پطروسی اوّلین نامَه 2:24 - کتاب مقدس به زبان تالشي - گویش مرکزی

²⁴ مَسیح اِشتَن، چَمه گِناخون، اِشتَن تَنینه صَلیبی سَردِرِ دوشی سَر گَتِش، تا اَمه گِناخونرا بِمِرَم وصالِح بِه خونه زندَگی بَکرم. چَی زمونَّه شفا گَتِرون.

کتاب مقدس به زبان تالشی شمالی

²⁴ مسیح اِشتَن چَمَه گناه اون اِشتَن بَدنی نَه صلیبی سَری کا بِه دوش کَشِشَه، تا اَمَه گناه را بِمِرَم و صالِحی را زِندگی بِکَرَم. چَیی زخمون نَه شفا گِتَرونَه.

پطروسی اوّلین نامَه 2:24 Iomraidhean Croise

مَتّی 27:26

چَی به دوملَه پیلاتُس، باراباسی چَوونرا آزاد آکردشَه و عیساش شَلاق ژشَه و آداشَه تا اَی صلیبی سَردِرِ بکِشن.

مَتّی 5:20

اِمی خونِه کن بَه شِمَه باتیمَه تا شِمَه، صالح بِه کا، فَریسییون فرقه عالیمِن و توراتی موعلیمونکا نار دَمَشو، هرگز آستامونی پادیشاهیکا دِلَه دَنینَّش.

مَتّی 8:17

اِم ایتفاقِن دَگِنِستینَه، تا اِنتَرَکِه آبَه تا اَ چیی ایی کن اشعَیایِ پَیغمبَری واسیطنَه واتَشون حَییقتینَه اَنجوم ببو کن: «اَ چَمه داجون پِگَتِشَه و چَمه آزارون اِشتَن دوشی سَر بَردِش.»

مَرقُس 15:15

پس پیلاتُس کن اَپیشبَه جماعتی راضی غَم بَرِ، باراباسی چَوونرا آزاد آکَردِشَه و دستور داشَه کن عیسی شَلاق ژِ بَه دوملَه اَی صَلیبی سَردِرِ بکِشن.

انجیل لوقا 4:18

«خداوندی روح چمن سَریکارَ، اِمی خونه کن اَ مِنِش اینتخاب کَردَیَه تا گیدَلیونرا خَشَه خَبَری اییلام بِکَم. بَمن رَونَه آکَردَشَه تا اَسیرون رَخِستِه و ناوینا اون چَمی آج آبِه اییلام بکَم، و ظِلم اَوینون آزاد آکَم،

یوحنا 1:29

اَ روجی سَوسَه، یحیی، عیسی کن کایبَه چَی طَرَف آمَه ویندِشَه و واتِش: «دَیَسَه اِمَه خدا وَرَ، کن دِنیاگِناخی پِرَگَت!

یوحنا 19:1

اَموقه رومی والی پیلاتُس، دَستور داشَه عیسی بیگِرِن و اَی شَلاق بژَنن.

رَسولون اَعمال 10:35

بَسکَم هَر قامیکا، هَر کَم خداکا بِتَرسِه و اَ چیی ایی کن دِرِستَه اَنجوم بدَرِ، خدا بَی قِبول بَکَی.

رَسولون اَعمال 10:39

«اَمه گِردِ کارِنی کن اَ وِلَته یَهودیَه کا و شهر اورشَلیمیکا اَنجوم داشَه شاهیدیمون. اَیِن، بَی صَلیبی سَر جیبَستِشون و کِشتِشون.

رَسولون اَعمال 13:29

و وَقتی گِردِ چییِنی کن چَی خونِه نوشَته آبَه بَه، اَنجومِشون دوعَه، اَشون صَلیبی سَریکا ویروَردِشون و تربَه دلَکا آناشون.

رَسولون اَعمال 5:30

چَمَه بابااون خدا، عیساش مردَاونکا زندَ آکَردِش، هَه عیسی کن شِمَه بَی صَلیبی سَردِرِ جیبَستِرون، و کِشتِرون،

رومی کلیسارا نامه 6:11

پس شِمَه نی، پی بَشتَن گناخیرا مَردَ بزنَه، و مسیح عیسا دِلَکا، خِدارا، زِندَ بزنَه.

رومی کلیسارا نامه 6:13

اِشتَن جَندَکی اَعضا گناخی دَست آنِدَرَ تا نادِرِستی اَساس آبون، بَسکم هِنتَه اَیِنی شیوار کن مَردِ کا زِندَگیرا ویگَردِستَه اینَه، بَشتَن خدا دست آدَرَ تا شمه جَندَکی اَعضا خدا دَستیکا، راستی وسیله آبون.

رومی کلیسارا نامه 6:16

مگَم نینَّموست کن وقتی بَشتَن هِنتَه فِرمون اَبَرَ وَزییَرون شیوار، کَسی دست بدَرَم، اَ آدَمی کن اَیکا فِرمون بَبَردیرون، وَزییَر بَبیرون، چِه گناخی وَزییَر، کن چَی آخیر مَردِ یَه، چِه خدا ایطاعَتی وزییَر، کن چَی آخیر صالِح بِحیساب آمِه یَه؟

رومی کلیسارا نامه 6:2

هرگز! اَمه کن گناخی خونِه مَردیمون، چِنتَه بَشامون چَی دِلَکا هَنی زندَگی بِکَرم؟

رومی کلیسارا نامه 6:22

ولی ایسَه کن گِناخیکا رخِستیرون و خدا وَزییَرآبیرون، چَی بَرَ شِمَرا تقدیس بِه اَ، کن آخیر بَسَر زَیرونَه زندَگیرا تَمون آرَب.

