پطروسی اوّلین نامَه 3:18 - کتاب مقدس به زبان تالشي - گویش مرکزی

¹⁸ اِمی خونه کن مسیح نی ایکَرَ گناخون خونه عذابِش کَشتَه، یعنی اَ صالِح، غَیرِ صالِحون خونِه، تا اَمه خدا وَر بوعَرِ. اَ جَندَکیکا مَردَ، ولی روح دِلَکا، زندَ آبَه،

کتاب مقدس به زبان تالشی شمالی

¹⁸ چوم که مَسیح نی ایی کَرَه گناه اون را عذاب کَشِشَه، یعنی اَ صالِح، کسونی را که صالِح نینَه، تا اَمَه بواَرِه خِدا وَر. اَ جِسمی کا کِشتَه بَه، امّا روح کا، زِنده آبَه،

پطروسی اوّلین نامَه 3:18 Iomraidhean Croise

مَتّی 27:19

و هِنتَه نی، هَنگومی کن پیلاتُس دیوون کَردِ تختی سَردِرِ نشت بَه، چَی ژِن پیغومی چَیرا عندِشَه، واتش: «تِه اِم صالحه مِردینَه کاریر مَبو، اِمی خونه کن امروج خاوی چَی خونه ویندَمه کن اَ خاو بَمن بَرکه عذاب داشَه.»

مَتّی 27:24

وَقتی پیلاتُس بَویندیَه کن کا دَمردَ سیناو کَردِ و حتی اَتَرسیه کن شورش ببو، واتشَه چَیرا آو بوعَرن و اِشتَن بالون مردمی چَمی نَ کا شوشتِشه و واتِش: «اِم مِردی خون چمن مِلیکا نییَه. شِمَه اِشتَن بَومستسیرون!»

یوحنا 16:10

عیدالتی خونِه، اِمی خاطر کن دَدَ وَر بَشیم و دِ بَمن نینَّویند.

رَسولون اَعمال 22:14

«حنانیا واتِش: “چَمَه بابااون خدا بَتِه اینتخاب کَردَشونَه تا چَی اِیرادَ بِزنی و اَ صالِحه مِردی بِوینی و گَفِنی چَی گَویکا دَرَسی.

رَسولون اَعمال 3:14

ولی شِمَه اَ صالِح و قودوسی حاشا ژِرون، و اَپیرون بَه ایلَه آدَمَه کِشی چَی جِگا شِمَرا بِرَخِه.

رومی کلیسارا نامه 1:4

و روح قدوسیَتی لَحاظ، اِشتَن، مَرَدَاون دِلَکا زندَ آبِه نَه، زبقینَه اییلام بَه کن خدا زوعَه یَه، یعنی چَمَه خداوند عیسای مسیح.

رومی کلیسارا نامه 4:25

اَ کن چَمه گِناخون خونِه مَرگی تَسلیم آبَه و چَمَه صالح بَحیساب آمِه خونِه، مَردَاونکا زندَ آبَه.

رومی کلیسارا نامه 5:2

اَمه چَی واسیطنَه، و ایمان داشته نَه، اَ فیضی بَه دَست وَردَمونَه، کن ایسَه چَی دِلَکا آمبَستیمون، و خدا شکوه و جَلالی اُمیدی دلَکا خَشی بَکَمون.

رومی کلیسارا نامه 8:11

اَگَم روحی کن عیساش مَردَاونکا زندَ آکردَ، شِمَکا ببو، اَ کن مَسیح عیساش مَردَاونکا زندَ آکردَ، اِشتَن روح واسیطنَه کن شمَه دلَکارَ، شمَه فانیَه جندَکون نی زندَگی آرَدا.

رومی کلیسارا نامه 8:3

چون اَ چیی ایی کن شَریعَت، اینسانی جندَکی عِجِز گیری خونه نَشایَه اَنجوم دوعِه، خدا اَنجوم داشَه. اَ اِشتَن زوعَه گِناخ کارَ جندَکی شیوار عَندِشَه تا گِناخیرا قِربونی ببو و اِنتَرَکِه اینسانی جَندَکی دِلَکا، گِناخیش محکوم کردَ،

دوومین نامه قرنتیانیرا 1:24

نِه اِم کن شِمَه ایمانی سَردِرِ سَروَری کَردَمون ببو، بَسکَم شِمَه نَه، شِمَه خَش برا تَقّلا بَکَمون، اِمی خونه کن شمَه ایمانی دِلَکا آمبَستیرون.

