پطروسی اوّلین نامَه 2:12 - کتاب مقدس به زبان تالشي - گویش مرکزی

¹² شمَه کارِن بی ایمانون دِلَکا چاک ببو، تا اَیِنی کن شمَه زِرَبَرا گَف بَژَن کن شمه اَعمال بَدَ، شمه چاکَه کارون ویندِه خونه، روجیکا کن خدا بَویندیمون، بَی پرستش بِکَن.

کتاب مقدس به زبان تالشی شمالی

¹² بی ایمانون دیلَه کا شِمَه کِرِدِکار محترم بِبو تا کسونی که شِمَه ضِد گف ژَنِن که شِمَه اَعمال بَدَه، شِمَه چاکَه اَعمالی ویندِه نَه، روزی کا که خِدا بَویندیمون، اَیی پرستش بِکَرِن.

پطروسی اوّلین نامَه 2:12 Iomraidhean Croise

مَتّی 10:25

شاگردیرا هِم وَسّه کن اِشتَن اِستا شیوار آبو و وَزیَریرا کن اِشتَن اَربابی شیوار ببو. اَگَم کَه رئیسی بَعَلزِبول خِلِه بَکَن، چَنَ ویشتَر چَی کَه آدَمون بَدَنومینَه خِلِه بَکَن؟

مَتّی 5:11

«خَشی شمَه حالیرا، اَموقه کن مردم چمن خونه بَه شمه زمون بدَن و اَیذَت آزار بکَن و دِرونَه هربَدَ گَفی شِمَه زِرَبَرا بواجِن.

مَتّی 5:16

هِنتَرَکه بَرزَ شمه نور مردومیرا شَپَق بژَنِه تا شمَه چاکَه کارون بوینن و شمه آستامونیَه دَدَ، ستایش بِکَن.

مَتّی 9:8

وَقتی مردووم اِم ایتفاقی بَویندینَه، تَرسِستین و خدایی کن اِنتَرَ زاکینی آدَمون بَخشِستَشَه، سِتایِش کَردِشون.

انجیل لوقا 1:68

چَمَه قامی خداوند خدا، متبارک ببو، اِمی خونِه کن اَ اِشتَن قامی کاریَری را آمَه یَه و چَوون راخنیِه خِریَشَه.

انجیل لوقا 19:44

و بَتِه خاکینَه یَکسان بَکَن، تِه و خِردَنِنی کن اِشتِه دِلَکانَه. اَیِن نینَّشت کن سِه ایی سِه سَر بومونِه. چون اَ زَمانی کن خدا اِشتِه آرَستِه آمَه سَرآنِگِنیشَه.»

انجیل لوقا 6:22

«خَشی شمَه حالیرا اَموقه کن مردم، اینسانی زوعَه خونه شمه سَردِرِ نیفرت بیگِن و شمَه اِشتَن جَمعیکا رَت آکرن و زَمون بِدرِن و شِمَه بَد نوم بِکَرن.

یوحنا 13:31

یَهودا بِرِن بَرشِه بَه دوملَه، عیسی واتِش: «ایسَه اینسانی زوعَه جلال دیار آبَه وخدا جَلال اَیکا دیار آبَه.

رَسولون اَعمال 15:14

شَمعونِه پِطروس واتِشَه کن خدا چِنتَه اَوَلین کَرَ غَیر یَهودییون لطف کَردِشَه، و چَوون دِلَکا اِشتَن نومی خونه ایلَه قامِش اینتخاب کردیَه.

رَسولون اَعمال 24:13

اَیِن نینَّشا ایتهامِنی کن بَمن بَژَن ثابیت بِکَرِن.

رَسولون اَعمال 25:7

وَقتی کن پولوس دِلَه دَرمَه، یَهودییِنی کن اورشَلیمیکا آمَه بینَه، چَی دوور پا مَندین و بَرکَه ایتِهامِنی بَی ژِشون، ولی اَ ایتهامون ثابیت کردِ نِشاستِشون.

رَسولون اَعمال 28:22

ولی بَپیمون اِشتِه نَظرون دَرَسَم، چون بَموستیمونَه کن مَردوم هَرجِگا اییکا اِم فِرقَه زِرَبَرا گَف بَژَن.»

