پطروسی اوّلین نامَه 1:2 - کتاب مقدس به زبان تالشي - گویش مرکزی

² اَیِنیرا کن خِدای دَدَ پیشدانی واتنَه، و خدا روح کاری واسیطنه، کن تقدیس بَکَیه، و عیسای مسیح کا فرمون بَردِ خونه و چَی خون کن چَوون سَریکا پِشندِشون، اینتخاب آبَه اینَه: فیض و صلح و سلامتی فِرَوون شمَه سَردِرِ ببو.

کتاب مقدس به زبان تالشی شمالی

² کسونی را که طبق خِدای دَده پیشدانی و خِدا روح کاری واسطه نَه که تقدیس‌ بَکَردی، عیسایِ مَسیح اِطاعت کَردِه کا و چَیی خون که چَوون سَری کا پِشَندَه بَه، اِنتخاب بَیینه: فیض و صُلح و سلامتی فَت و فَراوون شِمه را با.

پطروسی اوّلین نامَه 1:2 Iomraidhean Croise

مَتّی 24:22

اَگَم خدا اَ روجون کِتا آنَکَرییَه، هیچ آدَمی سَقَه جان نَمونیَه. ولی بَرگزیدَاون خونه خدا اَ روجون کِتا آکَردَشَه.

مَتّی 24:24

اِمی خونه کن دروعَه مَسیحِن و دروعَه پَیغمبَرِن بومَن، و اِنتَرَ نِشونَه اِن اَیر بَکَن و موعجیزَاِن اَنجوم دَرِن تا اَگَم بشان، بَرگُزیدَاون گُمرا بِکَن.

مَتّی 24:31

اَ اِشتَن فرشتَه اون زرنا بَرزَ سَسینَه رَونَه آرَکَرد و اَیِن چَی برگزیدَاون دِنیا چار کِچیکا، آستامونی ام گوشَه تا اَگوشه، یَندِ وَر گرد آنَّکَرد.

مَرقُس 13:20

اَگَم خداوند اَ روجون کِتا آنَکَریَه، هیچ اینسانی سَقَه جان نَمونیَه. ولی بَرگزیدَاون خونه، کن اِشتَن اَیِنِش اینتخاب کَردَیَه، خداوند اَ روجِنِش کِتا آکَردشَه.

مَرقُس 13:22

اِمی خونه کن دروعَه مَسیحِن و دروعَه پَیغمبَرِن بومَن، و اِنتَرَ نِشونَه اِن اَیر بَکَن و موعجیزَاِن اَنجوم دَرِن تا اَگَم بشان، بَرگُزیدَاون گُمرا بِکَن.

مَرقُس 13:27

چَی به دوملَه اَ، فرشتَه اون رَونَه آرَکَرد و اِشتَن بَرگُزیدَاون زَمینی اِم سَر تا آستامونی اَ سَر، دِنیا چار کنجیکا، یَندِ وَر جَم آرَکَرد.

انجیل لوقا 18:7

ایسَه خدا اَ آدَمِنی کن اِشتَن اینتخاب کَردَشَه، چَوون داد آنیَرَست، اَیِنی کن شَوانَه روج بَی خِلِه بَکَنَه؟ چَوونرا آرَستِه عَری دَرَفند؟

رَسولون اَعمال 15:18

اِم چیی اِنِش گِذَشَتَکا دیار آکَردَشه.“

رَسولون اَعمال 2:23

اَ عیسی، خدا ایرادَ و نقشَه واتنَه شمَه دست تسلیم آبَه و شِمَه، آوشرَ بالینَه اَی صلیبی سَر جیبَستِرون وکِشتِرون.

رَسولون اَعمال 20:32

«ایسَه بَشِمَه خدا و چَی فیض بخشَه کلامی دَست آمَدا، کن بَشایَه بَشِمَه بَنا بکَرِ و گِردِ اَیِنی دِلَکا کن تَقدیس آبَه اینَه، اِرث آدَرِ.

رومی کلیسارا نامه 1:5

خدا، مسیح واسیطَنه اَمَش فیض دوعَه تا چَی رسولِن آبَم و قامون گِردی راهنمایی بکَرَم کن مسیح نومی سَردِرِ ایمان بوعَرِن و بَیکا ایطاعَت بکَن.

