پطروسی اوّلین نامَه 1:7 - کتاب مقدس به زبان تالشي - گویش مرکزی

⁷ تا شمَه ایمانی ایصالَت وَرداوَردیکا ثابیت ببو و عیسی مَسیح ظهور کَردِ روجیرا، ستایش و شکوه جلال و ایحترامی باعیث ببو، هَه ایمان کن طِلِه کا برک با ارزشتَرَ، هر چَنه کن نیفیت آرَبن، ولی آرا نَه وَرداوَرد بَبی.

کتاب مقدس به زبان تالشی شمالی

⁷ تا شِمَه ایمانی اِصالت، آزمایشی کا ثابت بِبو و اَ روزی که عیسایِ مَسیح ظهور بِکَرِه، ستایش و جلال و اِحترامی باعیث بِبو، هَ ایمان که طِلا کا وِر با اِرزِشتَرَه که هَر چَن از بِین بَشی، ولی آتشی نَه آزمایش بَبی.

پطروسی اوّلین نامَه 1:7 Iomraidhean Croise

مَتّی 19:28

عیسی اَینِش واتَه: «حَییقتا بَه شمَه باتیمَه، تازَ دنیاکا اَموقه کن اِینسانی زوعَه اِشتَن باشکوهَه تَختی سَر بنشِه، شمَه نی کن بَمنکا پیروی کَردرونه دانزَ تختی سَر بَنشتیرون و اسرائیلی دانزَ اِلی سَردِرِ دیوون بَکَرون.

مَتّی 25:21

چَی سَرور جواب داشَه: آفرین اَی چاکو و امینَه پاسَری! کمَه چیکا امین بیشه پس وِرَ چییونی اِشتِه دَست آمَدا. بِه و اِشتَن اَربابی خَشیکا شریک بِب!“

مَتّی 25:23

چَی سَرور جواب داشَه: آفرین اَی چاکو و امینَه پاسَری! کمَه چیکا امین بیشه پس وِرَ چییونی اِشتِه دَست آمَدا. بِه و اِشتَن اَربابی خَشیکا شریک بِب!“

انجیل لوقا 12:33

اَچی ایی کن دارَ بخرَشهَ و دَست دَریسون آدَرَ؛ اِشتَنرا کِنجه اِنیی آمادَ بکرَ کن پوسته آمَبون، و گَنجی کن تمون آمَبو آستامونیکا ذَخیرَ بکَرَ، جگایی کن نِه بَی پِنَّتارست و نِه پت بَی بَژَی.

انجیل لوقا 17:30

اَ روجی کن اینسانی زوعَه ظهور بَکَی نی، اِنتَر آرَبن.

یوحنا 12:26

اَگَم کَسی بَمن خیدمت بَکَی پی چمن دوملَه با؛ و اَجِگایی کن اَز ببوم، چمن پاسَری نی اَجگاکا بَبیَه. اَگَم کَسی بَمن خیدمت بَکَی چمن دَدَ بَی عیزَت بَبَخشستی.

یوحنا 5:44

چِنتَرَ بَشارون ایمان وَردِ وَقتی کن یَندِکا شکوه و جلال قِبول بَکَرون، ولی اَ شکوه و جلالی دوملَه نیرون کن تاکَه خدا طَرَفیکا آ؟

رَسولون اَعمال 8:20

ولی پِطروس بَش واتَه: «اِشتِه نِقرَ بَتِنَه نیفیت ببو! اِمی خونِه کن فِکر بَکَشَه خداوندی خَلا بَشارَ پولینَه خِرییِه!

رومی کلیسارا نامه 2:10

ولی اَیِنی کن چاکی بَکَنه، خدا شکوه و جَلال و حورمت و صلح و سلامتی چَوون رَسَت بَبیَه، اَوَل یهود و چَی به دوملَه غَیر یَهود

رومی کلیسارا نامه 2:29

بَسکم یَهودی هَیَه کن باطِنیکا یَهودی ببو و سِنَت بِه نی، صِدقَه دِلَه کارییَه، کن خدا روح اَی اَنجوم دَرِ، نِه اِم کن ایلَه نوشتَه واسیطَنَه. اِنتَرَ اینسانی، خدا بَی تَریف بَکَی، نِه آدَمِن.

رومی کلیسارا نامه 2:7

خدا، زَیرونَه زندَگی اَیِنی آرَدا کن، چاکَه کارون اَنجوم دوعه کا صَبرینَه، شکوه و جلال و حورمت و زَیرونَه زندَگی دوملَه این؛

رومی کلیسارا نامه 8:19

اِمی خونِه کن خیلقَت گِردِ اِشتَن اِشتیاقینَه خدا زوعَه اون اَیر آبِه، مونتَظیرَ.

اوّلین نامَه قورَنتیانیرا 3:13

هر کَسی کار دیار آرَبن، چیرا کن اَ «روج» گِردِ چییون اَیر آرَکَرد. اِمی خونه کن آرا، کاری نتیجه دیار بَکَی، و اینسان هر کاری بکَرِ، آرا بَی وَرداورد بَکَیَه.

اوّلین نامَه قورَنتیانیرا 4:5

پس هیچ چیی خونه، چَی وقتی بَه نَه قیضاوت مَکَرَ، تا اِمکن خداوند با. اَ خداوندی کن اَچیی ایی کن ایسَه ظلَماتیکا جیخِتَه یَه، رِشونیکا اَیر آرَکَرد و دِلی نیَّتون دیار آرَکَرد. اَموقه هر کَمی اِشتَن تَرییفی، خِداکا ویرَگَت.

