یوحنا اوّلین نامَه 3:2 - کتاب مقدس به زبان تالشي - گویش مرکزی

² اَی خاجَتیِن، ایسَه خدا خِردَنِنیمون، ولی اَ چیی ایی کن بَبیمون هَنوزَنی دیار آبَه نیَه. ولی بَموستیمون اَموقه کن اَ اَیر آبو، چَی شیوار بَبیمون، چون بَی هَتَه کن هِستَه، بَویندیمون.

کتاب مقدس به زبان تالشی شمالی

² اِی عَزیزِن، حِسَه اَمَه خِدا خِردَنیمونه، و اَ چیی که قَرارَه بِبَم حَلا آشکار آبَه نییَه. امّا بَزنیمون اَ موقع که اَ ظهور بِکَرِه، چَیی شیوار بَبیمون، چوم اَیی هَتَه که اِستَه بَویندیمون.

یوحنا اوّلین نامَه 3:2 Iomraidhean Croise

مَتّی 5:8

خَشی پاجا اَ دِلون حالیرا، اِمی خونه کن اَیِن خدا بَویندینَه.

انجیل لوقا 17:30

اَ روجی کن اینسانی زوعَه ظهور بَکَی نی، اِنتَر آرَبن.

انجیل لوقا 20:36

اِمی خونه کن اَیِن دِ نینَّشا مَردِ، اِمی خاطر کن اَیِن فرشتَه اونَّه بَرابرینَه. اَیِن خدا خِردِنِه اینیَه، اِمی خونه کن قَیامَتی خِردَنینَه.

یوحنا 1:12

ولی بَه گردِ اَیِنی کن بَی قِبول کَردِشون، اِم حَقی داشه کن خدا خَردنون آبون یعنی هر کمی کن چَی نومی ایمان وردِشَه،

یوحنا 11:52

عیسی بَمَردیَه ولی نه تاکَه قامی خونِه، بَسکَم تا خدا خِردَنون کن دِنیا گِردِ جِگا اونکا ولاخ آبَه اینَه ایی جِگا کا گِرد آکَرِ و اَوون یَکی آکَرِ.

یوحنا 17:24

اَی دَدَ، بَپیمه اَیِنی کن تِه بَمن بَخشستَرَ بَمنَه ببون، هَه جگاایکا کن اَز هِستیم، تا چمن جلالی دَیَسن جلالی کن تِه بَمن دوعَرَ، اِمی خونِه کن تِه دِنیا شروو بِه بَه نَ، بَمن رَی داریشَه.

رومی کلیسارا نامه 8:16

و خدا روحْ اِشتَن، چَمه روح خونه شاهیدی دَرِ کن اَمه خدا خِردَنِنیمون.

رومی کلیسارا نامه 8:18

چمن نَظَرینَه، اِم زَمانَه عذابن، اَ شکوه جَلالی موقایسَه نَه کن اَمَکا دیارآرَبِن، هیچَه.

رومی کلیسارا نامه 8:19

اِمی خونِه کن خیلقَت گِردِ اِشتَن اِشتیاقینَه خدا زوعَه اون اَیر آبِه، مونتَظیرَ.

رومی کلیسارا نامه 8:29

چون اَیِنی کن خِداشون نارتَر آزنِستَه، چیمی بَه نَه اَیِنِش تَیین کَردَ تا چَی زوعَه شیوار آبون، تا اِنترَکه مسیح، وِرَ برااون دِلَکا اولین خردَن ببو.

اوّلین نامَه قورَنتیانیرا 13:12

چون اَ چیی ایی کن ایسَه کامون ویندِ، هِنتَه آوَینَه دلَکا عَکسی شیوارَ؛ ولی زَمانی آرَرَست کن اِشتَن نَ کا بَویندیمون. ایسَه چمن دانایی ناچیزَ؛ ولی زَمانی آرَرَست کن کامیل بَزنیم، هَتَه کن خدا، چمن خونه کامیل گِردِ چییون بَزنییَه.

اوّلین نامَه قورَنتیانیرا 15:49

و هَتَه ایی کن خاکیَه اینسانی صَفَتی بَشتَنکا گَتِمون، آستامونیَه اینسانی صَفَتی نی بَشتنکا بَگَتیمونَه.

اوّلین نامَه قورَنتیانیرا 2:9

هَتَه کن اِشعَیای پَیغمبری کیتاویکا نوشته بَیَه: «اَ چیی ایی کن هیچ چَمی نِویندِشَه، هیچ گوشی دَرَستَش نی، و هیچ فِکریرا آرَستَه نی، خدا اَیِنیرا کن اَوون رَی بَداشتی آمادَ آکَردَشَه.»

