداوند نِزِکَه.

نامَه کُولُسی کلیسا را 4:2

اوزون دِوا کا آمبَست ببَه، شکر کردِ نَه شمَه هَواس دِوا کا ببو.

دِوُّمین نامَه تیموتائوسیرا 4:5

ولی ته همه حالیکا هوش بب؛ عذابون تحمل اَکَن، اِنجیلی اییلام کَردِ کاری اَنجوم آدَ و اِشتَن خیدمتی کامیل آکَه.

نامَه تیتوسیرا 2:12

و اَمه آموج دَرِ کن بی دینی و دِنیا هوا هَوَسون آهَرزَم، اِشتَن نفسی نَاری بیگِرَم و صالِح بِه و دیندارینَه اِم زَمونَکا زندَگی بکَرم،

نامَه، عِبرانیه نَتاجَه مسیحیونرا 10:25

و هته کن بعضیونرا عادَت آبَه یه، یَندِ نَه جَم آبِه کا دست پِمَگِرَم، بسکم ویشتَر یَندِ تشویق بکرَم، بَخِصوص ایسَه کن کامون ویندِ اَ روج یعنی خداوند عیسی ویگردِستِه روج، هنترَکه کا نِزِکتَر آبِه.

نامَه، عِبرانیه نَتاجَه مسیحیونرا 9:26

اِمی خونه کن انترَکه، مسیح پی دِنیا خلق بِه موقه کا یَژَن عَذابِش کشتَه ببو، ولی انترَ نبَه، اَ، ایسَه ایکرَ اوزونیرا آخیرَ زمانونکا آمَه تا بَشتن قربونی کردِ نَه، گناخی نیفیت آکرِ.

پطروسی اوّلین نامَه 1:13

پس شمَه فیکرون، عَمل کَردِرا آمادَ بکَرَ، هوش ببِه و شمه اومیدی کامیلا اَ فیضی سَر بِنَرَ کن عیسی مَسیح اِشتَن ظهور کَردِ موقه بَشِمَه بَبَخشِستیَه.

پطروسی اوّلین نامَه 3:7

هِنترَکه، شمه اَی مِردِن، شمه اِشتَن ژِنونَّه جوری زندَگی بکَرَ کن اَوون درک بکرَ و آزنَه، اِمی خونه کن اَیِن بَشِمکا ظَریفتَرینَه و چَوون ایحترامی غَم بَرَ، اِمی خاطر کن اَیِن شِمَنه فیض بخشَه زندَگی وارِثینَه، تا نِکَرِ کن شمَه دِوااِن بی جواب بومونن.

پطروسی اوّلین نامَه 5:8

هواسِرون اِشتَنکا ببو و هوش ببَه، اِمی خونه کن شمه غَنیم ابلیس، هنتَه شیری شیوار غورش بَکی و هر طرفیرا کا گردِسته تا ایی نفری پیدا بکرِ بَی ویبَرِ.

یوحنا موکاشیفَه 16:15

دَیَس، اَز هنته پِتارچی شیوار آم! خَشی اَ کَسی حالیرا کن اِشتَن شندِری دَکردَشه و بیدار بَمندی، نِکرِ لوت رونَه آبو و گِرد چَی رسوایی بوینن.»