یوحنا اوّلین نامَه 2:16 - کتاب مقدس به زبان تالشي - گویش مرکزی

¹⁶ اِمی خونه کن هَر چیی کن دِنیا کارَ، یعنی جندکی هوا و هوسِن، چَمی هوا هَوَسِن و زندگی غرور، دَدَ کا نیَه بَلکَم دِنیاکارَ.

کتاب مقدس به زبان تالشی شمالی

¹⁶ چوم هَر چیی که دنیا دیلَه کایَه، یعنی جِسمی هوا هَوَسِن، چِمی هَوا هَوَسِن و زندگی غُرور، دَده طرفی کا نییَه بَلکَم دنیا طرفی کا یَه.

یوحنا اوّلین نامَه 2:16 Iomraidhean Croise

مَتّی 4:8

دییَرَ کَرَرا، ابلیس عیساش بَرزَ کوایی سَر بَردِشَه و گردِ دِنیا پادیشاهیِن و چَوون شکوه و جلالینَه بَی آمونِستِش

مَتّی 5:28

ولی اَز بَه شمَه باتیمَه، هر کَم شهوتینَه ژِنی دَیسِه، هَه موقه کا اِشتَن دلیکا اَینه زینا کَردَشَه.

انجیل لوقا 4:5

چَی بَه دوملَه ابلیس بَی کَفارا بَردِشَه و ایی لَحظه کا، دِنیا گِردِ پادیشاهیون بَی آمونِستِش

رومی کلیسارا نامه 13:14

بَلکَم خداوند عیسی مَسیح شخصیَتی، هنته شندِری شیوار دَکَرَ و اِشتَن جندَکی نَفسیرا تدارک مَوینَه تا چَی خواستَه اون اَنجوم بدَرَ.

اوّلین نامَه قورَنتیانیرا 10:6

ایسَه، انتَرَ ایتفاقن دَگِنستَه تا چَمَرا سرمشق ببو، تا اَمه هنتَه چَوون شیوار بدی دملَه مبَم.

نامه غلاطیَه کلیسارا 5:17

اِمی خونِه کن جندَکی مِیلِن، خدا روح زِرَبرایَه و خدا روح مِیلِن جندَکی زِرَبَرا؛ و اِمی خونه کن اِم دِ، یِندِ زِرَبَرا اینَه، ایی جوری کن دِ نینَّشا هَر چیی کن بَپیرون، اَنجوم بدَرَ.

نامه غلاطیَه کلیسارا 5:24

اَیِن کن مَسیح عیسی شِنین، جندَکی چَی هَوَا و هَوَس و مِیلون نَه صَلیبی سَر دَرا کِنِستَشونَه.

نامَه اَفسوسی کلیسارا 2:3

اَمه نی گرد ایی زمانی چَوون دِلَکا اِشتَن جندَکی هوا و هَوسی دِلَه زندَگی اَکَریمون و چَمه جندَکی خواستَه اِن و فکرون اَنجوم اَدَریمون؛ هنته دییَرَ کَسون شیوار، اِشتَن ذاتی سَر، خدا غَضَّبیکا محکوم آبیمون.

نامَه تیتوسیرا 2:12

و اَمه آموج دَرِ کن بی دینی و دِنیا هوا هَوَسون آهَرزَم، اِشتَن نفسی نَاری بیگِرَم و صالِح بِه و دیندارینَه اِم زَمونَکا زندَگی بکَرم،

نامَه تیتوسیرا 3:3

اِمی خونه کن اَمه نی، ایی زمان نافَم و نافِرمون و گومراه بیمون، همه مودیل هواهَوس و خَشیون وَزییَربیمون؛ و کینَه کا و زِرَ بردِ کا زندَگی اَکَریمون. مردوم اَمکا بیزار بینَه و اَمه نی یَندِ کا.

یعقوبی نامَه 3:15

اِنتَرَ حیکمتی آستامونیکا نیام، بَسکَم زَمینی و نفسانی و شَیطونیه.

یعقوبی نامَه 4:16

انترَ کن دیارَ، شمَه اِشتَن یالَه نار گیری خونَه ایفتیخار بَکَرون. اِنتَرَ ایفتخارِن گِرد بَدینَه!

پطروسی اوّلین نامَه 1:14

هِنتَه فِرمونه خِردَنون شیوار ببه، و دِ، نادون بِه موقه هوا وهَوسون شیوار مَبَه.

پطروسی اوّلین نامَه 2:11

اَی خاجتی اِن، شمَکا کن اِم دِنیاکا مِسافیر و خَلکیرون خاشتو خازِمه، جندکی هوا و هوسیکا کن شمَه روح زرَبرا کان جَنگِستِه، رَت آبَه.

پطروسی دومین نامه 2:10

بَخِصوص اِیِنی کن اِشتَن مِچِمه نفسی مِیلون دوملِه شِه را زاکینی گِچ بَحیساب بوعَنَه. اَیِن اَنَه یالَه نارو اَملِکینه کن آستامونی یالَه شخصون کفر واتِه کا نینَّتَرسِست؛

پطروسی دومین نامه 2:18

اِمی خونه کن تَتَّه لَسَّنه گفنی بَژَن کن نافَم و یالَه نارگیرینه پتلَمه یه، و اَیِنی کن بدَ آدَمون چینگیکا چَتین بروَشتَه اینَه، اِشتَن هوا هَوسونکا، دوم دَنَّفَند.