پطروسی اوّلین نامَه 4:11 - کتاب مقدس به زبان تالشي - گویش مرکزی

¹¹ هر کَم گَف بَژَیَه، هنته خداوندی شیوار گف بِژنه؛ و هر کَم خیدمت بَکیَه، اَ زبقینَه کن خدا بَبَخشِستی خیدمت بکرِ، تا گِردِ چییونکا، عیسی مسیح واسیطَنه، خدا شکوه و جلال بیگِرِ. شِکوه و جلال و سلطنت تا اَبد و تا ابد چَی شِن ببو. آمین.

کتاب مقدس به زبان تالشی شمالی

¹¹ هَر کسی که گَف ژَنِه، خِداوندی شیوار گف بِژَنه؛ و هَر کسی که خدمت بَکَردی، اَ قدرتی نَه که خِدا آدوعَشَه خدمت بِکَرِه، تا گِردِ چییون کا، خِدا، عیسایِ مَسیح واسطه نَه جلال بِگِرِه. جلال و سلطنت تا اَبَد و تا اَبَد اَیی نَه بِبو. آمین.

پطروسی اوّلین نامَه 4:11 Iomraidhean Croise

مَتّی 6:13

و اَمه وَرداوَردیکا مَوَ، بَلکَم اَ آوشَریکا اَمه اَراخمون. [اِمی خونه کن، پادیشاهی، قودرَت و شکوه وجلال، تا ابد اِشتِنَه. آمین.]

یوحنا 13:31

یَهودا بِرِن بَرشِه بَه دوملَه، عیسی واتِش: «ایسَه اینسانی زوعَه جلال دیار آبَه وخدا جَلال اَیکا دیار آبَه.

رَسولون اَعمال 7:38

اِم هَه موسی اَ کن وَیاوونیکا جَماعَتینَه دَرِ بَه. و اَ فرشتَه اینَه کن کوه سیناکا بَینَه گَف ژِشه همراه، و هِم چَمَه بابا اون همراه بَه. موسی، زندَگی بخشَه کَلامیش ویگَتَه تا چَمَرا آراسِنِه.

رومی کلیسارا نامه 11:36

اِمی خونه کن گِردِ چییِن اَیکا اَ، و چَی واسیطنَه یَه ، و چَی شِنین. زَیرونَه شکوه جلال چَیرا ببو. آمین.

رومی کلیسارا نامه 12:3

چون فِیضی خونِه کن بَمن عَطا بَه یَه، هَر کِرَمی شِمَکا باتیمَه کن بَشتَن ویشتَر از اَچییی کن هِستیرون، مَزنَه، بَلکَم هَر کَس اَ ایمانی اَندازَ کن خدا بَشِمَه بَخشِستَشَه، دِرِست قیضاوَت بکَرَ.

رومی کلیسارا نامه 16:27

اَ کن تاکَه اَلمَندَ خِدایَه، عیسای مَسیح واسیطَنَه زَیرونَه شکوه و جلال ببو! آمین.

رومی کلیسارا نامه 3:2

خَیلی، هَر لَحاظیکا. اَوَل اِمکن خدا کَلام، یَهودیون دَست اَمانَتِشون دوعَه یَه.

اوّلین نامَه قورَنتیانیرا 10:31

پس هَر چیی ایی بردیرون، هر چیی ایی بِنتیرون و یا هر کاری بَکَرون، گِردِ اِم کارون خدا شکوه و جلال دوعه خونه اَنجوم بدَرَ.

اوّلین نامَه قورَنتیانیرا 12:4

عطا اِن موختَلیفینه، ولی روح هَیَه؛

اوّلین نامَه قورَنتیانیرا 3:10

اَ فیضی نَه کن خدا بَمنِش آدوعَیَه، هنته ماهیرَ میعماری شیوار هیمی پِکَندِمَه و دییَرَ کَسی اَ هیمی سَردِرِ ساختیمان سِی آرَکَرد. ولی هر کم پی هوش ببو کن چِنتَرَ سِی آرَکَرد.

اوّلین نامَه قورَنتیانیرا 6:20

اِمی خونه کن شمَه خِرییِه را بَهاشون دوعَیه، پس اِشتَن تَنیکا خدا شکوه وجلال بدَرَ.

دوومین نامه قرنتیانیرا 2:17

اِمی خونه کن اَمه اَیِنی شیوار کن اِشتَن نفعی خونه خدا کَلامی بَخِرَتین، نیمون. بَسکم اَمه خدا چَمون نَکا مَسیح دلَکا گَف بَژَمون. اَ آدَمونی شیوار کن خالیصَه نیَت بَداشتین و خدا طَرفیکان.

دوومین نامه قرنتیانیرا 9:13

اِم خیدمتی خونه مردوم خدا شکوه جلال آنَّدا اِمی خونه کن نِه تاکَه ایتراف بکَرون مسیح انجیلی ایمان دارَ بَسکم اَوون و دییرَ کسون اَ چیی ایی دلَکا کن هِستِرونَه شریک بَکَرون.

نامَه اَفسوسی کلیسارا 1:19

و چَی بی حَد و حیسابَه خِنریکا چَمَه سَر کن ایمان دارَم، باخبر ببَه. اِم خنَر، خدا زاکیندارَ اینجاریکا کن کا کار کردِ بومیَه،

نامَه اَفسوسی کلیسارا 4:29

شمَه گَو بَدَ گفیرا آج آنِبو، بَلکَم شمَه گَفِن گِرد دییَرَ آدَمون بنا کردِرا کار با و نیازی براووردَ بکرَ، و اَدَرَسونرا فیض آرَسونِه.

