یوحنا اوّلین نامَه 3:17 - کتاب مقدس به زبان تالشي - گویش مرکزی

¹⁷ ولی اَگَم کَسی دِنیا مال و مَنالیکا بِدارِ و اِشتَن برا دَس دَریس بِه بِوینِه، ولی اِشتَن رحمی بَیکا دریغ بکرِ، چِنتَرَ خدا موحبت اِنتَرَ آدَمیکا بَمَندیَه؟

کتاب مقدس به زبان تالشی شمالی

¹⁷ امّا اَگم ایی نفر دنیا مال و مَنالی بِداره و بِوینَه چَیی بِرا محتاجَه، با اِم حال اِشتَن دیلی بَری چَیی دیمی کا دَوَندِه، چِنتَه خِدا محبت اِنتَه رَه آدَمی دیلَه کا بَمَندی؟

یوحنا اوّلین نامَه 3:17 Iomraidhean Croise

انجیل لوقا 3:11

یَحیا چَوون جَوابیکا واتِش: «اَ کن دِ گِله شَویی دارِ ایلَه شَوی، اَ کن نیشَه بدَرِ و اَ کن هَردَ چی دارِ نی اِنتَرَ بکَرِ.»

دوومین نامه قرنتیانیرا 8:9

اِمی خونه کن چَمه خداوند عیسی مسیح فِیضیکا باخَبَریرون کن هر چَنَه دولتمند بَه، شمِه خونه دَسدَریس آبَه تا شمَه چَی دَسدَریسیکا دولتمند آبَه.

نامَه، عِبرانیه نَتاجَه مسیحیونرا 13:16

چاکی کردِکا و دییرَ کَسون شریک کردِ شمَه داشتَه چییونکا غیفلت نِکَرَ، اِمی خونه کن خدا انترَ قربونیکا خَشه.

یعقوبی نامَه 2:15

اَگَم برا یا خالاایی اِشتَن روجَه هَردَ چیی و دَکَردَ چی دَس دَریس ببو

یعقوبی نامَه 2:16

و کَسی شِمَکا اَوون بِواجِه: «بِشَه بَسَلامَت، و گَرم و سیر آبَه،» ولی چَوون جَندَکی نیازون نِدَرِ، چِه فایدَ ایی دارِ؟

یوحنا اوّلین نامَه 4:20

اَگَم کَسی بواجه کن خدا رَی بداشتی ولی اِشتَن برا کا نیفرت بِدارِ، دِروو اَواجَه. چون کَسی کن اِشتَن برا، کن بَی بَویندیَه، رَی نِدارِ، نیَشا خدایی کن ویندَش نی، رَی بدارِ.

یوحنا اوّلین نامَه 5:1

هَر کَم ایمان دارِ عیسی هَه وعدَ دوعَه مَسیحَه، خدا کا دِنیا دَگنسته یَه؛ هَر کَم دَدَ رَی بَداشتی، چَی خِردَنی نی رَی بداشتیه.