پطروسی اوّلین نامَه 3:14 - کتاب مقدس به زبان تالشي - گویش مرکزی

¹⁴ ولی حتی اَگَم صالح بِه را عذاب بوینه، بَرَکت بگَتیرون. «اَ چیی ایکا کن اَیِن بَتَرسِستین، شمه مترسَه و تَفشیش دَنِگنَه.»

کتاب مقدس به زبان تالشی شمالی

¹⁴ امّا حتی اَگم صالِح بییِه را عذاب بِکَشَه، برَکت بَگَتیرون. «اَ چیی کا که اَوِن تَرسِن، شِمَه مَترسَه و نیگران مَبییَه.»

پطروسی اوّلین نامَه 3:14 Iomraidhean Croise

مَتّی 10:28

اَیِنی کا کن فقط جَندَکی بَکشتینهَ و نینَّشا روحی کِشتِه کا مَترسه؛ خداکا بِترسه کن بَشای هِم روح و هِم شمه جَندَکی جَندمیکا نیفله آکَرَ.

مَتّی 10:31

پس مترسَه، اِمی خونَه کن شمَه ارزش هَزاران کیجَه کا ویشتَرَ.

مَتّی 10:39

هر کم اَپیشه اِشتَن جانی غَم بَرِ اَی اَز دَست آرَدا و هر کَم اِشتَن جانی چمن خونِه اَز دَست بدَرِ اَی غَم بَردیَه.

مَتّی 16:25

اِمی خونه کن هر کم اَپیشه اِشتَن جانی نیجات بدَرِ اَی از دَست آرَدا؛ اَمّا هر کم چمن خونه اِشتَن جانی فِدا بِکرِ، اَی غَم بَردیَه.

مَتّی 19:29

و هر کم چمن نومی خونِه کَه یا برا یا خالا یا دَدَ یا نَنه یا خردن یا اِشتَن اَملاکی آهَشتش ببو، چَی عوض صد بَرابر بَویندیَه و زَیرونَه زندَگی به‌دست بوعَردی.

مَرقُس 10:29

عیسی واتش: «حَییقتا به شمَه باتیمَه، کَسی نیَه کن چمن خونِه و خدا پادیشاهیی خَشَه خَبَری خونِه، اِشتَن کَه یا برا اون یا خالا اون یا دَدَ یا نَنَه یاخِردَ نون یا اِشتَن اَملاکی آهَشتَش ببو،

مَرقُس 8:35

اِمی خونه کن هَر کَم بخا اِشتَن جانی نیجات بَدَرِ، بَی از دَست آرَدا؛ ولی هَر کَم چمن خونِه وخدا پادشاهی خَشَه خبری خونِه اِشتَن جانی از دَست بدَرِ، اَی نیجات آرَدا.

یوحنا 14:1

عیسی واتِشه: «شمه دل تَتَّه وَسَکا مبو. خدا کا ایمان بدارَ؛ بَمن نی ایمان بدارَ.

یوحنا 14:27

شمَرا صلح و سلامتی بَنام؛ اِشتَن صلح و سلامتی بَشمَه دَرِم. اَچیی کن اَز بَه شمَه دَرِم، اَچیی ایی شیوار نیَه کن دِنیا بَه شمَه دَرِ. نِه بَرزَ شمَه دل تَتَّه وَسَّکا ببو و نِه بتَرسَه.

رَسولون اَعمال 9:16

اِمی خونه کن اَز بَی آمونِستِم کن چمن نومی خونِه چِه عذابِنی پی بکَشه.»

دوومین نامه قرنتیانیرا 12:10

پس، عِجز گیریکا، زبون دوعه کا، سختیونکا، اَیذت آزارِن و غَرّونکا، مَسیح خاطِر راضی ایم. اِمی خونه کن وَقتی عِجِزیمَه، پس قودوریم.

نامَه فیلیپی کلیسا را 1:29

چون اِم ایفتخار شِمَه نَصیب بَیَه کن نِه تاکَه مَسیح ایمان بوعَرَ، بَسکَم چَیرا رنج و عَذاب نی بِکَشَه.

یعقوبی نامَه 1:12

خَشی اَ آدَمی حالیرا کن وَرداوَردونکا صبر تحمولینه تاو بوعردی، اِمی خونه کن وَقتی وَرداوَردیکا سربلند بِرِن با، اَ تاجی کن زندَگی بَبخشِستی، و خدا اَیِنی کن بَی رَی بداشتین وَعَدَ آدوعَشَه، ویرَگت.

یعقوبی نامَه 5:11

ولی خشی اَیِنی حالیرا کن صبرِشون کردَ و تاو وردِشون. شِمَه اَیوبی صَبر و تاو وَردِ خونِه دَرَستَرون، و بَموستیرون کن خداوند آخیر بَسَر بَینَه چِش کَردَ، اِمی خونه کن خداوند، بی حَد و حیساب مِربان و بَخشندَیه.

پطروسی اوّلین نامَه 3:6

هَته کن سارا اِشتَن شو ابراهیمی فرمون بَه و بَی اِشتَن آقا خِلِه اَکَریَه. شمه نی اَگَم چاکی بکرَ و تَرسناکَه چیی کا مترسَه، سارا خِردَنن بَبیرون.