پطروسی اوّلین نامَه 1:12 - کتاب مقدس به زبان تالشي - گویش مرکزی

¹² چَوونرا دیار آبَه کن نِه کم بَشتَن بَسکم بَشِمَه خیدمت اَکَرینَه، اَموقه کن اَ چییونی خونه گَف اَژَنینَه کن ایسَه چَوون خونه اِنجیلی پَیغوم اَوَرونکا دَنّرست، اَیِنیکا کن خدا موقدسَه روح خونه کن آستامونیکا عَندَشونَه، خَشه خَبری بَشِمَه آنَّدا. حتی فرشتَه اِن نی اِم چییون ویندِ طَمارزو بَداشتین.

کتاب مقدس به زبان تالشی شمالی

¹² اَوون را آشکار آبَه که نِه اِشتَن، بَلکَم شِمَه را خدمَت بَکَردین، اَ موقع که اَ چییونی درباره گَف ژَنین که حِسَه اَیی اِنجیلی پیغوم آوَرون کا دَرَسَه. اَوونی کا که روح القدسی واسطه نَه که آسِمونی نَه ویسا آبَه، اَ خوشَ خَوَری شِمَه را بَداین. حتی ملائیکَه اِن نی آرزو دارِن اَ چییون بِوینِن.

پطروسی اوّلین نامَه 1:12 Iomraidhean Croise

مَتّی 11:25

اَموقه عیسی واتش: « دَدَ، آستامون و زَمینی صاحیب، بَته شِکر بکَم کن اِم چییون اَلمندون و اَفَهمونکا نون آکَردَرَ و اَینیرا کن خِردَنون شیوارین دیار آکَردِر.

مَتّی 11:27

چمن دَدَ گردِ چیون چمن اِختیاریکا آنوعَشَه. هیچ‌ کَم زوعَه، دَدَ شیوار آنیَموست و هیچ‌ کَم دَدَ، زوعَه شیوار آنیَموست، و اَیِنی کن زوعَه بَپیستیَه، دَدَ اَوونرا دیار آکَرِ.

مَتّی 16:17

عیسی واتِش: «خَشی اِشتِه حالیرا اَی شَمعون، یونا زوعَه! اِمی خونه کن اینسان اِم حقیقتی تِرا دیار آنِکردَشَه، بَلکَم چمن آستامونیَه دَدَ تِرا دیار آکَردِش.

مَرقُس 16:15

و اَیِنِش واتَه: «دِنیا اِم سَر اَ سَریرا بِشَه و خدا پادیشایی خَشَه خَبری، گِردِ خَلایِقیرا اییلام بکَرَ.

انجیل لوقا 15:10

بَه شمَه باتیمَه: هنتَرَکه ایلَه گِناخکاری کن توبَه بَکَیَه، خدا فرشتَه اون دِلَکا خَشی بَبیَه.»

انجیل لوقا 2:26

خدا موقدسَه روح شَمعونیرا دیارآکَردَش بَه، تا خداوندی مسیح نِوینِه، نیَمَرد.

انجیل لوقا 9:6

پس اَیِن راه دَگِنِستین و آوادیی کا دییَرَ آوادی ایرا اَشینَه و هَمَه جِگا خدا پادیشاهی خَشَه خَبَری اییلام اَکَرینَه و آزاریون شفا اَدَرین.

یوحنا 15:26

«ولی وَقتی اَ دیفا اَکَر کن اَز اَی دَدَ طَرَفیکا شمَرا رَونَه آمَکَرد با، یعنی روح حَقیقت کن دَدَ طَرَفیکا بومَی، اَ اِشتَن چمن خونه شاهیدی دَرِ،

رَسولون اَعمال 10:44

پِطروس هَنوزَنی گَف دَرِ بَه کن خدا موقدسَه روح گِردِ اَیِنی کن پَیغومی دَرَرَسین سَر ویرمَه.

رَسولون اَعمال 16:10

وَقتی کن پولوس اِم رویاش ویندَ، جَخت مَقدونیَه را شیمون، اِمی خونه کن اطمینان پَیدا کَردَمون بَه خداوند اَمَش خِلِه کَردَ یَه تا انجیلی خَشَه خَبری اَوون بِدَرَم.

رَسولون اَعمال 2:33

عیسی خدا راستَه بالی طَرَفیراشون کفا بَردَ و اَ آستامونیَه دَدَکا، خدا موقدسَه روح کن وَعدَ آدوعَش بَه ویگَتِش و چَمه سَردِرِ ویکَردِش، هِم کن ایسَه بَویندیرون و کان دَرَستِه.

رَسولون اَعمال 4:31

چَوون دِوا کَردِ بَه دوملَه، جِگایی کن چَی دِلَکا گِرد آبَه بین لَرزِستَه و گِرد، خدا موقدسَه روح کا پَتلَمَه آبین وخِدا کَلامی شَهامَتینَه اَواجینَه.

رَسولون اَعمال 4:8

چَی بَه دوملَه پِطروس خدا موقدسَه روح کا پَتلَمَه آبَه، چَوون جوابیکا واتِش: «اَی قامی یالَه آدَمِن و ایسبیَه ریشِن،

رَسولون اَعمال 8:25

پِطروس و یوحنا، شاهیدی دوعِه و خداوندی کَلامی اییلام کَردِ بَه دوملَه، شهر اورشَلیمیرا ویگَردِستین و رادِلَکا خَیلی سامِرَ آوادیونکا اِنجیلی خَشَه خَبَری اییلام کردِشون.

رومی کلیسارا نامه 1:15

اِمی خاطِر، بَرک خَشیمَه کن اِنجیلی، بَشِمَرا نی کن رومیکا بَمَندیرون، اییلام بکَم.