رومی کلیسارا نامه 1:7

گِردِ اَیِنیرا کن شهر رومیکاینَه و خدا خاجَتی اینَه و اَیِنِشون صَلا ژَیَه تا موقدَسونکا آبون: فیض و صلح سلامتی، چَمَه دَدَ، خدا وَریکا، و خداوند عیسی مسیح طَرَفیکا شِمَرا ببو.

رومی کلیسارا نامه 11:2

خدا اِشتَن قام کن نارتَر تاکَه آکَردَش بَه، رَد آنِکَردِشَه. نینَّه موست موقدسَه نوشتَه اِن، ایلیا خونِه چِه باتی؟ اِم کن اَ چِنتَه قام ایسرائیلی زِرَبَرا خدا وَرگِلَی کَردِشَه و واتِش:

رومی کلیسارا نامه 11:28

اِنجیلی خونه یهودییِن شِمَه غَنیمین؛ ولی خدا اینتخابی خونه، بابااون خاطر، خدا را خاجَتی اینَه.

رومی کلیسارا نامه 15:16

کن غَیرِ یَهودیونرا، مَسیح عیسی وزییَر بِبوم و خدا اِنجیلی خیدمت کَردِ خونه کَاهن ببوم، تا غَیرَ یَهودیِن چَاکَه خَلایی خدا دَرگارا بِبون کن خدا موقدسَه روح نَه تقدیس بَیَه.

رومی کلیسارا نامه 16:19

شِمَه فِرمون بَردِ تَریف گَردی دِلَکا گَه به گَه آبَه یَه؛ شِمَه خونِه را وِر خَشیمَه. ولی بَشِمَکا اَپیمَه اَ چیی ایی ناریکا کن چاکَه، اَلمَند، و اَ چیی ایی ناریکا کن بَدَ، سادَ بِبَه.

رومی کلیسارا نامه 16:26

اَمّا ایسَه پَیغَمبَرون نِوِشتَه اون واتَنَه، و زَیرونَه خدا حِکمینَه، گِردِ قامونرا دیار آبَه تا اَیِن ایمان بوَعن و ایطاعَت بِکَن،

رومی کلیسارا نامه 8:13

اِمی خونِه کن اَگَم جندکی واتنَه زندَگی بکَرَ، بَمَردیرون؛ اَمّا اَگَم خدا روح واسیطَنَه، جَنَدَکی کارون بِکِشَه، زندَگی بَکَرون.

رومی کلیسارا نامه 8:33

کیَه کن خدا اینتخاب آبَه اون، ایتهام بِژنه؟ خِدایَه کن اَوون صالح بَحیساب وَردَشَه!

اوّلین نامَه قورَنتیانیرا 1:30

و چَی خونه اَ کن، شِمَه مَسیح عیسی دِلَکا هِستیرون، اَ مسیح عیسی کن خدا طَرَفیکا آمَه و چَمَرا حیکمَت آبَه یَه، یعنی چَمه صالح بِه، قودوسیَّت و رَخِستِه.

اوّلین نامَه قورَنتیانیرا 6:11

بعضی شِمَه اونکا گِذَشتَکا اِنتَرَ بینَه، ولی خداوند عیسی مسیح نومینَه و چَمَه خدا روح واسیطَنه شِمَشون شوشتَه، تقدیس آبیرون و صالح بَحیساب آمیرون.

دوومین نامه قرنتیانیرا 10:5

اَمه، هر گَه بَه گَه دوعِه و دانا ایی کن خدا زِرَبَرا اَ نیفیت بَکمون، و هر فکری مجبور بَکمون تا میسح کا ایطاعَت بکَرِ.

دوومین نامه قرنتیانیرا 13:14

خداوند عیسی مسیح فیض، خدا موحبت و خدا موقدسَه روح رَفاقَت، شِمَه گِردینَه دَرِ ببو.

نامَه کُولُسی کلیسا را 3:12

پس هنتَه خدا اینتخاب بَه قام، کن موقدَّس و خاجَتییَه، بَشتن دل سوزی، مِرَبانی، فروتنی، مولایم بِه و صبری شندری دَکَر.

دوّمین نامَه تَسالونیکی کلیسا را 2:13

ولی اَی برا اِن کن خدارا خاجَتی ایرون، اَمه اوزون پی شمه وِجودی خونه خدا شکر بکَرم، اِمی خونه کن خدا بَشِمَه نوبَری شیوار اینتخاب کردِشَه کن نیجات بیگِرَ، اَ تقدیس بِه واسیطَه نَه کن خدا روح نَه اَنجوم بَبی وحَییقییَه ایمانداشتِه نَه.

