یوحنا اوّلین نامَه 2:12 - کتاب مقدس به زبان تالشي - گویش مرکزی

¹² اَی گِچه خِردَنِن، شِمَرا بَنوِشتیم، اِمی خونِه کن شِمَه گِناخِن چَی نومی خونِه بخشِستَه آبین.

کتاب مقدس به زبان تالشی شمالی

¹² اِی روکَه خِردَنِن، شِمَه را بَنیویشتیم، چوم شِمَه گناه اِن چَیی نومی واسی بَخشِسته بَیینه.

یوحنا اوّلین نامَه 2:12 Iomraidhean Croise

انجیل لوقا 24:47

و چَی نومینَه، گردِ میلَتونرا توبه کردِ و گناخون بَخشِستِه پی اییلام ببو، و اِم کار شهر اورشَلیمیکا شِروو بَبی.

انجیل لوقا 5:20

وَقتی کن عیسی چَوون ایمانی ویندِشَه، اَ شِلَه مِردی واتش: «اَی مِرد، اِشتِه گِناخِن بخشیدَ بَه!»

رَسولون اَعمال 10:43

پَیغمبَرِن گِرد، عیسی خونه شاهیدی دَرِن کن هَر کَم بَی ایمان بوعَرِ، چَی نومینَه چَوون گِناخِن بخشیدَ آنَّب.»

رَسولون اَعمال 13:38

«پس، اَی برا اِن، بِزنَه گِناخون بَخشِستِه، هِم عیسی واسیطنه شِمرا اییلام بَیَه.

رَسولون اَعمال 4:12

غَیراَز اِم، هِچ کَسی دِلَکا نیجات نیَه، اِمی خونِه کن آستامونی بنیکا دییَرَ نومی آدَمِنِشون آدوعَه نیَه تا بَینَه نیجاتی ویگِرَم.»

اوّلین نامَه قورَنتیانیرا 6:11

بعضی شِمَه اونکا گِذَشتَکا اِنتَرَ بینَه، ولی خداوند عیسی مسیح نومینَه و چَمَه خدا روح واسیطَنه شِمَشون شوشتَه، تقدیس آبیرون و صالح بَحیساب آمیرون.

نامَه اَفسوسی کلیسارا 1:7

اَمه مسیح دلَکا چَی خونی واسیطنَه رَخِستیمون، کن اِم هَه خطا اون بخشِستِه یَه، کن اَش، اِشتَن برکَه وِرَ فیضی اندازَ،

نامَه اَفسوسی کلیسارا 4:32

یَندِ نَه مِربان دلسوز ببَه و هته کن خدا بشِمَه مسیح دلَکا بخشِستِشَه، شمه نی یَندِ ببَخشَه.

نامَه کُولُسی کلیسا را 1:14

کن چَی دِلَه، اَمه رَخِستِه بَداشتیمون، یعنی چَمَه گِناخون بخشش.

یوحنا اوّلین نامَه 1:4

اَمه اِمی شِمَرا بَنوِشتیمون تا چَمه خَشی کامیل ببو.

یوحنا اوّلین نامَه 1:7

ولی اَگَم نوریکا زندگی بَکمون، هَتَه کن خدا نوری دلکارَ، یَندِنَه رَفاقَت دارَم و چَی زوعَه عیسی خون، اَمه هر گِناخیکا پاجا بَکَی.

یوحنا اوّلین نامَه 1:9

اَگَم اِشتَن گِناخون اییتراف بِکَرم، اَ کن اَمین و عادیلَه، چَمَه گِناخون بَبَخشِستی و هَر نادِرِستیکا اَمه پاجا بَکَی.

یوحنا اوّلین نامَه 2:1

چمن گِچَه خردَنن، اِم چییون شِ‍مَرا بَنوشتیم تا گِناخ نِکَرَ. ولی اَگَم کَسی گِناخی کَردِشَه، دَدَ وریکا ایی نفر هِسته کن چَمَه شیفاعتی بکرِ، یعنی عیسی مَسیحِه صالح.

یوحنا اوّلین نامَه 2:21

اَز اِمون شِمَرا بَنوِشتیم، نه اِمی خاطِر کن حَقیقَتی نینَّزنی، بَسکم اِمی خاطِر کن اَی بَموستین، و هیچ دِروویی حَییقَتیکا نییَه.

یوحنا اوّلین نامَه 2:7

اَی خاجَتییِن، اَز، ایله تازَ حِکمی شِمَرا نِمَه نوشت، بَسکَم هه قَدیمَه حِکمی کن اَوَلیکا داشتَرون. اِم قَدیمَه حِکم، هَه کلامیَه کن دَرَستَرون.