پطروسی اوّلین نامَه 2:6 - کتاب مقدس به زبان تالشي - گویش مرکزی

⁶ اِمی خونه کن اِشعَیای پیغمبری کیتاویکا نوشتَه آبیه کن: «ایسَه صَهیونی کوکا سِه ایی آمَنا، ساختیمانی اصلیَه سِه کن اینتخاب آبیه و با اَرزِشَه؛ هر کَم بَی ایمان بوعَرِ شرمندَ آنییَبن.»

کتاب مقدس به زبان تالشی شمالی

⁶ چوم اِشعَیای پیغمبری کیتابی کا نیویشته بییَه که: «حِسَه صَهیونی کوه کا سِنگی بَنایم، بینا اَصلی یَه سِنگ که اِنتخاب بییَه و با اِرزِشَه؛ هَر کسی که اَیی ایمان بواَرِه خِجِل نییَب.»

پطروسی اوّلین نامَه 2:6 Iomraidhean Croise

مَتّی 12:18

«اِمَه چمن پاسَری کن اَز بَی اِینتخاب کَردمه، چمن خاجَتی کن چمن جان اَیکا خَشَه. اَز اِشتَن روح چَی سَریکا آمَنا و اَ عیدالَتی قامونرا اییلام بکَیَه.

مَرقُس 12:10

مَگَم داوودی کیتاو زَبوریکا خَندَرون نی کن: «”اَ سِه ایی کن اِستا اِن رَد کَردِشونَه، ایسَه ساختمانی اَصلیَه سِه آبَیَه؛

انجیل لوقا 20:17

اَمّا عیسی اَوونکا چَم دَشتِشَه و واتِش: «پس موقدسَه نوشتَه اون اِم قِسمَتی معنی چِه چییَه کن باتی: ”سِه ای کن اِستا اِن رد کَردِشونَه، ایسَه ساختمانی اَصلیَه سِه آبَیه؟

انجیل لوقا 23:35

مردوم تَمشا را پا مَند بینهَ و قامی یالِن عیسی بوکَه خوروستِه اَگِرینه و اَواجینَه: «دیَرَ آدَمون نیجات داشَه! اَگَم اِم مِرد مسیح خدا اَ یعنی هَیَه کن اینتخاب بَیَه، ایسَه بَشتَن نیجات بدَرِ.»

یوحنا 7:38

هر کم بَمن ایمان بوعَرِ، هَته کن موقدَسه کیتاوون دِلَه باتی، چَی دِلَکا زِندَ آوَ ربارِن شِر شِر دَران.»

رَسولون اَعمال 1:16

و واتِش: «برا اِن، موقَدسَه نوشتَه اون پیش گویی پی حَقیقَتینَه اَنجوم ببو. اَ نوشتَه اون دلَکا کن خدا موقَدسَه روح خَیلی وَقت چیمی بَه نَه، داوودِ پادیشا زونینَه، یهودا خونِه پیش گویی کردِش. هه کن عیسی گیریفتار آکَرون راهنَما بَه.

رومی کلیسارا نامه 10:11

هَتَه کن اِشعَیای پَیغمبری کیتاویکا باتی: «هَر کَم بَی ایمان بوعَرِ، سَر اَفکَندَ آنیَب.»

نامَه اَفسوسی کلیسارا 1:4

اِمی خونه کن دِنیا خلق بِه بَه نَه، اَمَش چَی دلَکا اینتخاب کردِش تا چَی حِضوریکا بی عَیب و موقدَّس ببَم، و موحبَتیکا

نامَه اَفسوسی کلیسارا 2:20

شمَه اَ عیمارَتی سَر کن رسولِن و پَیغمبرِن چَی هیم بینَه، بَنا آبَه ایرون، کن مسیح عیسی اِشتَن اَ بَنا، اصلییَه سِه اَ.

دِوُّمین نامَه تیموتائوسیرا 3:16

موقدسَه نِوشته اِن گرد خدا ایلهامینَه و آموج و تشَر و ایصلاح و تربیتی خونه، صالح بِه دلَکا مِفَتَه،

پطروسی اوّلین نامَه 2:4

بَیکا نِزِک آبِه نَه، یعنی اَ زندَ سِه کن آدَمِن بَی رد کردِشون، ولی خدا وَریکا اینتخاب آبه و با اَرزِشَه،

پطروسی اوّلین نامَه 2:8

و، «سِه ایی کن لِسکیستِه باعیث ببو، و کازَ مَغاری کن ویگِنستِه باعیث ببو.» اَیِن اِمی خونه کن خدا کلامیکا ایطاعت نینَّکرد، زَمینی سَر وینَّه گِنست، هَته کن اِم کاریرا تَیین آبَه یه.

پطروسی دومین نامه 1:20

گِردیگا بَه نَه، اِمی یادیکا غم بَرَ کن موقدسَه نوشته اون هیچ کِرَم پیشگویی اونکا، پَیغمبری فکری تفسیریکا نییَه.

پطروسی دومین نامه 3:16

اَ، هر موقه کن اِم چییون خونه گَف اَژَنیَه، گِردِ اِشتَن نامَه اونکا اَنِوِسیَه. چَی نامه اون دِلَکا چیی اِنی نوشته آبَه یه کن اوونکا سَر آگنِسته چَتینه، و سست و نادانه آدَمِن چی دِلَکا دست بَبَن، هَتَه کن دییَر موقدسه نوشته اونَّه، اِم کاری بَکنَه و اِم چَوون نیفله آبِه باعیث بَبی.