پطروسی اوّلین نامَه 3:8 - کتاب مقدس به زبان تالشي - گویش مرکزی

⁸ آخیر بَسَر، گِردِ شمه، یَک دِل و یک فکر و برا دوست و دلسوز و فروتن بِبَه.

کتاب مقدس به زبان تالشی شمالی

⁸ آخِرسَر، شِمَه گِرد، یَک فیکر و یَکدیل و بِرا دوست و دیلَسوج و فروتن بِبییَه.

پطروسی اوّلین نامَه 3:8 Iomraidhean Croise

مَتّی 18:33

مَگَم نِباید ته نی اِشتِه همکاری رحم بِکَریشَه، هَته کن اَز بَه تِه رحم کَردِمه؟“

انجیل لوقا 10:33

ولی ایلَه مِسافیر کن سامِرَ آدَمونکا بَه اَجِگاییرا آرَستَه کن اَ مِردِ اَ جِگاکا بَه. وقتی اَ مِردِش ویندَ، چَی دل چَیرا سیجیستَه.

رَسولون اَعمال 2:1

وَقتی کن پِنتیکاسَه عیدی روج آرَستَه، گِرد یَک دِل ایی جِگاکا جَم آبَه بین

رَسولون اَعمال 27:3

اَ روجی سَوسَه شهر صِیدونیرا آرَستیمون و یولیوس پولوسی لُطف کَردِش، و ایجازَ آداشَه اِشتَن رَفِقون وَر بِشو تا چَی نیازون چَیرا ویگِرِن.

رَسولون اَعمال 28:7

اَ نِزِکیونکا زَمینِنی بین کن جَزیرَ رَئیس کن پوبلیوس نوم داری، شِن بَه. اَ اَمَش اِشتَن کَرا صَلا ژِشَه و سِه روج اَمَکا چاکَه پَذیرایی کَردِش.

رَسولون اَعمال 4:32

گِردِ ایمان دارِن یَکدِل و یَک جان بینَه و هیچ کَس چیی ایی اِشتَن مالو منالیکا اِشتَن شِن نَزنیَه، بَسکَم، گِردِ چییونکا یَندِ نَه شَریک بین.

رومی کلیسارا نامه 12:10

و بِرااون شیوار یَندِ رَی بدارَ. یَندِ ایحترام نوعِه کا، یَندِ نار دَوَزَ.

رومی کلیسارا نامه 15:5

ببو کن، خدایی کن آمبست گیری و دلگرمی آرَدا، بَشمَه عَطا بکَرِ تا هته کن مَسیح عیسا خواستَنَه جورَ، یندِنَه مودارا بکرَ،

اوّلین نامَه قورَنتیانیرا 1:10

برا اِن، چَمه خداوند عیسی مَسیح نومینَه شِمَکا خاشتو خازِمَه کن یَندِنَه یَک دل ببَه، تا شِمَه مینَکا تَفرَقَه مبو. بسکم شمه دلَکا هِم فکریکا و هِم نَظَریکا ایلَه آبَه.

اوّلین نامَه قورَنتیانیرا 12:26

و اَگَم ایلَه عوضو عذاب بکَشه، عوضوِن گِرد بَینَه عذاب بکَشِن؛ و اَگَم ایلَه عوضو حورمت بدارِ، گِرد خَش آنَّب.

نامَه اَفسوسی کلیسارا 4:2

کامیلَه فروتنی و مولایمتینَه؛ و صبرینَه و موحبتینه یَندِ تاو بوعَرَ.

نامَه اَفسوسی کلیسارا 4:31

هر مودیل تِل گیری، غَضَّب، آسرَنگِستِه، جِکَّله، ایفترا و هر مودیل بَد پیستِه بَشتنکا رَت آکَرَ.

نامَه اَفسوسی کلیسارا 4:32

یَندِ نَه مِربان دلسوز ببَه و هته کن خدا بشِمَه مسیح دلَکا بخشِستِشَه، شمه نی یَندِ ببَخشَه.

نامَه فیلیپی کلیسا را 2:3

هیچ کاری زِرَ و یالَه نار گیری سَردِرِ مَکَرَ، بَسکَم فروتَنی نَه دیَرَ کَسون اِشتَنکا بِیتَر بِزنَه.

نامَه فیلیپی کلیسا را 3:16

اَمه پی هر چیی ایی بَدَستِمون وَردیَه، هنته چَی شیوار رَفتار بِکَرم.

نامَه کُولُسی کلیسا را 3:12

پس هنتَه خدا اینتخاب بَه قام، کن موقدَّس و خاجَتییَه، بَشتن دل سوزی، مِرَبانی، فروتنی، مولایم بِه و صبری شندری دَکَر.

نامَه، عِبرانیه نَتاجَه مسیحیونرا 13:1

شمَه دلَکا برا اَ موحبت ببو.

یعقوبی نامَه 2:13

اِمی خونِه کن دیوون اَ کَسیرا کن رحم کَردَش نیَه، بیرحم بَبیَه. رحم، دیوونی سَردِرِ حریف بَبیَه!

یعقوبی نامَه 3:17

ولی اَ حیکمَت کن آستامونیکارَ، اَوَّل پاجا اَ، چَی بَه دوملَه صلحی دومله یه و آرامه، نصیحتی گوش آرَدا، و رحمَت و چاکَ بَرَ کا پَتلَمَیه، و فرق نوعِه و دِ سَرَ کَرچَنگ گیریکا دورَ!

یعقوبی نامَه 5:11

ولی خشی اَیِنی حالیرا کن صبرِشون کردَ و تاو وردِشون. شِمَه اَیوبی صَبر و تاو وَردِ خونِه دَرَستَرون، و بَموستیرون کن خداوند آخیر بَسَر بَینَه چِش کَردَ، اِمی خونه کن خداوند، بی حَد و حیساب مِربان و بَخشندَیه.

پطروسی اوّلین نامَه 1:22

ایسَه کن حَییقتیکا فِرمون بَردِنَه، اِشتَن جانون پاجا آکَردَرون تا بی ریا و برا اَ موحبَت بِدارَ، خالیصانه و پاجا اَ دِلینه یَندِ رَی بِدارَ.

پطروسی اوّلین نامَه 2:17

گِردی حورمَتی غَم بَرَ، برا اون موحبت بکَرَ، خدا ترس ببَه. پادیشا ایحترام بنَرَ.

پطروسی اوّلین نامَه 5:5

هِنترَکه اَی جَوانِن، شمه ایسبیه ریشون فِرمون ببه. شمه گِردِ، اِشتَن رفتاریکا فروتنی دَکرَ، اِمی خونه کن، «خدا یالَه نارون نَکا بمندی، ولی فروتنَه آدَمون فیض بَبخشِستی.»

پطروسی دومین نامه 1:7

دیندارینه، برا شیوار رَی داشتِه، و برا شیوار رَی داشتِه نَه، موحبت.

یوحنا اوّلین نامَه 3:14

اَمه بَموستیمون کن مَرگیکا دَیوَردَمونه و زِندَگیرا آرَستَه ایمون، اِمی خونه کن برا اون موحبت بَکمون. هَر کم موحبَت نِکَرِ، مَرگیکا بَمَندیَه.