رومی کلیسارا نامه 12:17

هیچ کَمی بدیرا بَدی نِکَرِ. بَسکم اَ چیی ایی کن گِردی چَمیکا حورمت بداشتی، اَنجوم بدَرَ.

رومی کلیسارا نامه 13:13

بِرَ، هَتَه کن روجی رِشونیکا اَمونون شَئنیکارَ دِرِست رفتار بکَرَم. نِه کم، عَیاشی و عَرَقَه هَریکا و زینا، هَرزَگی و ژِژِ و زِرَ کا.

رومی کلیسارا نامه 14:18

هَر کَم اِنتَرَکِه مَسیح خیدمَت بکَرِ، خدا بَی قبول بَکَی و مَردوم نی بَی تاَیید بَکَنَه.

رومی کلیسارا نامه 15:9

و تا غَیرِ یَهودییِن، خدا چَی رَحمَتی خونِه شکوه و جلال بدرِن. هَتَه کن موقدسه نوشته اونکا نِوِشتَه آبَه یَه: «اِمی خاطِر، اِز بَتِه یهودیون دِلَکا ستایش بَکمَه، و اِشتِه نومی کا آواز بَخَندیمَه.»

اوّلین نامَه قورَنتیانیرا 14:25

و اَ آدَمی دِلی رازِن دیار آرَبن. اَموقه اِشتَن صَفَتینَه زَمینی سَردِرِ بَرَگِنِست و خدا پرستش بَکَیَه و اییلام بَکیَه کن: «حَییقتن خدا شمَه دِلَکارَ.»

دوومین نامه قرنتیانیرا 1:12

اِمی خونه کن چَمَه ایفتخار کردِ، چَمَه ووژدانی خونه اَ کن شاهیدی دَرِ، اِم دِنیا دلَکا صیداقَت و راستینَه، کن خدا کارَ رفتار کردِمون، نِه اینسانی حیکمتینَه، بَسکم خدا فِیضینَه رفتار کردِمون، بَخِصوص شِمنَه.

دوومین نامه قرنتیانیرا 13:7

چَمه دِوا خدا دَرگارا اِمه کن شمَه خطایی نِکَرَ؛ نِه اِمی خاطر کن مَلوم ببو اَمه وَرداوَردیکا سرافراز آبیمونَه، بَلکَم اِمی خونه کن اَ چیی ایی کن دِرِستَه اَنجوم بدَرَ، حتی اَگَم اِنتَرَ آمونِه کن اَمه رَد آبه ایمون.

دوومین نامه قرنتیانیرا 8:21

اِمی خونه کن سعی بَکمون نِه تاکَه خداوندی چَمیکا، بَسکم مردومی نَظریکا نی اَ چیی ایی کن دِرِستَه اَنجوم بدَرم.

نامَه اَفسوسی کلیسارا 2:3

اَمه نی گرد ایی زمانی چَوون دِلَکا اِشتَن جندَکی هوا و هَوسی دِلَه زندَگی اَکَریمون و چَمه جندَکی خواستَه اِن و فکرون اَنجوم اَدَریمون؛ هنته دییَرَ کَسون شیوار، اِشتَن ذاتی سَر، خدا غَضَّبیکا محکوم آبیمون.

نامَه اَفسوسی کلیسارا 4:22

تا شمه گذَشته زندَگی روِش، یعنی اَ قدیمَه اینسانی کن حیلَه بازَ مِیلون واسیطنَه مِچِم بَه، شمَه تَنیکا بِرِنِرون بَروَرد.

نامَه فیلیپی کلیسا را 1:27

تاکَه بَرزَ شمه زندَگی رَوش، مسیح اِنجیلی شَئنیکا ببو، تا چِه بام و شِمَه بِوینِم و چِه نام، شمَکا درَسِم کن شمه ایلَه روح کا آمبَستیرون و یَک فکر، دوش بَه دوش اِنجیلی ایمانیرا تقلا بَکَرون،

نامَه فیلیپی کلیسا را 4:8

آخِریکا، اَی برا اِن، هَر چیی ایی کن راستَه،هَر چیی کن حورمت بَداشتی، هَر چیی کن دِرِستَه، هَر چیی کن پاجا اَ ، هَر چیی کن دِل پیستَیَه و هَر چیی کن پرستش کَردِ لَیاقَتی بَداشتی، اَگَم چاکَه و اَگَم پرستش کَردِ اَرزشی بَداشتیه، چَوون خونه فِکر بکَرَ.