نامَه اَفسوسی کلیسارا 5:20

اوزون خدای دَدَ، چَمه خداوند عیسی مسیح نومینَه هَمه چی خونه شکر بواجَه.

نامَه اَفسوسی کلیسارا 6:10

آخیر بَسَر خداوندیکا و اَ زبقیکا کن چَی خِنَریکا آ، قودور آبَه.

نامَه فیلیپی کلیسا را 1:11

صالِح بِه بَرَ کا پَتلمَه بِبَه کن عیسی مَسیح واسیطَنَه، خدا شکوه جَلالیرا تَمون آرَب.

نامَه فیلیپی کلیسا را 2:11

و هَر زونی ایقرار بکَرِ کن عیسی مَسیح «خِداوَندَ»، خِدای دَدَ شکوه و جَلالی خونِه.

نامَه کُولُسی کلیسا را 4:6

شمَه گَفن اوزون فیضینَه پتلَه و سنجیدَ ببون، تا بزنَه کن هرکَسی جوابی چنتَرَ بدَرَ.

اوّلین نامَه تَسالونیکی کلیسا را 2:4

بَسکم هَتَه کن خدا اَمَش تَایید کردِشَه تا اِنجیلی کاری اَنجوم بدَرَم، پس چَمه گَف ژِ آدَمون راضی دَروَردِرا نییَه، بَسکَم خدا راضی آکردِرا اَ، کن چَمه دِلون وَرداورد بَکی.

اوّلین نامَه تیموتائوسیرا 1:17

ایسَه اَ پادیشا دوورَ، اَ کن زَیرونَه و بَی نییَب ویندِ، اَ تاکَه خدارا تا اَبد و تا ابَد حورمت و شکوه و جلال ببو؛ آمین.

اوّلین نامَه تیموتائوسیرا 6:16

تاکَه هَیَه کن زَیرونَه، اَ کن ایلَه نوریکا اَ، کن نییَبن بَیکا نِزِک آشِه، هیچ کَس بَی ویندَش نیَه و نییَشا ویندِ، حورمت و سلطَنَت تا ابد چَیرا ببو. آمین.

نامَه تیتوسیرا 2:1

ولی تِه دِرِستَه تعلیمی طبق، آموج بِدَ.

نامَه تیتوسیرا 2:15

اِم چییون اییلام بِکه؛ و گِردِ اِشتَن زاکیندارینَه، تشویق و توبیخ بکَه. و مَرزِن کَسی بَتِه گِچ بَحیساب بوعرِ.

نامَه، عِبرانیه نَتاجَه مسیحیونرا 13:7

شمه رهبرون یاد آرَفنَه، اَیِنی کن خدا کلامی شِمَراشون واتَه. چَوون زندَگی روِشی آخِری بوینَه و چَوون ایمانیکا سرمشق بیگِرَ.

نامَه، عِبرانیه نَتاجَه مسیحیونرا 5:12

چون هر چَنَه کن شمَه تا ایسَه پی موعلیم آبَه بیرون، ولی موحتاجیرون کن ایی نفر خدا کلامی ایبتدا اییَه اصولی هنی بَشمَه آموج بدَ. شمه هنوزَنی شِتِرون بَپیست، نِه سَنگینَه غذا.

یعقوبی نامَه 1:19

چمن خاجَتیَه برا اِن، اِمی بِزنَه: هر کَم پی دَرَستِکا تِند ببو، و گَف ژِ کا کِل و آسرنگِستِه موقه آرام ببو!

یعقوبی نامَه 1:26

اَگَم کَسی گَمون بَکی دیندارَ، ولی اِشتَن زونی نِیَشا غَم هَردِ، کا بَشتن گول ژِ، چَی دینداری دَدارَ.

پطروسی اوّلین نامَه 2:12

شمَه کارِن بی ایمانون دِلَکا چاک ببو، تا اَیِنی کن شمَه زِرَبَرا گَف بَژَن کن شمه اَعمال بَدَ، شمه چاکَه کارون ویندِه خونه، روجیکا کن خدا بَویندیمون، بَی پرستش بِکَن.

پطروسی اوّلین نامَه 2:5

شمَه نی هنتَه زندَ سِه اون شیواریرون کن روحانیَه عیمارَت شِمکا سِی آرَب، تا هنته موقدسَه کاهینون شیوار آبه تا عیسی مسیح واسیطَنه، روحانیَه قِربونییِنی کن خدا اوون قِبول بَکی، تقدیم بکرَ.

پطروسی اوّلین نامَه 4:10

هر کِرَم شِمَکا اَ عطیَه ایی کن ویگَتَرونَه طبق، هنتَه ایلَه پاسَری ایی شیوار کن خدا موختَلیفَه فِیضیرا خیدمَت بَکَی، اَی یَندِ خیدمَت کردِرا کار بیگِرَ.

پطروسی اوّلین نامَه 4:16

اِم حالیکا اَگَم ایی نفر مسیحی بِه خونه عذاب بَبَردی، شرمندَ آمبو، بَسکم اَ نومی دِلَکا خدا شکوه و جلال بدَرَ.

پطروسی اوّلین نامَه 5:11

سلطنَت تا ابد و تا ابد چَیرا ببو. آمین.

یهودا نامه 1:25

چَیرا کن چَمَه نیجات اَدَر و چَمه تاکَه خدا اَ، چَمَه خداوند، عیسی مسیح واسیطنَه، جلال و شکوه و سلطنت و زاکین ببو. اَ کن شِروو کا هِست بَه، و ایسَه هِستَه و زَیرون بَمندییَه. آمین.