یعقوبی نامَه 1:12

خَشی اَ آدَمی حالیرا کن وَرداوَردونکا صبر تحمولینه تاو بوعردی، اِمی خونه کن وَقتی وَرداوَردیکا سربلند بِرِن با، اَ تاجی کن زندَگی بَبخشِستی، و خدا اَیِنی کن بَی رَی بداشتین وَعَدَ آدوعَشَه، ویرَگت.

پطروسی اوّلین نامَه 1:13

پس شمَه فیکرون، عَمل کَردِرا آمادَ بکَرَ، هوش ببِه و شمه اومیدی کامیلا اَ فیضی سَر بِنَرَ کن عیسی مَسیح اِشتَن ظهور کَردِ موقه بَشِمَه بَبَخشِستیَه.

پطروسی اوّلین نامَه 1:5

شِمَرا کن خدا خِنَرینَه و ایمان داشتِه واسیطَنه، اَ نیجاتی خونه کن آمادَ آبیَه تا آخیرَ زَمانیکا اَیر آبو، حفظ آبَه ایرون؛

پطروسی اوّلین نامَه 2:4

بَیکا نِزِک آبِه نَه، یعنی اَ زندَ سِه کن آدَمِن بَی رد کردِشون، ولی خدا وَریکا اینتخاب آبه و با اَرزِشَه،

پطروسی اوّلین نامَه 2:7

پس اِم شِمرا کن ایمانِرون وَردَیه، حورمتَه؛ ولی اَیِنیرا کن ایمان وردَشون نی، «هَه سِه ایی اَ کن اِستا اِن بَی رَد کَردِشون ساختمانی اَصلیه سِه آبَیه،»

پطروسی اوّلین نامَه 4:12

اَی خاجَتیِن، آرا ایکا کن شمَه وَرداوَرد کردِ خونه شمه دِلَکا دَرَگِنست، حَیرون آنِبَه، هنتَه کن عجیبه چیی ایی شمَه سَر آمه یَه.

پطروسی اوّلین نامَه 4:13

بَلکَم اِمیکا کن مَسیح عذابونکا شَریک بَبیرون خَش ببَه، تا چَی شکوه و جَلالی اَیر بِه موقه شمه نی خشی و وشتو واز بکرَ.

پطروسی اوّلین نامَه 5:1

اَز کن اِشتَن ایسبیَه ریشونکا ایمَه و مسیح رَنجون شاهیدیمَه و شِکوه و جَلالی کن دیار بَبی کا شریکیم، ایسبیَه ریشِنی کن شمَه دِلَکانَه سیفارش بَکم کن:

پطروسی دومین نامه 1:1

شمعون پطروسی طَرفیکا کن عیسی مسیح وَزییَر و رسوله، اَیِنیرا کن خدا عیدالَتی واسیطنَه و چَمه نیجات اَدَر عیسی مسیح خونِه، ایمانی، چَمَه ایمانی شیوار چَوون نصیب بَیَه:

پطروسی دومین نامه 1:4

کن اِم چییون واسیطنه اِشتَن یال و با اَرزِشَه وعدَ اون اَمَش بخشِستَیَه، تا چَوون واسیطنَه ایلاهییَه طبیعتیکا شریک آبَه و اَ فیسادیکا کن هوا هوسی خونه دِنیا دلَکارَ، برَخَه.

پطروسی دومین نامه 3:14

پس اَی خاجَتییِن، ایسَه کن اِنتَرَ چییون مونتَظیریرون، بَرک تقلا بکَرَ تا چَی نظریکا بی لکَّه و بی عَیب و صلح و سلامتیکا ببَه.

یهودا نامه 1:24

ایسَه اَیرا کن قادِرَ بشمَه لِسکیستِه کا غَم برِ و بی عَیب و پتلمه یالَه خَشینه اِشتَن شکوه و جلالَه حِضوریکا حاضیر آکَرِ،

یوحنا موکاشیفَه 1:7

بوینَه، اَ، خِرونَّه آ، هر چَمی بَی بَویندییَه، حتی اَیِنی چَم کن اَشون نیزَنَه ژَ؛ و زَمینی سَردِرِ گِردِ طایفَه اِن چَی خونِه عازیَه بَگَتین. واقییَن کن اِنتَرَ بَبییَه. آمین.

یوحنا موکاشیفَه 2:10

اَ عذابی کن هِم زودیون بَکَشتیشَه کا، مترس. بوین، ابلیس، شمَه دلَکا، بعضیوون ورداورد کردِ خونه بشِمه زیندان درَفندییَه و دَه روج عذاب بَبَرون. تِه تا مَردِ موقه وفادار بومون، کن اَز زندَگی تاجی بَتِه آمَدا.

یوحنا موکاشیفَه 3:10

اِمی خونه کن تِه چمن کلام کن آمبَست گیری خونِه اَ، غَمِر هردَیَه، اَز نی وَرداورد بِه ساعَتیکا، اَ ساعت کن گردِ دِنیا کا بومیَه تا زَمینی سَردِرِ آدَمون وَرداورد بکرِ، بَتِه غَم بَردیمه.

یوحنا موکاشیفَه 3:18

بته اَندرز بَکم کن بمِنکا خالیصه طِله کن آرا کا برشَیَه بخِری تا دولتمند آبی؛ و ایسبیَه شندِرون، تا دَکَری و اِشتِه شرم آورَ سلندَ گیری دَپوشامنی؛ و زَمات، تا اِشتِه چمون سَردِرِ پِسونی تا بوینی.