اوّلین نامَه تَسالونیکی کلیسا را 4:12

تا اَیِنی ناریکا کن کلیسا بِرنیکاینَه، دِرستینه زندَگی بکرَ و دییَرَکَسی موحتاج آنِبَه.

اوّلین نامَه تیموتائوسیرا 2:2

حاکیمونرا و صاحیب منصَبونرا، تا اَمه بشوعَم آرام و آسودَ زندَگیی ایی بدارَم کن کامیلَه دیندارینَه و وَقارینَه ببو.

اوّلین نامَه تیموتائوسیرا 4:12

مَرزِن هیچ کَس بَتِه اِشتِه جوانگیری خونه بَتِه گِچ بَحیساب بوعَرِ، بَسکم گَف ژِکا و کاریکا و موحبتیکا و ایمانیکا و پاجا بِه کا، گردِ ایماندارونرا سرمشق بب.

اوّلین نامَه تیموتائوسیرا 5:10

و چَوون تَریف چاکَه کارون اَنجوم دوعِه خونه بَرشَه ببو، یعنی: اِشتَن خردنِنِشون یال آکردَشون ببو، خَلکینه مِیمان نَواز ببون، موقدسَه آدَمون لِنگی شوشتَشون ببو، چَوون هواس عِجِزونکا ببو، و بَشتن هر چاکَه کاریرا وقف کردَشون ببو.

نامَه، عِبرانیه نَتاجَه مسیحیونرا 13:18

اَمَرا دِوا بکرَ، چون موطمَعِنّیمون کن چَمَه ووژدان پاجا اَ و بَپیمون همه جورَ سربلند ببَم.

نامَه، عِبرانیه نَتاجَه مسیحیونرا 13:5

شمَه زندَگی پول دوستیکا رَت آکَرَ و اَ چیی ایکا کن هِستِرون قانع ببَه، اِمی خونه کن خدا واتشَه: «هرگز بَتِه وَر آنِمَدا، و بَتِه تاک آنیمَشت.»

یعقوبی نامَه 3:13

شِمَه دِلَکا کیَه کن اَلمَند و حکیم ببو؟ بَرزَ اَ اِشتَن چاکَه زندَگی کردِنَه اَمه آمونِه، اَ، اَ اعمالینه کن فروتنی نَه دَرِ و حیکمَتیکا سَرچشمه بَگَتی.

پطروسی اوّلین نامَه 2:15

اِمی خونه کن خدا خواستَه اِمَه کن شمه اِشتَن چاکَه کارینَه، نادانه آدَمون گفی ناری کن اَحماقانَه یه بیگِرَ.

پطروسی اوّلین نامَه 3:16

اِشتَن ووژدانی پاجا غَم بَرَ، تا اَیِنی کن شمَرا ایفترا بَگتین، و اَیِنی کن شمه چاکَه رفتاری مَسیح دِلَکا بَد باتین، شرمندَ آبون.

پطروسی اوّلین نامَه 4:11

هر کَم گَف بَژَیَه، هنته خداوندی شیوار گف بِژنه؛ و هر کَم خیدمت بَکیَه، اَ زبقینَه کن خدا بَبَخشِستی خیدمت بکرِ، تا گِردِ چییونکا، عیسی مسیح واسیطَنه، خدا شکوه و جلال بیگِرِ. شِکوه و جلال و سلطنت تا اَبد و تا ابد چَی شِن ببو. آمین.

پطروسی دومین نامه 3:11

اَ جگا ایکا کن گردِ اِم چیی اِن هنترکه کاینه نیفیت آبِه، شمَه پی چنتر آدَمِنی ببَه؟ شمه پی ایله دیندار و موقدسه زندَگی بدارَ،