پطروسی اوّلین نامَه 1:3 - کتاب مقدس به زبان تالشي - گویش مرکزی

³ خدا و چَمه خداوند عیسی مسیح دَدَ موتبارک ببو کن اِشتَن یالَه رَحمتینَه، عیسی مسیح زندَ آبِه واسیطَنَه، مردَاون دلَکا، اَمَش تازَ دِنیا دَگِنستِه ایی بخشِسته، زندَ اومید داشتِه خونه

کتاب مقدس به زبان تالشی شمالی

³ مُتوارک بِبو خِدا و چَمَه خِداوند عیسایِ مَسیح دَده که اِشتَنش بَرک رَحمتی نَه، عیسایِ مَسیح زِندَه آبییِه واسطه نَه مَردَه اون دیلَه کا، ایلَه تازه تولدی اَمَه بَخشِستِشه، زِنده اُمیدی را

پطروسی اوّلین نامَه 1:3 Iomraidhean Croise

یوحنا 1:13

اَیِنی کن نِه خونیکا، نِه جَندَکی خواستَکا و نِه اینسانی خواستَکا دِنیا آمَه ببون، بَلکَم خِداکا دِنیا آمَه ببون.

رومی کلیسارا نامه 12:12

اومیدیکا خَش، و غَرَّ روجونکا صَبور ببَه و اوزون دِوا بکَرَ.

رومی کلیسارا نامه 15:13

ببو، خِدایی کن اومید دَرِ، بَشِمَه خَشیکا و صلح و سلامتی ایی کن ایمانی دِلَکا اَ، پتلَمه بکَرِ، اَنَه کن خدا موقدسَه روح خِنَرینَه، اُمیدیکا کوکورو پَتلَمَه بِبَه.

رومی کلیسارا نامه 4:25

اَ کن چَمه گِناخون خونِه مَرگی تَسلیم آبَه و چَمَه صالح بَحیساب آمِه خونِه، مَردَاونکا زندَ آبَه.

رومی کلیسارا نامه 5:10

چون اَگَم هَنگومی کن خِدانَه غَنیم بیمون، و چَی زوعَه مَردِ واسیطنَه، اَمَشون خدا نَه آشتیشون دوعَه، چَدَ ویشتَر ایسَه کن بَینه آشتیکامونَه، چَی زندَگی واسیطنَه نیجات بَگَتیمون.

رومی کلیسارا نامه 8:11

اَگَم روحی کن عیساش مَردَاونکا زندَ آکردَ، شِمَکا ببو، اَ کن مَسیح عیساش مَردَاونکا زندَ آکردَ، اِشتَن روح واسیطنَه کن شمَه دلَکارَ، شمَه فانیَه جندَکون نی زندَگی آرَدا.

رومی کلیسارا نامه 8:24

اِمی خونِه کن هِم اِمیدینَه نیجات گَتَمون. ایسَه اُمیدی کن بَبیَه ویندِ، دِ اُمید نیَه. چِنتَه کَسی بَشایَه چیی ایی اُمید ببو کن اَی بَویندییَه؟

اوّلین نامَه قورَنتیانیرا 13:13

پس ایسَه، اِم سِه چیی بَمندیَه: ایمان، اومید و موحبت. ولی گِردیکا یال تَر موحبَتَه.

اوّلین نامَه قورَنتیانیرا 15:20

ولی مسیح واقییَن کن مَردَاونکا زندَ آبَه یَه و اَ اَولین کَسیَه کن مردِ بَه دوملَه زندَ آبَه یَه.

دوومین نامه قرنتیانیرا 1:3

خدا متِبارک ببو، کن چَمَه خداوند عیسی مسیح دَدَ یَه، کن رَحمتون دَدیَه و گِردِ آلاویستِه خِدایَه؛

نامه غلاطیَه کلیسارا 6:16

گِردِ اَیِنی کن اِم قانونینه رفتار بَکَن، صلح و سَلامتی و رَحمَت چَوونرا و اسرائیلی خدارا بیو.

