پطروسی اوّلین نامَه 3:4 - کتاب مقدس به زبان تالشي - گویش مرکزی

⁴ بَسکم بَرزَ شمه خاص گیری، شمه اَ دَرونیَه اینسانی ببو کن شمَه دِلیکارَ و نییَبن چمینه بَی ویندِ، و ایله آلاویستَه و مولایِمَه روحی نَه وَج آبَه ببو، کن خدا نظَریکا اِنتَرَ خاص گیری ایی برک با اَرزِشَه.

کتاب مقدس به زبان تالشی شمالی

⁴ بَلکَم بِدارَه شِمَه خوشگیلی شِمَه اَ درونی یَه آدَمی بِبو که شِمَه قلبی دیلَه کایَه و چِمی نَه ویندَه نییَب، و ایلَه آروم و ملایمَ روح نَه خوشیگل آبییَه که اِنتَه رَه خوشگیلی ایی خِدا نظری کا وِر با اِرزِشَه.

پطروسی اوّلین نامَه 3:4 Iomraidhean Croise

مَتّی 11:29

چمن یوغی دوشی سَر بیگِر و بَمنکا آموج بِوینَه، اِمی خونِه کن اَز مُلایِمیمَه و دِلیکا فروتَنیمَه وشِمَه جانیرا راحَتی بَویندیرون.

مَتّی 21:5

«اورشلیمی و صحیونی کلَه بواجَه، ”ایسَه پادیشا اِشتِه وَر بومَی، سَر بَه جیرَ وخَری سَر دَنِشَته یَه و کا آمِه، خَرَ کِرَ سَردِرِ دَنِشتَه یَه و کا آمِه.»

مَتّی 23:26

اَی کورَفَریسی، اَولیکا قَدرَ و باخشاوی دِلَه پاجا اَکَن کن چَی بِرن نی پاجا آرَبن.

مَتّی 5:5

خَشی فروتَنون حالیرا، اِمی خونه کن اَیِن زَمینی میراث بَبردینه.

انجیل لوقا 11:40

اَی نافَمِن، مَگَم اَ کن بِرِنی سِی آکَردَشه، دِلَش نی سِی آکَردَ نی؟

انجیل لوقا 16:15

عیسی اَیِنِش واتَه: «شمه کَسِنی هِستیرون کن بَشتَن مَردومیرا درِستَه آدَم نِمود دَرَ، اَمّا خدا شمَه دلیکا باخَبَرَ. اِمی خونه کن اَچیی کن آدَمون دِلَکا اَرزش دارِ، خدا نَظَریکا مردالَه چییَه!

رومی کلیسارا نامه 1:23

و اَیِن زَیرونَه خدا شکوه و جلالی، اَ بوتِنی نَه کن فانییَه اینسان و پرندَاِن و خَیوونِن و خَزَندَاون اَمونینَه، عَوَض آکردِشون.

رومی کلیسارا نامه 2:29

بَسکم یَهودی هَیَه کن باطِنیکا یَهودی ببو و سِنَت بِه نی، صِدقَه دِلَه کارییَه، کن خدا روح اَی اَنجوم دَرِ، نِه اِم کن ایلَه نوشتَه واسیطَنَه. اِنتَرَ اینسانی، خدا بَی تَریف بَکَی، نِه آدَمِن.

رومی کلیسارا نامه 6:6

اِمی خونه کن بَموستیمونَه اَ قَدیمَه اینسان کن اَمه بیمون، بَینَه مصلوب آبیمون تا جَندکی گناخ نیفیت آبو و دِ گناخی وَزییَر مَبَم.

رومی کلیسارا نامه 7:22

اِمی خونه کن اَز باطِنیکا خدا شَریعَتیکا کیف بَکَم،

دوومین نامه قرنتیانیرا 10:1

از، پولوس، بَشتن، مسیح فورتنی و مِرَبان بِنَه بشمَه خاشتو خاز بکمَه، اَز کن شمَه اِشتَن باتیرون وقتی شمَه وریکام سَر بَه جیریم و اَ موقه کن شمَه وریکا نیم جَسوریم.

دوومین نامه قرنتیانیرا 4:16

پس نا اومید آنی مونَب. هَر چَنَه چَمَه ظاهیر کا نیفیت آبِه، چَمَه باطن روج بِه‌ روج تازَ تر آرَبن.

نامه غلاطیَه کلیسارا 5:23

مولایمت و نفسی ناری گَتِه اَ. هیچ شریعتی اِمون زِرَبَرا نیَه.

نامَه اَفسوسی کلیسارا 4:2

کامیلَه فروتنی و مولایمتینَه؛ و صبرینَه و موحبتینه یَندِ تاو بوعَرَ.

نامَه کُولُسی کلیسا را 3:12

پس هنتَه خدا اینتخاب بَه قام، کن موقدَّس و خاجَتییَه، بَشتن دل سوزی، مِرَبانی، فروتنی، مولایم بِه و صبری شندری دَکَر.

نامَه کُولُسی کلیسا را 3:3

اِمی خونه کن مَردیرون و شمه زندَگی ایسَه مَسیح نَه خدا دَلَکا نونَه.

اوّلین نامَه تَسالونیکی کلیسا را 4:11

آرامَه زندَگی طَمارزو بدارِ و اِشتَن کاریکا ببَه و اِشتَن بالونَّه کار بکَرَ، هَتَه کن اَمه بَشِمَه فِرمون آدامون.

دوّمین نامَه تَسالونیکی کلیسا را 3:12

و ایسَه خداوند عیسی مسیح نومینه انترَ آدَمونرا حکم بکَمون و اَوون تشویق بَکَمون کن آلاوین و اِشتَن روزی بَروَرِن.

اوّلین نامَه تیموتائوسیرا 2:2

حاکیمونرا و صاحیب منصَبونرا، تا اَمه بشوعَم آرام و آسودَ زندَگیی ایی بدارَم کن کامیلَه دیندارینَه و وَقارینَه ببو.

دِوُّمین نامَه تیموتائوسیرا 2:25

پی اَیِنی کن موخالفین آلاونیِه نَه اِصلاح بکرِ، شاید خدا اَیِنِش توبَه عطاکردَ تا حَییقتی آزنن،

نامَه تیتوسیرا 3:2

هیچ کَمی بدی نِواجِن، ژِژِ نِکَرِن، آرام ببون و گِردِ آدَمونَّه با اَدَب رفتار بکَن.

یعقوبی نامَه 1:21

پس هَر مودیل فیساد و هر مودیل آوشَر گیری کن مندیَیه، اِشتَنکا رَت آکَرَ و فروتَنینه، کَلامی کن خدا شِمَه دلی دلَکا کَشتَه شه قبول بکَرَ. اَ کلامی کن بَشایَه شِمَه جانون نیجات بدَرِ.

پطروسی اوّلین نامَه 1:23

اِمی خونه کن شمه هَنی دِنیا دَگنستَه ایرون، نِه کم نیفیت آرَ بَه تِخمیکا بسکم زَیرونه تِخمیکا، یعنی خدا کلامی واسیطنه کن زندَ یه و تا ابد بمندیَه.

پطروسی اوّلین نامَه 3:15

بَسکم اِشتَن دِلیکا خداوند مسیح موقدَّس بزنَه و بَی ایحترام بنَرَ و اوزون حاضیر ببَه تا هَر کَم اَ اومیدی کن شمَه دلیکارَ دلیلی دَپَرسِستَه، چَی جوابی بدَرَ، البت ایحترامینه و نرمینه.