پطروسی اوّلین نامَه 4:1 - کتاب مقدس به زبان تالشي - گویش مرکزی

¹ پس اِمی خاطر کن مسیح، جَندَکی دِلَکا عذابِش کَشتَه، شمَه نی هِم فکرینَه بَشتن حاضیر آمادَ بکرَ، چون اَ کن جَندَکینَه عذابِش کَشتَه ببو، دِ گناخینه کاریش نییَه.

کتاب مقدس به زبان تالشی شمالی

¹ بَس چوم مَسیح جسمی کا عذاب کَشِشَه، شِمَه نی اِشتَن هِم طرز فکری نَه حاضیر آمادَه آکَرَه، چوم هَر کسی که جِسمی کا عذاب کَشَشَه، دِ گناه نَه کاری نیشَه.

پطروسی اوّلین نامَه 4:1 Iomraidhean Croise

مَرقُس 3:3

عیسی اَ مِردی کن چَی بال لَم بَه واتِش: «اِم جِگاکا پا بِمون.»

رومی کلیسارا نامه 6:11

پس شِمَه نی، پی بَشتَن گناخیرا مَردَ بزنَه، و مسیح عیسا دِلَکا، خِدارا، زِندَ بزنَه.

رومی کلیسارا نامه 6:2

هرگز! اَمه کن گناخی خونِه مَردیمون، چِنتَه بَشامون چَی دِلَکا هَنی زندَگی بِکَرم؟

رومی کلیسارا نامه 6:7

چون اَ کن مَردَیَه، گناخی دِلَکا رَخِستَیَه.

نامه غلاطیَه کلیسارا 2:20

اَز مَسیح نَه صَلیبی سَر مَصلوب آبیم، واِم دِ اَز نیمَه کن زندَگی بَکَی؛ بَلکَم مَسیحَه کن چمن دِلَکا زندَگی بَکَی؛ و اِم زَندَگیی کن ایسَه جَندَکیکا دارِم، خدا زوعَه سَر ایمان وَردِ خونِه یَه کن بَمن رَی داری و اِشتَن جانی مرا آداشَه.

نامه غلاطیَه کلیسارا 5:24

اَیِن کن مَسیح عیسی شِنین، جندَکی چَی هَوَا و هَوَس و مِیلون نَه صَلیبی سَر دَرا کِنِستَشونَه.

نامَه اَفسوسی کلیسارا 6:13

پس خدا اسلحَه کامیل دکَرَ، تا آوشَرَ روجیکا بشوعَه آمبست مندِ، وبشوعَه گردِ چییون اَنجوم بِه بَه دوملَه، پا برجا بومونَه.

نامَه فیلیپی کلیسا را 2:5

هَه فِکرون بِدارَ کن مَسیح عیسی داریَه:

نامَه، عِبرانیه نَتاجَه مسیحیونرا 12:3

چَی فکریکا بِبَه کن چنترَ گناخکارون عَدابَت کن چَی زِرَبَرا بَه کا تاوِش وردَ، تا شمَه مَویخِسَه و دلسرد آنِبَه.

نامَه، عِبرانیه نَتاجَه مسیحیونرا 4:10

اِمی خاطر کن هر کَم خدا آلاویستِه دلَرا دَرَرا، اِشتَن کارون دلَکا نی آلاویستیَه. هَتَه کن خدا اِشتَن کارون دلَکا آلاویستَه.

پطروسی اوّلین نامَه 2:21

چون اِمی خونه شِمَشون خِلِه کردَیَه، اِمی خونه کن مَسیح نی شِمَرا عذابِش کَشتَه و شِمَرا سرمشقی آناشَه تا هَه راهی کن اَ شه یَه، شمَه نی بشَه.

پطروسی اوّلین نامَه 3:18

اِمی خونه کن مسیح نی ایکَرَ گناخون خونه عذابِش کَشتَه، یعنی اَ صالِح، غَیرِ صالِحون خونِه، تا اَمه خدا وَر بوعَرِ. اَ جَندَکیکا مَردَ، ولی روح دِلَکا، زندَ آبَه،