نامَه اَفسوسی کلیسارا 1:17

تا چَمَه خداوند عیسی مسیح خدا، اَ پور جلالَه دَدَ، حیکمت و موکاشفَه روح بشمَه بدَرِ، تا بَی آزنَه،

نامَه اَفسوسی کلیسارا 1:3

خدا و چَمَه خداوند عیسی مسیح، دَدَ، موتبارَک ببو، کن اَمَش میسح دلَکا هر روحانیَه برَکتینَه آستامونیه جِگا اونکا برَکت آداشَه.

نامَه اَفسوسی کلیسارا 1:7

اَمه مسیح دلَکا چَی خونی واسیطنَه رَخِستیمون، کن اِم هَه خطا اون بخشِستِه یَه، کن اَش، اِشتَن برکَه وِرَ فیضی اندازَ،

نامَه اَفسوسی کلیسارا 2:4

ولی خدایی کن چَی رحمت بَرک وِرَ، اِشتَن یالَه موحبتی خونه اَمه رَی داریَه،

نامَه اَفسوسی کلیسارا 3:20

ایسَه شکوه جلال خدارا ببو کن بَشایَه اَ خِنَری واسیطنَه کن چَمه دلَکا کار بَکَی، هر چیی ایکا کن اَمه بَپیمون یا فکر بَکمون، خَیلی ویشتَر، عمل بکَرِ.

نامَه کُولُسی کلیسا را 1:23

اَگَم واقییَن شمه اِشتَن ایمانیکا آمبَست بومونَه و اِنجیلی اَ اومیدیکا تِم مَرَ، هَه اِنجیلی کن آستامونی بَنیکا گردِ مخلوقونرا اییلام بَیَه، و اَز، پولوس، چَی پاسَری آبَه ایمَه.

نامَه کُولُسی کلیسا را 1:27

خدا اِنتَرَ اَپیش بَه اَیِن بَزنن کن غَیر یهودیون دلَکا، اِم راز چِه یالَه شکوه و جلالی بَداشتیَه، اَ راز اِمَه کن مسیح شمَه دلَکا شکوه و جلالی اومیدَ.

اوّلین نامَه تَسالونیکی کلیسا را 1:3

شمه کارون کن ایمانیکا اَ و زمَتی کن موحبتی دلَکا کَشتَرون و شمه آمبَست بِه اومیدیکا، کن چَمَه خداوند عیسی مسیح کا اَ، خدا و چَمه آستامونیَه دَدَ ناریکا یاد آمونَفَند.

اوّلین نامَه تَسالونیکی کلیسا را 4:13

اَی برا اِن، نَپیمَه اَ ایماندارِنی خونه کن مردَاینه کا بی خبر ببَه، نِکَرِ دییَرَ آدَمونی شیوار کن اومید نینَّداشت، عازیَه بیگِرَ.

دوّمین نامَه تَسالونیکی کلیسا را 2:16

ایسَه چَمَه خداوند عیسی مسیح اِشتَن و چَمَه دَدَ خدا، کن اَمه رَی دارییَه و فیضی واسیطنَه اَمَش زَیرونَه آلاویستِه و و چاکَه اومید آداشَه،

اوّلین نامَه تیموتائوسیرا 1:14

و چَمه خداوندی فیض، اَ ایمان و موحبتی کن مسیح عیسی کا اَ، فِرَوون چمن سَردِرِ ویکَردِش.

نامَه تیتوسیرا 2:13

و چَمَه اَ مِبارَکه اومیدی مونتظیر بومونَم، یعنی چَمَه عَظیمه خدا و چَمَه نیجات اَدَر عیسای مسیح شکوه و جلالی اَیر آبِه،

نامَه، عِبرانیه نَتاجَه مسیحیونرا 3:6

ولی مسیح، خدا کَرا هنته ایلَه زوعَه ایی شیوار وفادارَ. و چَی کَه، اَمه ایمون، اَگَم حَییقتا چَمَه ایطمینان و ایفتخاری، چَمَه اومیدی دلَکا آمبست غَم برم.

یعقوبی نامَه 1:18

اَ اِشتَن ایرادَنه کلامی حَییقتینه، اَمَش خَلق کردَ تا چَی مخلوقاتی نوبَر ببَم.

پطروسی اوّلین نامَه 1:13

پس شمَه فیکرون، عَمل کَردِرا آمادَ بکَرَ، هوش ببِه و شمه اومیدی کامیلا اَ فیضی سَر بِنَرَ کن عیسی مَسیح اِشتَن ظهور کَردِ موقه بَشِمَه بَبَخشِستیَه.

