پطروسی اوّلین نامَه 1:17 - کتاب مقدس به زبان تالشي - گویش مرکزی

¹⁷ اَگَم اَ کن، هر کَسی کارون سَر بی اِمکن چَی طرفی بیگِرِ دیوون بَکیَه، دَدَ باتیرون. پس اِشتَن غوربتی دوورَ خدا تَرسینه بِگذِرامونَه،

کتاب مقدس به زبان تالشی شمالی

¹⁷ اَگَم اَیی دَده دَخونه که هَر کسی بیدون اِمکه چَیی طرفداری بِکَرِه چَیی اَعمالی داوری بَکَردی، بَس خِداتَرسی نَه غریبی دورانی سَر بِکَرَه،

پطروسی اوّلین نامَه 1:17 Iomraidhean Croise

مَتّی 16:27

«اِمی خونه کن اِینسانی زوعَه اِشتَن آستامونیَه دَدَ جَلالیکا واِشتن فرشتَه اونَّه بومَیَه و اَ زَمانیکا هَر کَسی چَی کَردَ کارون شیوار عَوض دَرِ.

مَتّی 22:16

اَیِن اِشتَن شاگردون، هیرودیسونَّه چَی وَر رونَه آکردشون و واتِشون: «اِستا، اَمه بَموستیمون تِه صادیقَه مِردی هِستیشَه و خدا راه دِرستینَه آموج دَری و کسیکا باکیر نیَه اِمی خونِه کن ظاهیری نَه قیضاوَت نیشَکَرد.

مَتّی 6:9

«پس شمَه اِنتَرَکه دوا بکَرَ: «چَمه آستامونیَه دَدَ، اِشتِه نوم موقدّس ببو.

رومی کلیسارا نامه 11:20

راست باتیش. ولی اَیِنِشون بی ایمانی خونِه آبیردَشونَه و تِه تاکَه ایمانینَه آمبَستیشَه. پس یالَه نار مَب، بَلکَم بِتَرس.

دوومین نامه قرنتیانیرا 1:2

فیض و سلامتی چَمه دَدَ خدا طَرَفیکا، و خِداوندْ عیسی مسیح طَرَفیکا، شِمَرا ببو!

دوومین نامه قرنتیانیرا 5:6

پس اَمه اوزون دلگَرمیمون، اَمه بَموستیمون تا زمانی کن اِم تَنیکا کَه بَداشتیمونَه، خِداوندیکا رَت آبَه ایمون،

دوومین نامه قرنتیانیرا 7:1

پس خاجَتی اِن، ایسَه کن اِم وعدَ اِن چَمه شِنَه، بِرَ اِشتَن، روح و جندَکی هر ناپاکیکا پاکیَه آکَرَم و خدا ترسینَه، موقدَّس بِه، کامیل آکَرم.

دوومین نامه قرنتیانیرا 7:11

چون دیسَه اِم قورصه ایی کن خِدارا بَه چه خَشی ایی شمَکا بوجود وردشَه: اَلبَت هِم خَشیی اَ کن آمونِه شمَه تقصیر کار نیرون، چِه قیضیکا، چِه تَرسیکا، چِه دلتنگیکا، چِه غَیرَتیکا ، چِه موجازاتیکا. هر طَرَفیکا ثابیتِرون کردَ کن اَ قَضیَکا بی تقسیر بیرون.

نامه غلاطیَه کلیسارا 2:6

ولی اَیِنی کن بَه نَظَر با نفوذ آین، هَر کی ایی بینَه مِرا فرقی نِکَرِ، چون خدا دَدار کَسی طَرَفی نِگِرِ، ها، اَیِن چیی ایی بَمن ایضاف آنِکَردِشون-

نامَه اَفسوسی کلیسارا 1:17

تا چَمَه خداوند عیسی مسیح خدا، اَ پور جلالَه دَدَ، حیکمت و موکاشفَه روح بشمَه بدَرِ، تا بَی آزنَه،

نامَه اَفسوسی کلیسارا 3:14

اِمی خاطر، اَز آستامونیَه دَدَ ناریکا زِنگ بَژَم

نامَه اَفسوسی کلیسارا 6:9

اَی اربابِن، شمَه اِشتَن وَزییَرونَّه هِنترَکه رفتار بکرَ، و چَوون تهدید کردِکا دست پِگِرَ، چون بَموستیرون اَ کن هِم چَوون اَربابَه و هِم شمَه اَرباب، آستامونیکارَ، و اَ هیچ کَسی سَردِرِ فرق نیَه نا.

نامَه فیلیپی کلیسا را 2:12

پس اَی خاجَتیِن، هَتَه کن اوزون فِرمون بیرون، ایسَه نِه تاکَه چمن مَندَ جِگاکا کا بَلکَم پی خَیلی ویشتَر چمن مَند نِبِه کا، اِشتَن نیجات گَتِرا تَرسو لَرزینَه اَنجوم بدَرَ؛

نامَه کُولُسی کلیسا را 3:25

اِمی خونه کن هَر کَم بدی بکَرِ، اِشتَن بدَ کاری عَوَضی بوَیندیَه و هیچ فرقی نییَه.

نامَه، عِبرانیه نَتاجَه مسیحیونرا 12:28

پس بِرَ اَ پادیشایی کن نییَب اَی لارزامونِستِه بَدَست وردِ خونه، شکر بکرَم. و انترَکه ایلَه مقبوله پرستش، کن ایحترام و تَرسینَه دَرِ ببو خدا تقدیم بکرَم،

نامَه، عِبرانیه نَتاجَه مسیحیونرا 4:1

پس با امکن چَی وعدَ دِلَه دَشِه چِی آلاویستِه دلَکا، هنوزنی پابرجا اَ، بترسِستیمون کن نِکَرِ دیار آبو ایی نفر شِمَکا اَ وعدَ بَه دَست وردِکا شکست بَرِ.

پطروسی اوّلین نامَه 2:11

اَی خاجتی اِن، شمَکا کن اِم دِنیاکا مِسافیر و خَلکیرون خاشتو خازِمه، جندکی هوا و هوسیکا کن شمَه روح زرَبرا کان جَنگِستِه، رَت آبَه.

پطروسی اوّلین نامَه 3:15

بَسکم اِشتَن دِلیکا خداوند مسیح موقدَّس بزنَه و بَی ایحترام بنَرَ و اوزون حاضیر ببَه تا هَر کَم اَ اومیدی کن شمَه دلیکارَ دلیلی دَپَرسِستَه، چَی جوابی بدَرَ، البت ایحترامینه و نرمینه.