پطروسی اوّلین نامَه 3:15 - کتاب مقدس به زبان تالشي - گویش مرکزی

¹⁵ بَسکم اِشتَن دِلیکا خداوند مسیح موقدَّس بزنَه و بَی ایحترام بنَرَ و اوزون حاضیر ببَه تا هَر کَم اَ اومیدی کن شمَه دلیکارَ دلیلی دَپَرسِستَه، چَی جوابی بدَرَ، البت ایحترامینه و نرمینه.

کتاب مقدس به زبان تالشی شمالی

¹⁵ بَلکَم شِمَه دیلی کا مَسیح خِداوندی مقدّس بِزونَه و اَیی اِحترام بِنییَه و هَمیشه حاضر بِبییَه تا هَر کی اَ اُمیدی دلیلی دَفَرسِه که شِمَه دیلَه کایَه، چَیی جَواوی بِدییَه، البته نرمی و اِحترامی نَه.

پطروسی اوّلین نامَه 3:15 Iomraidhean Croise

رَسولون اَعمال 21:39

پولوس جواب آداشَه: «اَز ایلَه یَهودیَه مِرد، تارسوسِ کیلیکیَه آدَمونکایمَه، شَهری کن بی نوم و نِشون نیَه. خاشتو خازِمَه ایجازَ بدَرَ مَردومینه گَف بِژَنِم.»

رَسولون اَعمال 24:25

اَ موقه کن پولوس، صالِح بِه کا، پَرهیزگاری و آیَندَ دیوون کَردِ خونِه دمندَ گَف ژِ، فِلیکس تَتَه وَسَّه دگِنَه و واتِش: «فیعلا وَسَّه! بَشاش شِه. دییَرَ فِرصَتیکا هَنی بَتِه خِلِه بَکَمَه.»

نامَه کُولُسی کلیسا را 1:23

اَگَم واقییَن شمه اِشتَن ایمانیکا آمبَست بومونَه و اِنجیلی اَ اومیدیکا تِم مَرَ، هَه اِنجیلی کن آستامونی بَنیکا گردِ مخلوقونرا اییلام بَیَه، و اَز، پولوس، چَی پاسَری آبَه ایمَه.

نامَه کُولُسی کلیسا را 1:27

خدا اِنتَرَ اَپیش بَه اَیِن بَزنن کن غَیر یهودیون دلَکا، اِم راز چِه یالَه شکوه و جلالی بَداشتیَه، اَ راز اِمَه کن مسیح شمَه دلَکا شکوه و جلالی اومیدَ.

نامَه کُولُسی کلیسا را 1:5

اِمِن اَ اومیدی کا سرچشمَه بَگَتی کن آستامونیکا شِمَراشون غَم هَردیَه. اَ اومید کن چیمی بَه نَه چَی خونه حَییقیَه کلامیکا یعنی اِنجیل، درَستَرون،

نامَه کُولُسی کلیسا را 4:6

شمَه گَفن اوزون فیضینَه پتلَه و سنجیدَ ببون، تا بزنَه کن هرکَسی جوابی چنتَرَ بدَرَ.

نامَه تیتوسیرا 1:2

اِم حَییقت زَیرونه زندَگی اومیدینه یَه کن خدایی کن هرگز دِرو نیَدا، اَولیکا اَش اَمه وَعدَ دوعَیه

نامَه، عِبرانیه نَتاجَه مسیحیونرا 3:6

ولی مسیح، خدا کَرا هنته ایلَه زوعَه ایی شیوار وفادارَ. و چَی کَه، اَمه ایمون، اَگَم حَییقتا چَمَه ایطمینان و ایفتخاری، چَمَه اومیدی دلَکا آمبست غَم برم.

نامَه، عِبرانیه نَتاجَه مسیحیونرا 6:1

پس بِرَ مسیح اَولین دَرسونکا دَیوَرَم و بالغ بِه طَرفیرا نار بشَم. ولی نییَبن هنی هیمی ، توبَه کردِ و دَدارَ کارِن و خدا کا ایمان داشته،

پطروسی اوّلین نامَه 1:17

اَگَم اَ کن، هر کَسی کارون سَر بی اِمکن چَی طرفی بیگِرِ دیوون بَکیَه، دَدَ باتیرون. پس اِشتَن غوربتی دوورَ خدا تَرسینه بِگذِرامونَه،

پطروسی اوّلین نامَه 3:2

وقتی کن اَیِن شمه پاجا و موحترمه رفتاری دنَّدِشت.

پطروسی اوّلین نامَه 3:4

بَسکم بَرزَ شمه خاص گیری، شمه اَ دَرونیَه اینسانی ببو کن شمَه دِلیکارَ و نییَبن چمینه بَی ویندِ، و ایله آلاویستَه و مولایِمَه روحی نَه وَج آبَه ببو، کن خدا نظَریکا اِنتَرَ خاص گیری ایی برک با اَرزِشَه.