دوومین نامه قرنتیانیرا 13:4

اِمی خونه کن هر چَنَه اَ عِجِز گیریکا صَلیبی سَر شَه، ولی خدا خِنَرینه کا زندَگی بَکی. اِمی خاطرکن، اَمه نی چَی دِلَکا عِجِزیمون، ولی بَینَه شمه ناریکا خدا خنَرینه زندَگی بکَمونَه.

دوومین نامه قرنتیانیرا 5:21

خدا اَکَن گِناخِش نِه آزنِستَه، چَمَرا گناخ سِی آکَردِش تا اَمه چَی دلَکا خدا صالِح بِه کا شریک آبَم.

نامه غلاطیَه کلیسارا 1:4

کن اِشتَن جانی چَمَه گِناخون راکا آداشَه تا خدا و چَمَه دَدَ ایرادنَه، اِم آوشَرَ زَمونَه کا بِراخنِه.

نامه غلاطیَه کلیسارا 3:13

مسیح چَمَه جِگا لنَت بَه و اِنتَرَکِه اَمَش شَریعَتی لَعنَتیکا راخنیشَه، چون توراتیکا نِوِشتَه آبَه یَه کن:«هَر کمی کن دارِشون ژَ ببو مَلعونَه.»

نامَه اَفسوسی کلیسارا 3:12

اَمه مسیح دلَکا بَی ایمان داشتِه واسیطنَه، بَشامونه جورئَتینه و ایطمینانینَه خِداکا نِزِک آبه.

نامَه تیتوسیرا 2:14

کن چَمرا اِشتَن جانی آداشَه تا هر آوشرَ چیکا اَمه بِراخمونِه و اِشتَنرا پاجا اَ قامی سِی آکَرِ کن چَی اِشتَن شِن ببون، کن چاکَه کاریرا غَیرَت بِداشتین.

نامَه، عِبرانیه نَتاجَه مسیحیونرا 10:10

اَمه عیسی مسیح تنی قربونی کردِ واسیطنَه، ایکَرَ اوزونیرا چَیرا وقف بیمون.

نامَه، عِبرانیه نَتاجَه مسیحیونرا 9:14

چَنَه ویشتَر، مسیح خون کن اَ زَیرونَه روح واسیطنَه، بَشتَنِش بی عَیب، خدارا تقدیمِش کردَ، چَمَه ووژدانی دَدارَ کارونکا پاجا بَکَی تا بشوعَم زندَ خدا خیدمت بکرم.

نامَه، عِبرانیه نَتاجَه مسیحیونرا 9:26

اِمی خونه کن انترَکه، مسیح پی دِنیا خلق بِه موقه کا یَژَن عَذابِش کشتَه ببو، ولی انترَ نبَه، اَ، ایسَه ایکرَ اوزونیرا آخیرَ زمانونکا آمَه تا بَشتن قربونی کردِ نَه، گناخی نیفیت آکرِ.

نامَه، عِبرانیه نَتاجَه مسیحیونرا 9:28

پس مسیح نی کن ایکرَ قربونی بَه تا خَیلیون گناخی نیفیت بکرِ، دوومین کرَرا آ، ولی نِه اِمی خونه کن گناخون نیفیت آکرِ، بَلکَم تا اَیِنی کن ایشتیاقینَه چَی چَم بَرا این، نیجات دوعِه را.

یعقوبی نامَه 5:6

شمَه اَ صالِحه مِردی مَحکوم کَردِرون و کِشتِرون. اَ شمَه ناریکاش مقاومت نِکردَ.

پطروسی اوّلین نامَه 3:19

و روح دلَکا زیندانییَه روحون وَر شَه واَیِنیِش باخبَر کردَ،

پطروسی اوّلین نامَه 4:1

پس اِمی خاطر کن مسیح، جَندَکی دِلَکا عذابِش کَشتَه، شمَه نی هِم فکرینَه بَشتن حاضیر آمادَ بکرَ، چون اَ کن جَندَکینَه عذابِش کَشتَه ببو، دِ گناخینه کاریش نییَه.

پطروسی اوّلین نامَه 4:6

چون اِمی خاطِرَ کن انجیل حتی اَیِنیرا کن مردَ اینَه، موعیظَه آبَه، تا هر چَنَه جندَکیکا آدَمونَّه دیوون بینَه، ولی روح دِلَکا هَتَه کن خدا بَپیشَه زندَگی بِکَن.

یوحنا اوّلین نامَه 1:9

اَگَم اِشتَن گِناخون اییتراف بِکَرم، اَ کن اَمین و عادیلَه، چَمَه گِناخون بَبَخشِستی و هَر نادِرِستیکا اَمه پاجا بَکَی.