یوحنا اوّلین نامَه 4:2 - کتاب مقدس به زبان تالشي - گویش مرکزی

² خدا روح اِنتَرَ آزنَم: هر روحی کن ایقرار بکَرِ عیسی مسیح، ایلَه اینسانی جندکیکا آمَه، خدا کارَ.

کتاب مقدس به زبان تالشی شمالی

² خِدا روح، اِنتَه آزونَم: هَر روحی که اِقرار بِکَرِه عیسی مسیح آدَمی جِسمی دیلَه کا اومَه، خِدا کا یَه.

یوحنا اوّلین نامَه 4:2 Iomraidhean Croise

یوحنا 1:14

کلمه اینسان آبَه و چَمَه دلَکا مَندَ. واَمه چَی شکوه و جلالی ویندَمونَه، شکوه و جلالی شایستَه اِ، اَ، تاکَه زوعَه کن دَدَ طَرَفیکا آمَه، اَ فیض و حَییقتینَه پَتلَمه بَه.

اوّلین نامَه قورَنتیانیرا 12:3

پس بَشِمَه باتیمَه کن هَرکَم خدا روح واسیطنَه گَف بژَنه، هرگز عیسی لَنَت نییَدا، و هیچ کَم غَیراَز خدا موقدسَه روح واسیطَنه نییَشا بواجه: «عیسی خداوندَ.»

اوّلین نامَه تیموتائوسیرا 3:16

واقییَن کن دینداری راز بَرک یالَه: اَ جندَکی دَلکا اَیر آبَه، خدا روح واسیطَنه تصدیق به، فرشتَه اِن اَشون ویندَ، قامونرا اییلام بَه، دِنیا دلَکا بَشون ایمان وردَ، و شکوه و جلاینَه، کَفاراشون بردَ.

یوحنا اوّلین نامَه 1:2

زندَگی اَیر آبه؛ و اَمه اَی ویندَمونَه و چَیرا شاهیدی آمونَدا. اَمه زَیرونَه زندَگی شمَرا اییلام بَکَمون، هه زَیرونه زندَگیی ایی کن دَدَ نَه دَرِ بَه و چَمَرا اَیر آبَه.

یوحنا اوّلین نامَه 2:23

هَر کَم زوعَه حاشا بکَرِ، دَدَ نی نِدارِ و هَر کَسی زوعَه اِیقرار بکَرِ، دَدَ نی بداشتی.

یوحنا اوّلین نامَه 4:15

اَ کن ایقرار بَکَی عیسی خدا زوعَه یَه، خدا چَی دِلَکا بَمَندی و اَ خدا دِلَکا.

یوحنا اوّلین نامَه 4:3

و هر روحی کن عیسی ایقرار نیَکَرد خدا کا نیَه، بَسکَم هَه ضد مَسیحَه روحه کن دَرَستَرونَه آ، و ایسَه نی دِنیا کارَ.

یوحنا اوّلین نامَه 5:1

هَر کَم ایمان دارِ عیسی هَه وعدَ دوعَه مَسیحَه، خدا کا دِنیا دَگنسته یَه؛ هَر کَم دَدَ رَی بَداشتی، چَی خِردَنی نی رَی بداشتیه.

یوحنا دوّمین نامَه 1:7

اِمی خونه کن بَرکَه حیلَه بازِنی دِنیا کا مَندین، کن عیسی مسیح آمِه اینسانی جندکی دِلَکا ایقرار نینَّکَرد. اِنتَرَ کَسِن، هَه ضد مَسیح و حیلَه بازِنینَه.