پطروسی اوّلین نامَه 1:21

شمَه چَی واسیطنَه خدا کا ایمان وَردَرونَه، خِدایی کن اَش مردَاون دِلکا زندَ آکَردِش و بَی شکوه جلال بَخشِتِش، تا شمَه ایمان و اومید خِداکا ببو.

پطروسی اوّلین نامَه 1:23

اِمی خونه کن شمه هَنی دِنیا دَگنستَه ایرون، نِه کم نیفیت آرَ بَه تِخمیکا بسکم زَیرونه تِخمیکا، یعنی خدا کلامی واسیطنه کن زندَ یه و تا ابد بمندیَه.

پطروسی اوّلین نامَه 2:2

و هِنتَه چِلَینه خِردَنون شیوار، پاجا و روحانیَه شِتیرا موشتاق ببَه، تا چَی واسیطنه اِشتَن نیجاتیکا پِروعَه،

پطروسی اوّلین نامَه 3:15

بَسکم اِشتَن دِلیکا خداوند مسیح موقدَّس بزنَه و بَی ایحترام بنَرَ و اوزون حاضیر ببَه تا هَر کَم اَ اومیدی کن شمَه دلیکارَ دلیلی دَپَرسِستَه، چَی جوابی بدَرَ، البت ایحترامینه و نرمینه.

پطروسی اوّلین نامَه 3:21

و اَ آو، اَ غسل تعمیدی نمونَه یَه کن ایسَه بشِمَه نیجات دَرِ. ایله تعمیدی کن تنی کثیف گیری خونه نییَه، بسکم پاجا اَ ووژدانی طَمارزو اَ، کن بَپیشَه خدا بوینِه. اِم تعمید عیسی مسیح زندَ آبه واسیطَنه بشِمه نیجات دَرِ،

پطروسی اوّلین نامَه 3:5

اِمی خونه کن گِذَشته دوورَ موقدسَه ژِنن کن خداکا اومید دارینَه، بَشتن اِنترَکه وَج آکَرینَه. اَیِن اِشتَن شو فِرمون بینَه،

یوحنا اوّلین نامَه 2:29

اَگَم سَر آگِنَه اینَه کن اَ صالحه، پس بَموستیرون اَ کن صالح بِه اَنجوم دَرِ، اَیکا دِنیا دَگنستَه یَه.

یوحنا اوّلین نامَه 3:3

هَر کَم بیکا اِنتَرَ اُمیدی بَداشتی، بَشتَن پاجا آرَکَرد، هَتَه کن اَ پاجا اَ.

یوحنا اوّلین نامَه 3:9

اَ کن خدا کا دِنیا دَگنسته یه گِناخیکا زندَگی نیَکرد، اِمی خونه کن خدا ذات اَیکا بَمَندی؛ اَ نیَشا گِناخ کردِ ایدامه بدَرِ، چون کن اَ آدَم خدا کا دِنیا دگنسته یَه.

یوحنا اوّلین نامَه 4:7

اَی خاجَتیِن، یَندِ موحبَت بِکَرَم، اِمی خونِه کن موحبت خدا شِنَه و هَر کَسی موحبَت بَکَی، خدا کا دِنیا آمَه یَه و خدا آرَزنِست.

یوحنا اوّلین نامَه 5:1

هَر کَم ایمان دارِ عیسی هَه وعدَ دوعَه مَسیحَه، خدا کا دِنیا دَگنسته یَه؛ هَر کَم دَدَ رَی بَداشتی، چَی خِردَنی نی رَی بداشتیه.

یوحنا اوّلین نامَه 5:18

اَمه بَموستیمون کن هَر کَم خدا کا دِنیا آمَه یَه، گِناخیکا زندَگی نیَکرد، بَلکَم عیسی کن خدا کا دِنیا دَگنستَه یه بَی غَم بَردی و اَ، آوشَری بال بَی آنیَرَست.

یوحنا اوّلین نامَه 5:4

اِمی خونِه کن هر کَم خدا کا دِنیا آمَه ببو، دِنیا سَردِرِ پیروز آرَب. چَمَه ایمان، اَ بَردِ ایی اَ کن دِنیا سَر پیروز آبَه یَه.