یوحنا اوّلین نامَه 2:15 - کتاب مقدس به زبان تالشي - گویش مرکزی

¹⁵ دِنیا و اَچیی ایی کن چَی دِلَکارَ، رَی مَدارَ. اَگَم کَسی دِنیا رَی بِدارِ، دَدَ موحبَت اَیکا نیَه.

کتاب مقدس به زبان تالشی شمالی

¹⁵ دنیا نَه و اَ چیونی نَه که چَیی دیلَه کایَه، خِش مَبییَه. اَگم کسی دنیا نَه خِش بِبو، دَده محبت چَیی دیلَه کا نییَه.

یوحنا اوّلین نامَه 2:15 Iomraidhean Croise

مَتّی 4:8

دییَرَ کَرَرا، ابلیس عیساش بَرزَ کوایی سَر بَردِشَه و گردِ دِنیا پادیشاهیِن و چَوون شکوه و جلالینَه بَی آمونِستِش

مَتّی 6:24

«هیچ‌کس نیَشا دِ اَربابی خیدمَت کَردِ، اِمی خونه کن یا ایلَه کا نیفرِت بَداشتی و دیَری موحبت بَکی و یا ایلَه نَه وفادار بَبیه و دیَری گچ بَه حیساب بوعَردی. شِمَه نینَّشا هِم خدا خیدمَت بکَرَ و هِم پولی.

انجیل لوقا 16:13

هیچ پاسَریی نَیَشا دِ اَربابی خیدمَت بکَرِ، اِمی خاطرکن یا ایلَه کا نیفرت بَداشتی و دیَری موحبت بَکی، و یا ایلَه نَه وفادار بَبیَه و دیَری گچ بَه حیساب بوعَردی. شِمَه نینَّشا هِم خِداخیدمَت بکَرَ و هِم پولی.»

یوحنا 15:19

اَگَم شِمَه دِنیا شِن بینَه، دِنیا بَشمَه اِشتَن کَسون شیوار رَی داری. ولی اِمی خونه کن شمَه دِنیا شن نینَّه، بَلکَم اَز بَشِمَه دنیاکا اِینتخاب کَردِمَه، دِنیا شمکا نیفرت دارِ.

رومی کلیسارا نامه 12:2

و دِ هنتَه اِم دِنیا شیوار مَبَه، بَسکَم اِشتَن فکری تازَ آبِه نَه عَوَض آبَه. اَموقه خدا ایرادَ فَهمِستِه بَشارون؛ خدا دِل پیستَه و کامیلَه ایرادَ.

نامه غلاطیَه کلیسارا 1:10

یعنی ایسَه اَز مَردومی تاییدی بَپیمَه یا خدا تاییدی؟ یا تَقلا بَکَمَه مردومی راضی دَرورِم؟ اَگَم هَتَه مَردومی راضی دَروَردِ دوملَه بیمَه، مَسیح وزییَر آنَبییمَه.

نامَه اَفسوسی کلیسارا 2:2

و زمانی چَوون دِلکا زندَگی اَکَریرون، اموقه کن اِم دِنیا راه اونکا و هوا زبقی رئیسیکا، یعنی اِبلیسییکا پیروی اَکَریرون، هه روحیکا کن هِم ایسَه نی نا فِرمونی خِردَنونکا عمل بَکَی.

اوّلین نامَه تیموتائوسیرا 6:10

اِمی خونه کن پولدوستی هَمه مودیل بدی ریشَه یَه، و پولی حِرصی خونِه اَ کن بعضییِن ایمانیکا رَت آنَّب و بَشتن وِرَ داجیکا ویلاخِنییَشونَه.

یعقوبی نامَه 1:27

پاجا و خالیصه دینداری چَمَه دَدَ، خدا چَمیکا اِمه، کن صَقِرون و ویوَ ژِنون غَرّی موقِه آرَستِه و بَشتَن اِم مَچمَه دِنیاکا رَت آکَردِ.

یعقوبی نامَه 4:4

اَی زیناکارِن، نینَّزنی دِنیا نَه رَفِق گیری، خدا نَه عَدابَت کَردِ یَه؟ پس هَر کَم دِنیا نه رفق گیری دوملَیه، بَشتَن خدا غَنیم بَکَی.

یوحنا اوّلین نامَه 3:17

ولی اَگَم کَسی دِنیا مال و مَنالیکا بِدارِ و اِشتَن برا دَس دَریس بِه بِوینِه، ولی اِشتَن رحمی بَیکا دریغ بکرِ، چِنتَرَ خدا موحبت اِنتَرَ آدَمیکا بَمَندیَه؟

یوحنا اوّلین نامَه 4:5

اَیِن دِنیا کا هِستینَه و اِمی خاطِر اَ چیی ایی باتین کن دِنیا کارَ و دِنیا اَوون گوش آرَدا.

یوحنا اوّلین نامَه 5:10

هَر کَم خدا زوعَه ایمان دارِ، اِم شاهیدی اِشتَنکا بداشتی. ولی اَ کن خدا شاهیدی باوَر نیَکَرد، اَی دِروو اَواج بَکی، چون شاهیدی ایی کن خدا اِشتَن زوعَه خونه آدوعَشَه، قِبول کَردَش نی.