پطروسی اوّلین نامَه 1:11 - کتاب مقدس به زبان تالشي - گویش مرکزی

¹¹ اَیِن تقلا اَکَرینَه سَر آگِنن هَنگومی کن مسیح روح چَوون دِلَکا، مَسیح عذابن و شکوه و جَلالونکا، کن چی بَه دومله آی و پیشگویی اَکَریَه، چیکیرا و کِرَم زمانی آمونییَه.

کتاب مقدس به زبان تالشی شمالی

¹¹ اَوِن تَقَّلا بَکَردین بِفهمِن وختی که مَسیح روح چَوون دیلَه کا مسیح جَلالون و عذابون که چَیی پَش بومیَ، پیشگویی بَکَردی، کِی یا چِه زمانی نیشون بَدای.

پطروسی اوّلین نامَه 1:11 Iomraidhean Croise

مَتّی 26:24

اینسانی زوعَه را، هَته کن چَی خونِه موقدسَه نِوشتَه اونکا نِوشتَه بَیَه اَنجوم بَبی، ولی برامِه اَ کَسی حالیرا کن چَی خَیانَتی خونه اِم ایتفاق اینسانی زوعَه سَردِرِ با. چَیرا بِیتَر بَه کن هَرگز دِنیا مَعای.»

انجیل لوقا 24:44

چَی به دوملَه اَیِنِش واتَه: «اِمِن چمن گَفِه اینَه کن وَقتی هَنوزَنی شِمنه بیمَه، شِمَم واتَه؛ کن گِردِ چییِنی کن چمن خونِه موسی شَریعَتیکا و پَیغَمبَرون نِوِشتَه اونکا و داوودی کیتاو زَبوریکا نِوِشتَه آبَه یَه پی اَنجوم ببو.»

یوحنا 12:41

اِشعیا اِ پَیغَمبَر اِمی خونه اِم چییِنِش واتَه کن، عیسی جلالی ویندِشَه و چَی خونه گَف ژِشَه.

رَسولون اَعمال 16:7

وَقتی میسیَه منطقَه را آرَستین، تقلاشون کردَ بیطینیَه را بِشون، ولی عیسی روح اَیِنِش ایجازَ آنِداشَه.

رومی کلیسارا نامه 8:9

ولی جندَک شِمَه سَریکا حِکم نییکَرد، بَسکَم خدا روحَه کن شمَه سَردِرِ حِکم بکَیه، اَلبَت اَگَم خدا روح شِمَکا ببو. کَسی مَسیح روح مَدارِ، اَ، مَسیح شِن نیَه.

نامه غلاطیَه کلیسارا 4:6

پس وَقتی کن شمه خِردَنِنیرون، خدا اِشتَن زوعَه روح، چَمَه دِلون دلَکا آناشَه کن سَس آرَدا «اَبّا، دَدَ.»

پطروسی دومین نامه 1:21

اِمی خونه کن هیچ پیشگویی اینسانی ایرادَنَه آمَه نیه، بَسکم آدَمِن خدا موقدسَه روح واسیطنَه خدا طَرَفیکا گَف ژَشونه.

یوحنا موکاشیفَه 19:10

چَی بَه دومله چَی پابِن برگِنِستیم تا بَی پرستِش بکَم. ولی بَمِنش واتَه: «انترَ مکه! اِمی خونه کن اَز تِنَه و اِشتِه برا اونَّه کن عیسی شهادتیکا آچیکه این، هم خیدمتیم. خدا پرستش بکَه!» اِمی خونه کن عیسی شهادت، پیشگویی روحَه.»