پطروسی اوّلین نامَه 1:15 - کتاب مقدس به زبان تالشي - گویش مرکزی

¹⁵ ولی هِنتَه، شمه صلا اَژَنی شیوار کن قودّوسه، شمَه نی گِردِ اِشتَن رفتارونکا موقدَّس ببَه؛

کتاب مقدس به زبان تالشی شمالی

¹⁵ ولی هَتَه، اَیی که شمه دعوت کَردَشه، قدّوسَه، شمَه نی گِردِ رفتار کرداری کا مقدّس بِبییَه،

پطروسی اوّلین نامَه 1:15 Iomraidhean Croise

مَتّی 5:48

پس شمَه پی کامیل ببَه، هَته کن شمه آستامونیَه دَدَ کامیلَه.

رومی کلیسارا نامه 9:24

حتی اَمه نی کن چَی طَرَفیکا خِلِه بَه ایمونَه، شامل بَبی، نِه تاکَه یَهودیونکا، بَلکَم غَیرِ یَهودیونکا نی هتَیَه.

دوومین نامه قرنتیانیرا 7:1

پس خاجَتی اِن، ایسَه کن اِم وعدَ اِن چَمه شِنَه، بِرَ اِشتَن، روح و جندَکی هر ناپاکیکا پاکیَه آکَرَم و خدا ترسینَه، موقدَّس بِه، کامیل آکَرم.

نامَه فیلیپی کلیسا را 1:27

تاکَه بَرزَ شمه زندَگی رَوش، مسیح اِنجیلی شَئنیکا ببو، تا چِه بام و شِمَه بِوینِم و چِه نام، شمَکا درَسِم کن شمه ایلَه روح کا آمبَستیرون و یَک فکر، دوش بَه دوش اِنجیلی ایمانیرا تقلا بَکَرون،

نامَه فیلیپی کلیسا را 3:14

هدفی آرَستِه را تَقلا بَکَم، تا جاییزَ ایی بَدَست بوعَم کن، خدا چَی خونِه بَمن مَسیح عیسی دِلَکا کَفا را خِلِه کَردَشَه.

نامَه فیلیپی کلیسا را 3:20

ایسَه اِمکن اَمه آستامونی شِنیمون و خداوند عیسای مسیح اینتظاریکامون کن ایلَه نیجات اَدَرَ.

اوّلین نامَه تَسالونیکی کلیسا را 2:12

اَمه هر کِرَمی شمَکا ایلَه بَه ایلَه تشیویق اَکَریمونَه، آلاوِنیمون و سیفارش اَکَریمون تا هَتَه کن خدا شَائنیکارَ زندَگی بکَرَ، کن بَشِمَه اِشتَن شکوه و جلال و پادیشا ایرا صَلال بَژَیَه.

اوّلین نامَه تیموتائوسیرا 4:12

مَرزِن هیچ کَس بَتِه اِشتِه جوانگیری خونه بَتِه گِچ بَحیساب بوعَرِ، بَسکم گَف ژِکا و کاریکا و موحبتیکا و ایمانیکا و پاجا بِه کا، گردِ ایماندارونرا سرمشق بب.

دِوُّمین نامَه تیموتائوسیرا 1:9

خدای کن اَمَش نیجات دوعَیه و موقدسَه زِندَگیرا خِله کردَشه. اِم چَمَه کارون خونه نییَه، بَسکم چَی اِشتَن فیضی و هَدَفی خونه اَ، کن مسیح عیسی دلَکا، دِنیا اَوَّلنَکا، اَمَش آدوعَیَه،

نامَه تیتوسیرا 3:14

بَرزِن چَمَه مردوم آموج بیگِن کن احتیاجون رَفع کردِرا بَشتن چاکَه کارون اَنجوم دوعِه وقف بکَن و بی بَرَ مبون.

نامَه تیتوسیرا 3:8

اِم گَفیَه کن بَبی بَی ایتماد کردِ و تِکا بَپیمه کن اِم چییون سَردِرِ ایصرار بداری، تا اَیِنی کن خداشون ایمان وَردیَه، هوش ببون کن بَشتن چاکَه کاریرا وقف بکَن. اِمِن گِردیرا چاکه و مِفَتَه.

