پطروسی اوّلین نامَه 1:20 - کتاب مقدس به زبان تالشي - گویش مرکزی

²⁰ اَ کن دِنیا خَلق بِه، بَه نَه تَیین آبَه بَه، ولی اِم آخیرَ زمانونکا شِمَرا اَیر آبه.

کتاب مقدس به زبان تالشی شمالی

²⁰ اَ، دنیا خلق بییَه پیش مُعَین بَه، امّا اِم آخِر زمانون کا شِمَه را آشکار آبَه.

پطروسی اوّلین نامَه 1:20 Iomraidhean Croise

مَتّی 25:34

چی بَه دوملَه پادیشا اَیِنی کن چَی راستَ وَریکا هستنینه باتیِه: اَی کَسِنی کن چمن دَدَ شِمَش بَرَکت آدوعَشَه، بِرَ و پادیشاهی‌ایی بَه میراث بِبَرَ کن دِنیا شِرو بِه کا، شمَرا آماده آبَه بَه.

رَسولون اَعمال 2:23

اَ عیسی، خدا ایرادَ و نقشَه واتنَه شمَه دست تسلیم آبَه و شِمَه، آوشرَ بالینَه اَی صلیبی سَر جیبَستِرون وکِشتِرون.

رومی کلیسارا نامه 3:25

خدا، عیسی مسیحِش هِنتَه گِناخون کَفارَ شیوار آناشَه، اَ کَفّارَ کن چَی خونیَنه و ایمان داشته را کا بِدَست آ. اِم، خدا عیدالَتی آمونِستِه خونه بَه، اِمی خونه کن اَ اِشتَن ایلاهییَه صَبرینَه، اَ گِناخِنی کن چیمی بَه نَه ایتفاق دَگِنِستَه به، نِدیدِش گَتَه.

رومی کلیسارا نامه 8:29

چون اَیِنی کن خِداشون نارتَر آزنِستَه، چیمی بَه نَه اَیِنِش تَیین کَردَ تا چَی زوعَه شیوار آبون، تا اِنترَکه مسیح، وِرَ برااون دِلَکا اولین خردَن ببو.

نامه غلاطیَه کلیسارا 4:4

اَمّا اَ تَیین بَه وقت، کامیل آرستَه، خدا اِشتَن زوعَه رَونَه آکردِشَه کن ایلَه ژِنیکا دِنیا آمه و شَریعَتی بنیکا دِنیا آمَه،

نامَه اَفسوسی کلیسارا 1:10

خدا نَقشَه اِم بَه، کن زمانی چَی وقت آرَسِه، چِه آستامونیکا و چِه زَمینی سَردِرِ، گِردی مسیح دلَکا جَم آکَرِ.

نامَه اَفسوسی کلیسارا 1:4

اِمی خونه کن دِنیا خلق بِه بَه نَه، اَمَش چَی دلَکا اینتخاب کردِش تا چَی حِضوریکا بی عَیب و موقدَّس ببَم، و موحبَتیکا

نامَه اَفسوسی کلیسارا 3:11

اِم هدفی بَه کن ههَ شِروو کا خدا داری، کن خدا اَی چَمَه خداوند مسیح عیسا کا اَنجوم داشَه.

نامَه اَفسوسی کلیسارا 3:9

و گِردیرا آمونِم کن خدا نَقشَه چنترَ اَنجوم آرَب. خدایی کن گردِ چییِنِش خلق کردَیه اِشتَن اِم رازی گِذَشتَکا نون آکَردَش بَه.

نامَه کُولُسی کلیسا را 1:26

یعنی اَ رازی کن خَیلی زمونَه اونکا و وِرَ اودومونکا نون آبَه بَه، ولی ایسَه چَی موقدسَه آدَمونرا دیار آبَیَه.

اوّلین نامَه تیموتائوسیرا 3:16

واقییَن کن دینداری راز بَرک یالَه: اَ جندَکی دَلکا اَیر آبَه، خدا روح واسیطَنه تصدیق به، فرشتَه اِن اَشون ویندَ، قامونرا اییلام بَه، دِنیا دلَکا بَشون ایمان وردَ، و شکوه و جلاینَه، کَفاراشون بردَ.

نامَه، عِبرانیه نَتاجَه مسیحیونرا 1:2

ولی اِم آخِرَ روجونکا اِشتَن زوعَه واسیطنه اَمنه گف ژِشه، هَه زوعَه ایی کن بَی ایلَه وارِثی شیوارگِردِ چییون سَر تَیین کردِشَه و چَی واسیطنَه جَهانِش خَلق کردَ.

نامَه، عِبرانیه نَتاجَه مسیحیونرا 2:14

پس اَ جِگا ایکا کن خردَنِن خونیکا و جندَکیکا شریکین، اَ اِشتَن نی اِم چییونکا شریک آبه، تا مرگی راکا، اَ کن مرگی زبقی بَداشتی یعنی ابلیسی نیفیت آکرِ.

نامَه، عِبرانیه نَتاجَه مسیحیونرا 9:26

اِمی خونه کن انترَکه، مسیح پی دِنیا خلق بِه موقه کا یَژَن عَذابِش کشتَه ببو، ولی انترَ نبَه، اَ، ایسَه ایکرَ اوزونیرا آخیرَ زمانونکا آمَه تا بَشتن قربونی کردِ نَه، گناخی نیفیت آکرِ.

پطروسی اوّلین نامَه 1:2

اَیِنیرا کن خِدای دَدَ پیشدانی واتنَه، و خدا روح کاری واسیطنه، کن تقدیس بَکَیه، و عیسای مسیح کا فرمون بَردِ خونه و چَی خون کن چَوون سَریکا پِشندِشون، اینتخاب آبَه اینَه: فیض و صلح و سلامتی فِرَوون شمَه سَردِرِ ببو.

یوحنا اوّلین نامَه 1:2

زندَگی اَیر آبه؛ و اَمه اَی ویندَمونَه و چَیرا شاهیدی آمونَدا. اَمه زَیرونَه زندَگی شمَرا اییلام بَکَمون، هه زَیرونه زندَگیی ایی کن دَدَ نَه دَرِ بَه و چَمَرا اَیر آبَه.

یوحنا اوّلین نامَه 3:5

شمَه بَموستیرون کن اَ اَیر آبه، تا گِناخون نیفیت آکَرِ. بَیکا هیچ گِناخی دَرِ نیَه.

یوحنا اوّلین نامَه 3:8

اَ کن گناخیکا زندَگی بَکَی اِبلیسیکارَ، اِمی خونه کن ابلیس هَه شِرووکا گِناخ کار بَه. اِمی خاطر خدا زوعَه اَیر آبه تا ابلیسی کارون هیچ بَرکَرِ.

یوحنا موکاشیفَه 13:8

زَمینی سَر اَمونِن گِرد، اَ اَشیا پرستش اَکَرینَه، یعنی گِردِ اَیِنی کن چَوون نوم زندَگی دفتَریکا، کن اَ وَرَ کن دِنیا خلق بِه اَوَلیکا قربونیی آبَه بَه شِنَه، آمَه نییَه.