دِوُّمین نامَه تیموتائوسیرا 2:10

اینتیخاب بَه آدَمون خونه گردِ چییون تاو بوعَمه، تا اَیِن نی اَ نیجاتی کن مسیح عیسیکارَ، اَبَدیَه شکوه و جلالینَه بَدَست بوعَن.

نامَه تیتوسیرا 1:1

پولوسی طَرَفیکا، کن خدا وَزییَر و عیسی مسیح رسولَه، کن تَیین آبَه ایمَه تا خدا اینتخاب کردَ آدَمون ایمانی زبق بدَرِم و اَ حَییقتی کن دیندارینَه مطابقَه، بواجم،

نامَه، عِبرانیه نَتاجَه مسیحیونرا 10:22

بِرَ صدق دِلینه و کامیلَه ایمانینَه خِداکا نِزِک آبَم، و چَمه دلون بدَ ووژدانیکا پاجا آکَرَم و چَمَه جندَکی پاجا اَ آوینَه بوشورَم.

نامَه، عِبرانیه نَتاجَه مسیحیونرا 11:28

ایمان داشتِه خونه بَه کن موسی، پِسَخه عید و خون پِشَندِش بَجا وردَ تا اَ فرشتَه ایی کن اولین خردنون نیفلَه اَکَریَه، اِشتَن بالی قام ایسرائیلی اولین خردَنون سَردِرِ دراز آنِکرِ.

نامَه، عِبرانیه نَتاجَه مسیحیونرا 12:24

و عیسی کن ایلَه تازَ عَهدی واسیطه یَه، و اَ پِشندَ خونی، کن هابیلی خونیکا چاکترَ، کا گَف بَژَی.

نامَه، عِبرانیه نَتاجَه مسیحیونرا 5:9

و اَموقه کن کامیل آبَه، گردِ اَیِنیرا کن بَیکا ایطاعت بَکنَه، زَیرونه نیجاتی سرچشمه آبَه.

پطروسی اوّلین نامَه 1:14

هِنتَه فِرمونه خِردَنون شیوار ببه، و دِ، نادون بِه موقه هوا وهَوسون شیوار مَبَه.

پطروسی اوّلین نامَه 1:19

بَلکَم مسیح با اَرزِشَه خونینَه، اَ وَرَ کن بی عَیب و بی لَکَّه یَه، خِرییَشونَه.

پطروسی اوّلین نامَه 1:20

اَ کن دِنیا خَلق بِه، بَه نَه تَیین آبَه بَه، ولی اِم آخیرَ زمانونکا شِمَرا اَیر آبه.

پطروسی اوّلین نامَه 1:22

ایسَه کن حَییقتیکا فِرمون بَردِنَه، اِشتَن جانون پاجا آکَردَرون تا بی ریا و برا اَ موحبَت بِدارَ، خالیصانه و پاجا اَ دِلینه یَندِ رَی بِدارَ.

پطروسی اوّلین نامَه 2:9

ولی شمَه اینتخاب بَه اودوم و کاهینِنی هِستیرون کن شاهانَه کَهانَت بَکرون. شمه موقدَسه میلَّت و مردومی هِستیرون کن خدا مِلکیرون، تا چَی چاکه صِفتون اییلام بکَرَ، کن بَشِمَه ظِلَماتیکا اِشتَن عجیبَه نوری طَرَف خِلِه کردشَه.

پطروسی دومین نامه 1:2

خدا و چَمه خداوند عیسی مسیح آزنستِه واسیطنَه، فیض و صلح و سلامتی فرَوون شمَرا ببو.

یوحنا دوّمین نامَه 1:1

ایسبیَه ریشی طَرَفیکا، اینتخاب آبَه خَنِمی را و چَی خِردَنون را کن ’حقیقتی کا‘ اَوون رَی بَداشتیم- و نِه تاکَه اَز، بَسکَم گِردِ اَیِنی کن حَییقتی آزنِستَشونَه-

یوحنا دوّمین نامَه 1:13

اِشتِه اینتخاب آبَه خالا، خِردَنِن، تِرا سلام دَرِن.

یهودا نامه 1:2

رحمت و صلح و سلامتی و موحبت، فِرَوون شمَرا ببو.