یوحنا اوّلین نامَه 4:4 - کتاب مقدس به زبان تالشي - گویش مرکزی

⁴ اَی گچه خِردَنِن شمه خدا کا هِستیرون و چَوون سَر پیروز آبه ایرون، چون اَ کن شِمَه دِلَکارَ، دِنیا مَندَ چیی کا یالترَ.

کتاب مقدس به زبان تالشی شمالی

⁴ اِی روکَه خِردَنِن، شِمَه خِدا کا ایرونه و اَوون اَفجور بَیرونه، چوم اَیی که شِمَه دیلَه کا یَه، اَیی کا که دنیا کا یَه، یالتَرَه.

یوحنا اوّلین نامَه 4:4 Iomraidhean Croise

یوحنا 12:31

ایسَه، اِم دِنیا سَر دیوون کَرد وَقتَه؛ ایسَه اِم دِنیا رَئیس کن شَیطونَه بِرِن بَنَّفند.

یوحنا 14:30

دِ شِمَنه گَف ژِرا فرصَتی مَندَ نی، اِمی خونِه کن اِم دِنیا رَئیس کن شَیطونه کا آمِه. اَ هیچ زِبقی چمن سَردِرِ نِدارِ؛

یوحنا 16:11

و دیوون کَردِ خونه، اِمی خاطر کن اِم دِنیا رَئیس کن شَیطونه محکوم آبَه یَه.

یوحنا 17:23

اَز چَوون دلَکا و تِه چمن دلَکا تا اَیِن کامیلاً ایلَه آبون تا دِنیا بِزنِه کن ته بَمن رَونَه آکَردَرَ،و هَتَه کن بَمن رَی داری اَوون نی رَی بَداشتیش.

رومی کلیسارا نامه 8:31

پس گِردِ اِم چییون نَ کا چِه بَشامون واتِه؟ اَگَم خدا اَمَنَه دَرِ، کیَه کن بِشا چَمَه زِرَبَرا ببو؟

رومی کلیسارا نامه 8:37

نِه، چَی واسیطَنه کن اَمَش موحبَت کَردَ، گِردِ اِم کارونکا، اَمه، اَیِنی کا کن پیروزین، کَفاتَریمون.

اوّلین نامَه قورَنتیانیرا 2:12

ایسَه اَمه اِم دِنیا روح ویگَتَمون نی، بَسکَم خدا روحِمون ویگَتَیَه، تا اَ چیی ایی کن خدا اَمَش خلا دوعیَه، بِزنَم.

اوّلین نامَه قورَنتیانیرا 6:13

باتین: «هَردَ چیی لَوَرا یَه و لَوَ هَردَ چیرا، و خدا، هِم اِمی و هِم اَی نیفیت آرَکَرد.» تَن بی عیفتیرا نییَه، بَسکَم خداوندی شِنَه و خداوند نی تَنی شِنَه،

دوومین نامه قرنتیانیرا 4:4

اِم زَمونه خدا بی ایمانون فکری کورآکَردَشه تا مسیح اِنجیلی شکوه و جلالی نوری کن خدا صَفَتَه، نِوینِن.

دوومین نامه قرنتیانیرا 6:16

خدا معبد و بُتونرا چِه سلوکتی هِستَه؟ اِمی خونه کن اَمه زندَ خدا مَعبَدیمون. هَتَه کن خدا تورات و پیغمبرون کیتاویکا باتی: «اَز چَوون دِلکا زندَگی بَکمَه و چَوون مینَکا گَل بژَمَه، و اَز چَوون خدا بَبیمَه و اَیِن چِمِن قام بَبینَه.»

نامَه اَفسوسی کلیسارا 2:2

و زمانی چَوون دِلکا زندَگی اَکَریرون، اموقه کن اِم دِنیا راه اونکا و هوا زبقی رئیسیکا، یعنی اِبلیسییکا پیروی اَکَریرون، هه روحیکا کن هِم ایسَه نی نا فِرمونی خِردَنونکا عمل بَکَی.

نامَه اَفسوسی کلیسارا 3:17

تا ایمان داشتِه واسیطنَه مسیح شمَه دلونکا بومونِه و موحبَتیکا ریشَه بژَنه، و آمبَست آبَه،

نامَه اَفسوسی کلیسارا 6:10

آخیر بَسَر خداوندیکا و اَ زبقیکا کن چَی خِنَریکا آ، قودور آبَه.

یوحنا اوّلین نامَه 2:1

چمن گِچَه خردَنن، اِم چییون شِ‍مَرا بَنوشتیم تا گِناخ نِکَرَ. ولی اَگَم کَسی گِناخی کَردِشَه، دَدَ وریکا ایی نفر هِسته کن چَمَه شیفاعتی بکرِ، یعنی عیسی مَسیحِه صالح.

یوحنا اوّلین نامَه 2:13

اَی دَدَ اِن، شِمَرا بَنوِشتیم، چون اَ کن شِروو کا بَه، آزنِستَرون. اَی جَوانِن، شِمَرا بَنوِشتیم، اِمی خونِه کن اَ آوشَری سَردِرِ پیروز آبَه اینَه. اَی خِردَنِن، شِمَرا بَنوِشتیم، اِمی خونِه کن دَدَ آزنِستَرونَه.

یوحنا اوّلین نامَه 3:20

چون هر وَقت چَمَه دِل اَمه مَحکوم بکَرِ، خدا چَمَه دِلونکا یال تَرَ و گِردِ چیون بَموستی.

یوحنا اوّلین نامَه 3:24

هَر کَمی خدا حِکمونکا ایطاعَت بَکَی، خدا دِلَکا بَمَندی و خدا بَیکا بمندی. اَ روح واسیطنَه کن اَمش بخشِسته یهَ، اَ جِگا کا بَموستیمون کن اَ چَمه دِلَکارَ.

یوحنا اوّلین نامَه 4:13

اِم جِگاکا بَموستیمون کن چَی دِلَکا بَمَندیمون و اَ چَمَه دِلَکا، اِمی خونه کن اِشتَن روحکا اَمَش آدوعَیَه.

یوحنا اوّلین نامَه 4:16

پس اَمه محبَتی کن خدا چَمَه سَر دارِ آموستَمونَه و بَی باور دارَم. خدا مُحَبَتَه و کَسی کن مَحبَتیکا بومونِه، خدا دِلَکا بَمَندی و خدا چَی دِلَکا.

یوحنا اوّلین نامَه 4:6

اَمه خدا شِنیمون و کَسی کن خدا آزنِه، اَمه گوش آرَدا؛ ولی اَ کن خدا کا نیَه اَمه گوش آنیَدا. اَمه، حییقتی روح و دِروعه روح، اِنتَرَکِه بَشامون آزنِستِه.

یوحنا اوّلین نامَه 5:19

اَمه بَموستیمون کن خدا کا هِستیمون و گِرد دِنیا اَ آوشَری زبقی بِنیکارَ.

یوحنا اوّلین نامَه 5:4

اِمی خونِه کن هر کَم خدا کا دِنیا آمَه ببو، دِنیا سَردِرِ پیروز آرَب. چَمَه ایمان، اَ بَردِ ایی اَ کن دِنیا سَر پیروز آبَه یَه.

یوحنا موکاشیفَه 12:11

اَیِن وَرَ خونینَه و اِشتَن شاهیدی کلامینه، چَی سَردِرِ پیروز آبین. اِمی خونه کن حتی تا مَردِ موقه، اِشتَن جانی خاجَتی نَزنینَه.