نامَه، عِبرانیه نَتاجَه مسیحیونرا 12:14

بَرک تقلا بکرَ تا گردِ آدَمونَّه صلح و سلامتیکا بومونَه و موقدّس ببَه، اِمی خونه کن بی قودوسیت هیچ کس خداوندی نییَویند.

نامَه، عِبرانیه نَتاجَه مسیحیونرا 13:5

شمَه زندَگی پول دوستیکا رَت آکَرَ و اَ چیی ایکا کن هِستِرون قانع ببَه، اِمی خونه کن خدا واتشَه: «هرگز بَتِه وَر آنِمَدا، و بَتِه تاک آنیمَشت.»

یعقوبی نامَه 3:13

شِمَه دِلَکا کیَه کن اَلمَند و حکیم ببو؟ بَرزَ اَ اِشتَن چاکَه زندَگی کردِنَه اَمه آمونِه، اَ، اَ اعمالینه کن فروتنی نَه دَرِ و حیکمَتیکا سَرچشمه بَگَتی.

پطروسی اوّلین نامَه 2:12

شمَه کارِن بی ایمانون دِلَکا چاک ببو، تا اَیِنی کن شمَه زِرَبَرا گَف بَژَن کن شمه اَعمال بَدَ، شمه چاکَه کارون ویندِه خونه، روجیکا کن خدا بَویندیمون، بَی پرستش بِکَن.

پطروسی اوّلین نامَه 2:9

ولی شمَه اینتخاب بَه اودوم و کاهینِنی هِستیرون کن شاهانَه کَهانَت بَکرون. شمه موقدَسه میلَّت و مردومی هِستیرون کن خدا مِلکیرون، تا چَی چاکه صِفتون اییلام بکَرَ، کن بَشِمَه ظِلَماتیکا اِشتَن عجیبَه نوری طَرَف خِلِه کردشَه.

پطروسی اوّلین نامَه 3:16

اِشتَن ووژدانی پاجا غَم بَرَ، تا اَیِنی کن شمَرا ایفترا بَگتین، و اَیِنی کن شمه چاکَه رفتاری مَسیح دِلَکا بَد باتین، شرمندَ آبون.

پطروسی اوّلین نامَه 5:10

تلَکه زمانی رنج و عذاب بَردِ بَه دوملَه، پور فیضه خدا کن بَشِمَه مَسیح دلَکا خِلِه کردشَه تا چِی زَیرونه شکوه و جلالیکا شریک آبه، بَشِمَه هنی بَنا بَکی و آمبست و قودور و پایدار بَکیَه.

یوحنا اوّلین نامَه 3:3

هَر کَم بیکا اِنتَرَ اُمیدی بَداشتی، بَشتَن پاجا آرَکَرد، هَتَه کن اَ پاجا اَ.

یوحنا موکاشیفَه 3:7

«فیلادِلفیَه کلیسا فرشتَرا بِنوِس: «اَ کن حَقَّه و اَ کن قودّوسَه، اَ کن داوودی کلیدی بَداشتی، اَ کن آج آرَکَرد و دِ هیچ کَم نییَشا دبَستِه، و اَ کن درَبَست و هیچ کَم نییَشا آج آکَرِ، اِنتَرَ باتی:

یوحنا موکاشیفَه 4:8

هر کِرَم اَ چار گِله زند مخلوق شَش گلَه پَر دارین و چَوون دوور و حتی چَوون دلَکا چَمینَه پتلمَه بَه و شوانَه روج و یَژَن اَواجینه: «قدّوس، قدّوس، قدّوسَه خداوند، موطلَقه قادِرَ خدا، اَ کن بَه و هِستَه و بومیَه.»

یوحنا موکاشیفَه 6:10

اَیِن تَتَّه لَسَّنه سس اَدَرینَه و اَواجینه: «اَی خداوندی کن قادر و قدوس و حَقّیشَه، تا کَینی دیوون نیشَکرد و زَمینی آدَمونکا چَمَه خونی تقاصی وینیشَگَت؟»