دوومین نامه قرنتیانیرا 3:18

و اَمه گِرد بی نیقابَ صَفتینَه، خداوندی شکوه وجَلالی، هَتَه کن آوَینَه ایکا، دَیسَم، هَه شکلی شیوار، جلالیکا دییَرَ جلالیرا کن ویشتَر آرَب عوَض آمونَب؛ و اِم خِداوندیکا شِروو بَبی کن، روحه.

دوومین نامه قرنتیانیرا 4:17

اِمی خونه کن چَمَه اِم گِچو زو دَیوَرَ رنجِن، اَمَرا ابَدیَه شکوه و جَلال بوعَردی کن اَ رَنجونَّه سَر نییَه.

نامه غلاطیَه کلیسارا 3:26

اِمی خونه کن مسیحْ عیسی دِلَکا، شِمَه گِرد ایمانی خونِه، خدا زوعَه اِن هِستیرون.

نامه غلاطیَه کلیسارا 4:6

پس وَقتی کن شمه خِردَنِنیرون، خدا اِشتَن زوعَه روح، چَمَه دِلون دلَکا آناشَه کن سَس آرَدا «اَبّا، دَدَ.»

نامَه فیلیپی کلیسا را 3:21

اَ، اَ خِنَرینَه کن بَی زبق آرَدا تا گردِ چییون اِشتَن فِرمون آکَرِ، کن چَمَه ذلیلَه تَنی، عَوَض آرَکَرد تا هنته چَی شکوه و جلال گَتَه تَنی شیوار آبَم.

نامَه کُولُسی کلیسا را 3:4

وقتی مسیح کن شمَه زندَگییَه، اَیر آبو، چَی به دوملَه شمَه نی بَینَه شکوه جَلالینَه اَیر آنَّب.

نامَه، عِبرانیه نَتاجَه مسیحیونرا 9:28

پس مسیح نی کن ایکرَ قربونی بَه تا خَیلیون گناخی نیفیت بکرِ، دوومین کرَرا آ، ولی نِه اِمی خونه کن گناخون نیفیت آکرِ، بَلکَم تا اَیِنی کن ایشتیاقینَه چَی چَم بَرا این، نیجات دوعِه را.

پطروسی دومین نامه 1:4

کن اِم چییون واسیطنه اِشتَن یال و با اَرزِشَه وعدَ اون اَمَش بخشِستَیَه، تا چَوون واسیطنَه ایلاهییَه طبیعتیکا شریک آبَه و اَ فیسادیکا کن هوا هوسی خونه دِنیا دلَکارَ، برَخَه.

یوحنا اوّلین نامَه 2:28

پس ایسَه، اَی خِردَنِن، اَیکا بومونَه تا اَموقه کن اَ، اَیر آبو و اِطمینان بِدارَم و چَی آمِه موقِه اَیکا شَرمَندَ آنِبَم.

یوحنا اوّلین نامَه 2:7

اَی خاجَتییِن، اَز، ایله تازَ حِکمی شِمَرا نِمَه نوشت، بَسکَم هه قَدیمَه حِکمی کن اَوَلیکا داشتَرون. اِم قَدیمَه حِکم، هَه کلامیَه کن دَرَستَرون.

یوحنا اوّلین نامَه 3:1

بِوینَه دَدَ چنه اَمَش موحبت کردَ، تا اَمه خدا خِردَنِن خِلِه بِکَن! و اِنتَرَ نی هِستیمون! اِمی خاطِرَ کن دِنیا اَمه آنییَموست، اِمی خونه کن بَی آنییَموست.

یوحنا اوّلین نامَه 3:10

خدا خِردَنِن و شَیطونی خِردَنِن اِنتَرَکِه دیار آنَّب: هر کَم اَ چیی ایی کن دِرستَه اَنجوم نِدَرِ خداکا نییَه و هنته نی اَ کن اِشتَن برا رَی نِدارِ، خدا کا نیَه.

یوحنا اوّلین نامَه 3:21

اَی خاجَتییِن، اَگَم چَمَه دِل، اَمه مَحکوم نِکَرِ، خدا حِضوریکا اِطمینان دارَم؛

یوحنا اوّلین نامَه 5:1

هَر کَم ایمان دارِ عیسی هَه وعدَ دوعَه مَسیحَه، خدا کا دِنیا دَگنسته یَه؛ هَر کَم دَدَ رَی بَداشتی، چَی خِردَنی نی رَی بداشتیه.

یوحنا موکاشیفَه 2:28

و اَز بَی صِبَه اِسترَ آمَدا.

یوحنا موکاشیفَه 22:4

اَیِن چی صفتی بویندینه. چَی نوم چَوون پوشنوکا بمندییَه.