پطروسی اوّلین نامَه 1:21 - کتاب مقدس به زبان تالشي - گویش مرکزی

²¹ شمَه چَی واسیطنَه خدا کا ایمان وَردَرونَه، خِدایی کن اَش مردَاون دِلکا زندَ آکَردِش و بَی شکوه جلال بَخشِتِش، تا شمَه ایمان و اومید خِداکا ببو.

کتاب مقدس به زبان تالشی شمالی

²¹ شِمَه که چَیی واسطه نَه بِه خِدا ایمان وَردَرونه، اَ خِدایی که اَیی مَردَه اون دیلَه کا زِنده آکَردِشه و جلال دوشَه، تا شِمَه ایمان و امید بِه خِدا بِبو.

پطروسی اوّلین نامَه 1:21 Iomraidhean Croise

مَتّی 28:18

اَموقه عیسی نِزِک آمَه و اَیِنِش واتَه: «گردِ زاکین، آستامونیکا و زَمینی سَردِرِ چمن دَست آدوعَه آبَیَه.

یوحنا 12:44

اَموقه عیسی تَتَه لَسَّه نَه واتِش: «هَر کم بَمن ایمان بوعَرِ، نِه کن بَمن، بَلکَم چمن رَونَه آکَری ایمان وَردَشه.

یوحنا 14:1

عیسی واتِشه: «شمه دل تَتَّه وَسَکا مبو. خدا کا ایمان بدارَ؛ بَمن نی ایمان بدارَ.

یوحنا 14:6

عیسی بَی واتِشَه: «اَز راه و حَییقت و زندَگی هِستیمَه. هیچ‌کَسی غَیراَز چمن واسیطۀ نَه دَدَ وَر نیام.

یوحنا 17:1

اِم گَفون ژِ بَه دوملَه، عیسی اِشتَن کَلَّه راست آکردِشَه وآستامونی دَیَشتشَه و واتِش: « دَدَ، اَ وَقت آرَستَیه. اِشتِه زوعَه جلالی دیار آکَه تا اِشتِه زوعَه نی اِشتِه جَلالی دیار آکَرِ.

یوحنا 17:24

اَی دَدَ، بَپیمه اَیِنی کن تِه بَمن بَخشستَرَ بَمنَه ببون، هَه جگاایکا کن اَز هِستیم، تا چمن جلالی دَیَسن جلالی کن تِه بَمن دوعَرَ، اِمی خونِه کن تِه دِنیا شروو بِه بَه نَ، بَمن رَی داریشَه.

یوحنا 17:5

پس ایسَه اَی دَدَ، ته نی بَمن اِشتِه وَریکا جلال بِدَ، هَه جلالی کن دِنیا شروو بِه بَه نَ اِشتِه وَر داریم.

یوحنا 3:34

چون اَکَن خدا بَی عَندَشَه، خدا کلامی باتی، اِمی خونه کن خدا، بی اَندازَ اِشتَن روح بَی آرَدا.

رَسولون اَعمال 2:24

خدا بَی مَرگی عذابونکا اَراخِمونیشَه، و بَی زندَ آکَردِش، اِمی خونه کن مَحال بَه مَرگ بِشا بَی اِشتَن چینگیکا غَم بَرِ.

رَسولون اَعمال 3:13

ابراهیمی خدا و ایسحاقی خدا و یعقوبی خدا، چَمَه بابا اون خدا، اِشتَن پاسَری، عیساش شکوه جَلال آداشَه، هَه کن شِمَه اَی تَسلیم آکَردِرون و پیلاتُس فرمانداری نَکا بَی حاشا ژِرون، هَر چَنَه پیلاتُسی تصمیم اِم بَه کن بَی براخِمونِه.

رَسولون اَعمال 3:15

شِمَه، اَ کن زندَگی سَرچِشمَه بَه کِشتِرون، ولی خدا بَی مَردَاونکا زندَ آکَردِش و اَمه اِم چییون شاهیدِمون.

رَسولون اَعمال 4:10

پس گِردِ شِمَه و گِردِ یهودی آدَمِن، بِزنَه کن عیسای مسیح ناصِری نومینَه یَه کن اِم مِرد شِمَه نَکا سَلامت پامَندَ، هَه کَسی نومینَه کن شِمَه بَی صَلیبی سَردِرِ جیبَستِرون، ولی خدا بَی مَردَاونکا زندَ آکَردِش.

