یوحنا اوّلین نامَه 4:6 - کتاب مقدس به زبان تالشي - گویش مرکزی

⁶ اَمه خدا شِنیمون و کَسی کن خدا آزنِه، اَمه گوش آرَدا؛ ولی اَ کن خدا کا نیَه اَمه گوش آنیَدا. اَمه، حییقتی روح و دِروعه روح، اِنتَرَکِه بَشامون آزنِستِه.

کتاب مقدس به زبان تالشی شمالی

⁶ اَمَه خِدا کا ایمونه. کسی که خِدا آزونِه، چَمَه گفون گوش بَدای؛ اَ کسی که خِدا کا نییَه، چَمَه گفون گوش نیمَدای. اَمَه، حقیقتی روح و دوروع روح اِنتَه آزونَم.

یوحنا اوّلین نامَه 4:6 Iomraidhean Croise

انجیل لوقا 10:22

چمن دَدَ گردِ چیون چمن اِختیاریکا آنوعَشَه. غَیراَز دَدَ کَسی زوعَه آنیَموست، و کَسی دَدَ آنیَموست، غَیر اَز زوعَه و اَ آدَمِنی کن زوعَه اینتخاب بکَرِتا دَدَ چَوونرا دیار آکَرِ.»

یوحنا 10:16

دییَرَ پَسِنی دارم کن اِم گاچیکا نینَّه. اَوون نی پی بوعَرم و اَیِن چمن سَسی گوش آنَّدا. اَموقه اَیِن ایلَه رَمه آنَّب، ایلَه شونه نَه.

یوحنا 10:27

چمن پَسِن چمن سَسی گوش آنَّکَرد؛ اَز اَوون آمَموست و اَیِن چمن دوملَه بومَن.

یوحنا 10:3

دربون، بَرَنگا چَیرا آج آرَکَرد. پَسِن چَی سَسی گوش آدرن و اَ اِشتَن پَسون نومینه خِلِه بَکَی و اَوون بِرِن بَبردی.

یوحنا 13:20

حَییقتا بَه شمَه باتیمَه، هر کم اَ کَسی کن من عَندَیَه قِبول بِکَر، بَمن قبول بَکَی، و هر کَم بَمن قِبول بکَرِ، اَ کن بَمن روَنه آکردشَه قِبول بَکَی.»

یوحنا 14:17

اَ دیفا اَکَر، روح حَقیقَتَه کن خدا روحَه. دِنیا نیَشا اَی قِبول بکَرِ، اِمی خونه کن نِه اَی بویندی و نِه بَی آزنِه؛ ولی شمه اَی آزنَه چیرا کن شمَنَه بَمندیَه و اَ شمَه وِجودیکا بَبیَه.

یوحنا 15:26

«ولی وَقتی اَ دیفا اَکَر کن اَز اَی دَدَ طَرَفیکا شمَرا رَونَه آمَکَرد با، یعنی روح حَقیقت کن دَدَ طَرَفیکا بومَی، اَ اِشتَن چمن خونه شاهیدی دَرِ،

یوحنا 16:13

وقتی کن روح راستی کن هَه خدا روحَه با، اَ بَشِمَه بَه گِردِ حَقیقت هیدایَت بَکَیه؛ اِمی خونه کن اَ اِشتَن بَسَر گَف نیَژ، بَلکَم اَچیی کن دَرَرست باتیَه و اَ چیی ایکا کن آیَندَکارَ و اَنجوم بَه نی بَشمَه باخَبر بَکَیه.

یوحنا 18:37

دومله پیلاتُس اَیکَا دَپرسِستَه؟ «پس تِه ایله پادیشاهیشَه؟» عیسی جواب داشَه: «تِه اِشتَن باتیش کن اَز ایله پادیشاهیمه. اَزاِمی خاطر دِنیا آمَه ایمَه و اِم هَدَفی خونه اِم دِنیا دِلَرا آمیمَه تا حییقتی خونه شاهیدی بِدَرم. پس هر کم کن حییقَتی شنهَ چمن سَسی گوش بدَرِ.»

