پطروسی اوّلین نامَه 3:17 - کتاب مقدس به زبان تالشي - گویش مرکزی

¹⁷ چون اَگَم خدا خواستَه یَه، بِیتَرَ کن چاکَه کاری خونه عذاب بوینه تا بَدَ کاری خونه.

کتاب مقدس به زبان تالشی شمالی

¹⁷ چوم اَگم خِدا پیستَه بِبو، چاکتَرَه که چاکَه کارون را عذاب بِکَشَه تا بَدَه کارون واسی.

پطروسی اوّلین نامَه 3:17 Iomraidhean Croise

مَتّی 26:39

چَی بَه دوملَه عیسی تیکَلیی نَرا شَه و صَفتینَه خاکی سَر گنستَه و دوا کَردِشَه واتش: «چمن دَدَ اَگَم ایمکان بَداشتی اِم عَذابَه گولَه بَمنکا رَت آکَه، ولی نه چمن خواستَنَه بَلکَم اِشتِه ایرادَ نَه.»

مَتّی 26:42

عیسی دِوومین کَرَرا شَه و دوا کردشَه و واتش: «چمن دَدَ اَگَم ایمکانِش نییَه کن تا اِم گولَه مَنجِم بَمنکا بِگذِرِ، پس اَچیی کن اِشتِه ایرادَ یَه اَنجوم ببو.»

رَسولون اَعمال 18:21

ولی اَوونَّه خدا حافیظی کَردِ موقه، واتِش: «اَگَم خدا بِخا هَنی شِمَه وَر بومَمَه.» چَی بَه دوملَه کَشتیکا دَنِشتَه و اَفِسُسیکا شَه.

رَسولون اَعمال 21:14

وَقتی ویندِمونَه کن قِبول نیَکَرد، کِتا آمیمونَه و واتِمون: «اَ چیی ایی کن خداوندی خواستَه یَه هَته ببو.»

پطروسی اوّلین نامَه 1:6

و اِمی خاطر بَرک خَشیرون، هَر چَنَه کن ایسَه اَگَم لازِم ببو موختَلیفَه وَرداوَرونَّه تَلکه زمانیرا بَرضَخ آنَّب،

پطروسی اوّلین نامَه 2:15

اِمی خونه کن خدا خواستَه اِمَه کن شمه اِشتَن چاکَه کارینَه، نادانه آدَمون گفی ناری کن اَحماقانَه یه بیگِرَ.

پطروسی اوّلین نامَه 2:20

اِمی خونه کن گِناخ کَردِ خونه تِنبِه ببَه و تاو بوعَرَ، چِه بَرَ ایی چَیرا هِستَه؟ ولی اَگَم چاکی بکَرَ و چَی عَوضیکا عَذاب بِوینَه و تحمول بکَرَ، اِم کار خدا چمیکا پور فیضه کاریه.

پطروسی اوّلین نامَه 3:14

ولی حتی اَگَم صالح بِه را عذاب بوینه، بَرَکت بگَتیرون. «اَ چیی ایکا کن اَیِن بَتَرسِستین، شمه مترسَه و تَفشیش دَنِگنَه.»

پطروسی اوّلین نامَه 4:15

ولی اَگَم ایله شِمکا عذاب بَبَردی، نِکَرِ کن آدَم کِشتِه، پِتارِسته، آوشَرگیری یا حتی فِضولی کَردِ خونه ببو.

پطروسی اوّلین نامَه 4:19

پس اَیِنی کن خدا خواستینه عذاب بَبَن، پی اِشتَن جانون «اَمینَه خالِقی» دَست آدَن و چاکه کارون ایدامه بدَرن.