رومی کلیسارا نامه 10:9

کن اَگَم اِشتَن زونینَه ایقرار بِکَری «عیسی خِداوندَ» و اِشتَن صدقِه دلینَه ایمان بِداری کن خدا بَی مَردَاونکا زندَ آکَردِشَه، نیجات بگَتیشَه.

رومی کلیسارا نامه 4:24

بَسکَم چَمَراشون نی نوشتَه یَه، تا چَمَرا نی بَحیساب با، اَمه کن بَی ایمان دارَم کن چَمَه خِداوندَ عیسی، مَردَاون دلَکاش زندَ آکَردَ.

دوومین نامه قرنتیانیرا 6:15

مَگَم مسیح وبِلیعان یعنی شیطون یندّنه سلوکت بکَن و مؤمن و کافر چِه چیکا یَندِ بَمندین؟

نامَه اَفسوسی کلیسارا 1:15

اِمی خاطر هَتَه کن اَز نی وقتی شمه ایمانی تریفی کن به عیسای خداوند دارَ و موحبتی کن گردِ موقدسَه آدَمونرا دارَ درَستِم،

نامَه کُولُسی کلیسا را 1:27

خدا اِنتَرَ اَپیش بَه اَیِن بَزنن کن غَیر یهودیون دلَکا، اِم راز چِه یالَه شکوه و جلالی بَداشتیَه، اَ راز اِمَه کن مسیح شمَه دلَکا شکوه و جلالی اومیدَ.

اوّلین نامَه تیموتائوسیرا 1:1

پولوسی طَرَفیکا کن چَمَه نیجات اَدَر و خدا حِکمینَه و چَمَه اومید مسیح عیسی، مسیح عیسی رَسولَه؛

اوّلین نامَه تیموتائوسیرا 3:16

واقییَن کن دینداری راز بَرک یالَه: اَ جندَکی دَلکا اَیر آبَه، خدا روح واسیطَنه تصدیق به، فرشتَه اِن اَشون ویندَ، قامونرا اییلام بَه، دِنیا دلَکا بَشون ایمان وردَ، و شکوه و جلاینَه، کَفاراشون بردَ.

نامَه، عِبرانیه نَتاجَه مسیحیونرا 2:9

ولی اَمه اَی بَویندیمون کن تلکه زمانی فرشتَه اونکا گِچ تَر به، یعنی عیسی، کن مرگی عذابی خونه، شکوه و جلال و حورمتی تاج چَی کلَّکاشون نوعَه، تا خدا فیضی واسیطنه، مرگی مزَ گِردی خونه آچَشِه.

نامَه، عِبرانیه نَتاجَه مسیحیونرا 6:1

پس بِرَ مسیح اَولین دَرسونکا دَیوَرَم و بالغ بِه طَرفیرا نار بشَم. ولی نییَبن هنی هیمی ، توبَه کردِ و دَدارَ کارِن و خدا کا ایمان داشته،

نامَه، عِبرانیه نَتاجَه مسیحیونرا 7:25

پس عیسی بَشایَه اَیِنی کن چَی واسیطَنه خداکا نِزِک آنَّب کامیلا نیجات بدَرِ، اِمی خونه کن اَ اوزون زندَیَه تا چَوون خونه شفاعت بکرِ.

پطروسی اوّلین نامَه 1:11

اَیِن تقلا اَکَرینَه سَر آگِنن هَنگومی کن مسیح روح چَوون دِلَکا، مَسیح عذابن و شکوه و جَلالونکا، کن چی بَه دومله آی و پیشگویی اَکَریَه، چیکیرا و کِرَم زمانی آمونییَه.

پطروسی اوّلین نامَه 1:3

خدا و چَمه خداوند عیسی مسیح دَدَ موتبارک ببو کن اِشتَن یالَه رَحمتینَه، عیسی مسیح زندَ آبِه واسیطَنَه، مردَاون دلَکا، اَمَش تازَ دِنیا دَگِنستِه ایی بخشِسته، زندَ اومید داشتِه خونه

پطروسی اوّلین نامَه 3:22

هه عیسای مسیح کن آستامونیرا شَه و ایسَه خدا راستَه بالی طرَفیکا پامندَ و فرشتَه اِن و زاکیندارِن و زِبقِن چَی فِرمون آبَه اینَه.