یوحنا 20:21

عیسی هَنی اَیِنِش واتَه: «سلام بر شمَه! هَته کن دَدَ بَمن رونه آکردشَه، اَز نی شمَه رَونَه بَکَم.»

یوحنا 8:19

اَموقه عیسی کا دَپَرسستین: «اِشتِه دَدَ کرَم جگاکارَ؟» عیسی جواب داشه: «شِمَه نه بَمن آزنَه و نه چمن دَدَ. اَگَم بَمن آرَزنیرون چمن دَدَ نی آزنیرون.»

یوحنا 8:23

عیسی اَیِنِش واتَه: «شمه زَمینی شِنینه از آستامونی شِن. شمه اِم دِنیا شِنینَه، اَزاِم دِنیا شِن نیمَه.

رومی کلیسارا نامه 1:1

مَسیح عیسی وَزییَر، پولوسی طَرَفیکا، کن رِسالَتیرا خِلِه آبَه یه و خدا اِنجیلیرا وَقف آبَه یَه؛

رومی کلیسارا نامه 11:8

هَتَه کن موقدسَه نوشته اونکا نِوِشتَه آبَه یَه کن : «تا بَه اُمروج خدا، سِستَه روح، اَوون آداشَه و چَمِنی کن نینَّشا ویندِ و گوشِنی کن نینَّشا دَرَستِه.»

اوّلین نامَه قورَنتیانیرا 14:37

اَگَم کَسی بَشتن پَیغمبَر یا آدَمی بموستی کن خدا روح بَداشتیَه، اَ پیی تایید بکَرِ کن اَ چیی ایی کن شمَرا بَنوِشتیم حِکمیَه کن خدا طَرفیکارَ.

دوومین نامه قرنتیانیرا 10:7

دیَسَه و بوینَه کن شمَه چَمی نَکا چِه چییَه، اَگَم ایی نفر ایتمینان بَداشتی کن مسیح شِنَه، اَ آدَم پی بِزنِه هته کن اَ مسیح شنِه اَمه نی مَسیح شِنیمون.

دوّمین نامَه تَسالونیکی کلیسا را 1:8

کولوستارَ آرا دلَکا اَ خدانشناسون و اَیِنی کن چَمه خداوند عیسی اِنجیلیکا نافِرمونی اَکَرینَه، تَقاص ویرَگت.

اوّلین نامَه تیموتائوسیرا 4:1

ولی خدا روح، دیار باتیَه کن آخر زَمانیکا بَعضییِن بَشتن، گول اَژنَه روحونکا و پَریانون آموجی وَقف بَکنه و ایمانیکا آنَّگردِست.

پطروسی دومین نامه 3:2

تا اَ کلامی کن موقدَسه پَیغمبَرن چیمی بَه نَه واتَشون بَه، و چَمه خداوند و چَمه نیجات اَدری حِکم کن رسولون واسیطنه شِمَشون دوعَیَه، یاد آرَفنَه.

یوحنا اوّلین نامَه 4:1

اَی خاجَتیِن، هر روحی باوَر نِکَرَ، بَسکَم اَوون وَرداوَرد بکَرَ کن خدا شِنینَه یا نِه. اِمی خونه کن وِرَ دِروعَه پَیغمبَرِن دِنیاکا هِستین.

یوحنا اوّلین نامَه 4:4

اَی گچه خِردَنِن شمه خدا کا هِستیرون و چَوون سَر پیروز آبه ایرون، چون اَ کن شِمَه دِلَکارَ، دِنیا مَندَ چیی کا یالترَ.

یوحنا اوّلین نامَه 4:8

اَ کن موحبَت نیَکَرد، خِداش آزنِستَش نییَه، اِمی خونِه کن خدا مُحبَتَه.

یوحنا اوّلین نامَه 5:19

اَمه بَموستیمون کن خدا کا هِستیمون و گِرد دِنیا اَ آوشَری زبقی بِنیکارَ.

یهودا نامه 1:17

ولی شمَه اَی خاجَتی اِن، چَمَه خداوند، عیسی مسیح پَیغَمبرون پیشگویی یاد آرَفنَه