رومی کلیسارا نامه 1:17

اِمی خونه کن اِنجیلی دِلَکا، اَ صالِح بِه ایی کن خدا شِنَه دیار آرَبن، کن شِروو کا تا آخیر ایمان داشتِه سَردِرِ آمبستَه. هَتَه کن حَبَقوق پَیغَمبَری کیتاویکا نِوِشتَه آبَه یَه کن: «صالیحَه آدَم ایمان داشتِه نَه زندَگی بَکَیَه.»

رومی کلیسارا نامه 10:15

و چِنتَه موعیظَه بِکَن، اَگَم اَوون مَینِن؟ هَتَه کن اِشعَیای پیغمبری کیتاویکا نِوِشتَه آبَه یَه: «چَدَ اَیِنی کن انجیلی خَشَه خَبری موعیظَه بَکنَه لِنگِن خاصین.»

رومی کلیسارا نامه 15:19

اَ اِمش، نِشونَه اون و مُعجیزَ اون اینجاری نَه، یعنی خدا روح خِنَرینَه اَنجوم دوعَشَه، هته کن اورشَلیمیکا تا شهر ایلیریکومیرا شیم، و مَسیح اِنجیلی خیدمتی کامیل اَنجوم آدامَه.

اوّلین نامَه قورَنتیانیرا 2:10

خدا اَی اِشتَن روح واسیطَنَه اِم چییون چَمرا دیار آکَردِش، چیرا کن خدا روح گِردِ چییون، حتی خدا اعماقی نی بَگَردستی.

دوومین نامه قرنتیانیرا 1:22

واِشتَن مُهری چَمه سَر ژَشه و اِشتَن روح، هنته بَیانه شیوار چَمَه دلونکاش آنوعَیَه.

دوومین نامه قرنتیانیرا 6:6

پاجا بِه نَه، دانایی نَه، صَبری نَه، مِربانی نَه، خدا موقدسَه روح نَه، خالیصَه موحبتینَه،

نامه غلاطیَه کلیسارا 1:12

اِمی خونه کن اَز اَی هیچ اینسانیکا ویگَتم نی، و کَسی نی اَی بَمن آموج آنِداشَه؛ بَسکَم اَی، عیسای مَسیح مِرا دیار آکَردِش.

نامه غلاطیَه کلیسارا 1:16

اِشتَن زوعَه، چمن دلَکا دیار آکَرِ تا غَیرِ یَهودیون دِلَکا بَی اییلام بِکَم، اَ موقه کا جندَکینَه و خونینَه گَفَه ژِنَه نِکَردِم،

نامَه اَفسوسی کلیسارا 3:10

تا ایسَه کلیسا واسیطنَه خدا موختَلیفَه حیکمَتِن، و قودرَتونرا و رَئَیسونرا، آستامونیَه جگا اونکا دیار آبو.

اوّلین نامَه تَسالونیکی کلیسا را 2:9

چون شمَه اَی برا اِن شمَه، حَییقتا چَمَه زَمت و عذابی یادیکا هِستِرون، کن شَو و روج کار اَکَریمونه تا اَموقه کن خدا اِنجیلی شمَرا موعیظَه بکَمون، کَسیرا سربار نِبَم.

اوّلین نامَه تیموتائوسیرا 3:16

واقییَن کن دینداری راز بَرک یالَه: اَ جندَکی دَلکا اَیر آبَه، خدا روح واسیطَنه تصدیق به، فرشتَه اِن اَشون ویندَ، قامونرا اییلام بَه، دِنیا دلَکا بَشون ایمان وردَ، و شکوه و جلاینَه، کَفاراشون بردَ.

نامَه، عِبرانیه نَتاجَه مسیحیونرا 11:13

اِمِن گرد ایمان داشتِه دلَکا مَردین، بی اِمکن وعدَاِنِشون ویگَته ببو، ولی اَیِن دوریکا ویندَشون بَه و اَیِنشون سلام کردَ. و قِبولِشون کردَ کن زَمینی سَردِرِ، خَلکین.

نامَه، عِبرانیه نَتاجَه مسیحیونرا 2:4

هَته کن خدا نی، موختلیفَه نشونَه اون و عَجیبَه موعجیزَاونَّه، و روح القدوسی عطا اونَّه، کن اِشتَن ایرادَ طِبق اَوون آرَدا، اَ نیجاتیرا شاهیدی داشَه.

نامَه، عِبرانیه نَتاجَه مسیحیونرا 4:2

اِمی خونه کن اَمَرا نی هنته چَوون شیوار خشَه خبر آرَستَیَه. ولی اَ پیغومی کن اَیِن درَستِشون، چَوونرا بَرَ ایی نِداری، اِمی خاطر کن چَی درَستِه موقه ایمانینَه گوشِشون نِدوعَه.

پطروسی اوّلین نامَه 1:25

ولی خداوندی کَلام زَیرون بمَندی.» و اِم کَلام، اَ خشه خبرَ کن شِمرا اییلام آبه.

پطروسی اوّلین نامَه 4:6

چون اِمی خاطِرَ کن انجیل حتی اَیِنیرا کن مردَ اینَه، موعیظَه آبَه، تا هر چَنَه جندَکیکا آدَمونَّه دیوون بینَه، ولی روح دِلَکا هَتَه کن خدا بَپیشَه زندَگی بِکَن.

یوحنا موکاشیفَه 5:11

چَی بَه دوملَه دَیَسیم کردَ و برکَه فرشتَه اون سَسِم درَسته کن اَ تخت و اَ زندَ مخلوقِن و اَ پیرون دوورِشون کردَ به. چَوون تیعدا کاولَه کاولَه و هَزاران هَزار گِلَه بینه.