رومی کلیسارا نامه 6:7

چون اَ کن مَردَیَه، گناخی دِلَکا رَخِستَیَه.

رومی کلیسارا نامه 7:6

ولی ایسَه، اَمه اَ چیی ایی خونه کن بَیکا ویلاخیستَه بیمون مَردیمون و شَریعَتیکا رَخِستیمون، تا خدا موقدسَه روح نَه، ایلَه تازَ راه دلَکا خیدمَت بِکَرَم، نِه کَنَه راه نَه کن، تاکَه ایلَه نوشتَه یَه.

اوّلین نامَه قورَنتیانیرا 15:3

اِمی خونه کن اَز موهیم ترین چیی ایی کن بَمن آرَستَه، شِمَرام اییلام کردَ: اِم کن مسیح هَتَه کن موقدسَه نوِشتَه اونکا آمیَه، چَمه گَناخون راکا مردَ،

دوومین نامه قرنتیانیرا 6:17

پس، خداوند باتی: چَوون دِلَکا بِرِن بِرَ و تاک آبَه. هیچ جیفینینَه چیی ایی بال مَژنه اَموقه اَز بَشِمَه قبول بَکَم.»

نامه غلاطیَه کلیسارا 3:13

مسیح چَمَه جِگا لنَت بَه و اِنتَرَکِه اَمَش شَریعَتی لَعنَتیکا راخنیشَه، چون توراتیکا نِوِشتَه آبَه یَه کن:«هَر کمی کن دارِشون ژَ ببو مَلعونَه.»

نامَه اَفسوسی کلیسارا 5:9

اِمی خونه کن نوری بَرَ، هر مودیل چاکی و راستی دِرِستیکا پَیدا آرَب.

نامَه فیلیپی کلیسا را 1:11

صالِح بِه بَرَ کا پَتلمَه بِبَه کن عیسی مَسیح واسیطَنَه، خدا شکوه جَلالیرا تَمون آرَب.

نامَه کُولُسی کلیسا را 2:14

و اَ قرضون سَند کن قانونون واسیطنَه چَمَه زِرَبَرا نوشتَشون بَه باطل آکردِشَه، صلیبی سَردِرِ مِخَه کو کردِش.

نامَه کُولُسی کلیسا را 2:20

پس اَگَم شمَه نیسبت بَه اِم دِنیا اوصول مسیح نَه مردَایرون، چیرا هنته اَیِنی شیوار کن هنوزَنی اِم دِنیا شِنین، چَی قانونون اَنجوم دَرَ، قانونِنی کن باتی:

نامَه کُولُسی کلیسا را 3:3

اِمی خونه کن مَردیرون و شمه زندَگی ایسَه مَسیح نَه خدا دَلَکا نونَه.

نامَه، عِبرانیه نَتاجَه مسیحیونرا 10:10

اَمه عیسی مسیح تنی قربونی کردِ واسیطنَه، ایکَرَ اوزونیرا چَیرا وقف بیمون.

نامَه، عِبرانیه نَتاجَه مسیحیونرا 10:5

اِمی خاطر، هَنگومی کن مسیح دِنیا دلَرا آمَه، واتش: «تِه قربونی و خَلا نَپیر بَه، بَلکَم ایلَه تن مِرا آمادَ آکَردِر.

نامَه، عِبرانیه نَتاجَه مسیحیونرا 12:13

راهون شمَه لنگون را خوار آکرَ، تا شلَه لنگ یَرَ آنِبو، بَسکم شفا بیگِرِ.

نامَه، عِبرانیه نَتاجَه مسیحیونرا 7:26

اِمی خونه کن حَییقتا اِم بَجا به کن اَمه انترَ یالَه کاهینی بدارَم، کن موقدَّس، بی گناخ، بی عَیب، گناخکارونکا تاکَه، و شکوه جلالِش گتَه ببو و آستامونون کا کفاتر ببو.

نامَه، عِبرانیه نَتاجَه مسیحیونرا 9:28

پس مسیح نی کن ایکرَ قربونی بَه تا خَیلیون گناخی نیفیت بکرِ، دوومین کرَرا آ، ولی نِه اِمی خونه کن گناخون نیفیت آکرِ، بَلکَم تا اَیِنی کن ایشتیاقینَه چَی چَم بَرا این، نیجات دوعِه را.

یعقوبی نامَه 5:16

پس یَندِ وَر اِشتَن گِناخون ایتراف بکَرَ و یَندِرا دِوا بکَرَ تا شفا بیگرَ. صالحه آدَمی دِوا، برکه زبقینه عَمَل بَکَی.

یوحنا اوّلین نامَه 2:29

اَگَم سَر آگِنَه اینَه کن اَ صالحه، پس بَموستیرون اَ کن صالح بِه اَنجوم دَرِ، اَیکا دِنیا دَگنستَه یَه.

یوحنا اوّلین نامَه 3:7

اَی گچَه خِردَنِن، مَرزَ کَسی بَشِمَه گومرا بکَرِ. هَر کَم صالحه آدَمی شیوار عَمَل بکَرِ، صالِحَه، هَتَه کن اَ صالِحه.

یوحنا موکاشیفَه 22:2

و شهری مَیدونی وسَطیکا دَرَیوَرییَه. رباری دِ طرَفیکا، زندَگیی، دار بَه کن دانزَ مودیل میوَ اَدَریَه، یعنی هر ماه ایی مودیل میوَ اَوَرییَه. و چَی لیوِن میلَّتونرا شفا بَه.