یوحنا اوّلین نامَه 3:16 - کتاب مقدس به زبان تالشي - گویش مرکزی

¹⁶ مُحَبَتی اَ جِگاکا آموجِمون گتَه کن اَ، اِشتَن جانی چَمَه راکا آناشَه، و اَمه نی پی اِشتَن جانی برا اون راکا بِنَرَم.

کتاب مقدس به زبان تالشی شمالی

¹⁶ محبتی اوآنه یاد گِتِمونه که اَ، اِشتَن جانی چَمَه راه کا فیدا کَردِشه، و اَمَه نی بَسی چَمَه جانی چَمَه بِرا اون راه کا فیدا بِکَرَم.

یوحنا اوّلین نامَه 3:16 Iomraidhean Croise

مَتّی 20:28

اِمی خونه کن حتی اینسانی زوعَه نی آمَه نی تا بَی خیدمَت بِکَن، بَلکَم آمَه تا خیدمَت بکَرِ و اِشتَن جانی خَیلیون رَخِستِه خونه فِدا بکَرِ.»

یوحنا 10:11

«چاکَه شونَه اَزیمَه. چاکَه شونَه اِشتَن جانی پَسونرا دَرِ.

یوحنا 10:15

هَته کن دَدَ بَمن آزنِه و اَز دَدَ آمَموست. اَزاِشتن جانی پَسونرا آمَدا.

یوحنا 13:34

ایله تازَ حکمی بَه شمَه دَرِم، و اَ اِمَه کن یَندِ موحبت بکَرَ. هَته کن اَز بَشِمَه موحبت کردِمهَ، شمه نی پی یَندِ موحبت بکَرَ.

یوحنا 3:16

« اِمی خونه کن خدا اَنَ دِنیا رَی داری کن اِشتَن تاکَه زوعَه آداشَه تا هر کم بَی ایمان بوعَرِ نیفله آمَبو، بَلکَم زَیرونَه زندَگی بِدارِ.

رَسولون اَعمال 20:28

شِمَه حواس بَشتَنکا ببو. و رَمَه اِنی کن خدا موقدسَه روح، بَشِمَه اینتخابِش کردیَه تا چَوون سَریکا بِبَه، حواسِرون اَوونکا ببو. خدا کلیسارا کن اَش اِشتَن خونینَه خِرییَه شَه، شونَه گیری بکرَ.

رومی کلیسارا نامه 16:4

اَیِن اِشتَن جانی چمن خونِه خَطَریکا دَرَفَندِشون، و نِه تاکَه اَز، بَلکَم گِردِ غَیرِ یَهودیون کِلیسا اِن اَوونکا تَشکُر بَکَن.

رومی کلیسارا نامه 5:8

ولی خدا اِشتَن مُحبَتی اِنتَرَ اَمَراش آمونِستَه، وَقتی اَمه هَنوزَنی گِناخکار بیمون، مَسیح چَمَه خونِه مَردَ.

دوومین نامه قرنتیانیرا 4:12

پس مرگ چَمَه دِلَکا کا کارکَردِ، ولی زندَگی شمه دِلَکا.

نامَه اَفسوسی کلیسارا 5:2

و موحبتینه رفتار بکرَ، هته کن مسیح نی اَمَش موحبَت کردَ و اِشتَن جانی، هنته ایلَه قِربونی و عَطرینَه خَلایی شیوار خدارا تقدیم کردش.

نامَه اَفسوسی کلیسارا 5:25

اَی مِردِن، اِشتَن ژِنون رَی بدارَ، هته کن مسیح نی اِشتَن کلیسا رَی داریَه و اِشتَن جانی چَیرا آداشَه،

نامَه فیلیپی کلیسا را 2:17

حتی اَگَم لازم ببو چمن خون هِنتَه خَلایی شیوار، شمه ایمانی قِربونی را ویبو، خَشیمَه و شِمَه گِردینَه خَشی بَکَم.

نامَه فیلیپی کلیسا را 2:30

اِمی خونِه کن اَ، مَسیح راکا کایبَه اَمِرییَه، اِشتَن جانی خَطَریکاش درفَندَ تا شِمَه خیدمَتی کم و کاستی جُبران ببو.

اوّلین نامَه تَسالونیکی کلیسا را 2:8

اَمه هَنه بشِمه رَی داریمون کن خشینه حاضیر بیمون نِه تاکه خدا اِنجیلی بشِمه آرَسونَم، بَلکَم اِشتَن جانیکا شمَه راکا بگذِرَم، اِمی خونه کن شمَه بَرک چَمَرا خاجَتی بیرون.

نامَه تیتوسیرا 2:13

و چَمَه اَ مِبارَکه اومیدی مونتظیر بومونَم، یعنی چَمَه عَظیمه خدا و چَمَه نیجات اَدَر عیسای مسیح شکوه و جلالی اَیر آبِه،

پطروسی اوّلین نامَه 1:18

اِمی خونه کن بَموستیرون شمَه رَخستِه، اِم دَدارَ راهون دلَکا کن اِشتَن دَدَاونکا میراث گَتَرونه، نیفیت آرَبَه چییونَّه، هِنتَه طِلِه و نِقرَ شیوار خِرییَشون نییَه،

پطروسی اوّلین نامَه 2:24

مَسیح اِشتَن، چَمه گِناخون، اِشتَن تَنینه صَلیبی سَردِرِ دوشی سَر گَتِش، تا اَمه گِناخونرا بِمِرَم وصالِح بِه خونه زندَگی بَکرم. چَی زمونَّه شفا گَتِرون.

پطروسی اوّلین نامَه 3:18

اِمی خونه کن مسیح نی ایکَرَ گناخون خونه عذابِش کَشتَه، یعنی اَ صالِح، غَیرِ صالِحون خونِه، تا اَمه خدا وَر بوعَرِ. اَ جَندَکیکا مَردَ، ولی روح دِلَکا، زندَ آبَه،

یوحنا اوّلین نامَه 2:6

اَ کن باتی چَی دِلَکا بَمَندیَه، پی هَتَه زندَگی بکَرِ کن عیسی زندگی اَکَریَه.

یوحنا اوّلین نامَه 2:9

اَ کن باتی نوریکارَ ولی اِشتَن برا کا نیفرَت بَداشتی، هَنوزَنی ظِلَماتیکارَ.

یوحنا موکاشیفَه 1:5

و عیسی مسیح طَرَفیکا، اَ اَمینَه شاهید کن اولین کَسی بَه کن مردَاون دلَکا زندَ آبَه و دِنیا سَردِرِ پادیشاهون حاکیمَه. اَ کن اَمه رَی بداشتی و اِشتَن خونینَه، اَمَش چَمَه گِناخونکا اَراخِمونیَشَه،

یوحنا موکاشیفَه 5:9

و اَیِن تازَ سِرودی اَخونینَه کن اَواجیَه: «تِه اَ طوماری ویگَتِه و اَ موهرون چاکنسِه لَیاقتی داری، اِمی خونه کن تِه قربونی آبیشَه، و اِشتِه خونینَه آدَمون، هر طایفه و زبان و مردوم و میلَّتیکا، خِدارا خِریرَ؛