یوحنا اوّلین نامَه 1:7 - کتاب مقدس به زبان تالشي - گویش مرکزی

⁷ ولی اَگَم نوریکا زندگی بَکمون، هَتَه کن خدا نوری دلکارَ، یَندِنَه رَفاقَت دارَم و چَی زوعَه عیسی خون، اَمه هر گِناخیکا پاجا بَکَی.

کتاب مقدس به زبان تالشی شمالی

⁷ امّا اَگم نوری کا زندگی بِکَرَم، هَتَه که خِدا نوری دیلَه کا یَه، یَندی نَه رَفاقَت اِستِمونه و چَیی زوعَه، عیسی خون، اَمَه گِردِ گناه اون کا پاک آکَرِه.

یوحنا اوّلین نامَه 1:7 Iomraidhean Croise

مَتّی 6:12

وچَمه قَرضون ببَخش، هَتَه کن امَه نی چَمه قَرضدارون بَبخشِستیمون.

یوحنا 1:29

اَ روجی سَوسَه، یحیی، عیسی کن کایبَه چَی طَرَف آمَه ویندِشَه و واتِش: «دَیَسَه اِمَه خدا وَرَ، کن دِنیاگِناخی پِرَگَت!

یوحنا 12:35

عیسی اَیِنِش واتَه: «دِ تَلَکَه زمانی، نور شِمَه دِلَکا هِستَه. پس تا زمانی کن هَنوزَنی نوری دارَ، گَل بژَنَه، نِکَر ظِلَمات شمَه بیگِرِ. اَ کن ظِلَماتیکا گَل بَژَی، نیَموست کِرَم جگارا بَشیَه.

یوحنا 5:4

[ اِمی خونه کن هر چَند وقت یَک بار، ایلَه فرشتَه خداوندی طَرفیکا آیوو آوی تم دَروَری؛ اوّلین کَسی کن آوی تم هَردِ بَه دوملَه حووضی دَله دَرَشی، هر آزاریکا کن داری شفا اَگِریَه.]

رومی کلیسارا نامه 13:12

شَوی آخِرَ و روج نِزِکَه. پس بِرَ ظِلَماتی بَدَ کارون کَنار بِنَرَم و نوری زِرِه دَکَرم.

اوّلین نامَه قورَنتیانیرا 6:11

بعضی شِمَه اونکا گِذَشتَکا اِنتَرَ بینَه، ولی خداوند عیسی مسیح نومینَه و چَمَه خدا روح واسیطَنه شِمَشون شوشتَه، تقدیس آبیرون و صالح بَحیساب آمیرون.

نامَه اَفسوسی کلیسارا 1:7

اَمه مسیح دلَکا چَی خونی واسیطنَه رَخِستیمون، کن اِم هَه خطا اون بخشِستِه یَه، کن اَش، اِشتَن برکَه وِرَ فیضی اندازَ،

نامَه اَفسوسی کلیسارا 5:8

شمه ایی زمان ظِلَماتیکا بیرون، ولی ایسَه خداوندیکا نوریرون. پس هنته نوری خِردَنون شیوار رفتار بکَرَ.

اوّلین نامَه تیموتائوسیرا 6:16

تاکَه هَیَه کن زَیرونَه، اَ کن ایلَه نوریکا اَ، کن نییَبن بَیکا نِزِک آشِه، هیچ کَس بَی ویندَش نیَه و نییَشا ویندِ، حورمت و سلطَنَت تا ابد چَیرا ببو. آمین.

نامَه تیتوسیرا 2:14

کن چَمرا اِشتَن جانی آداشَه تا هر آوشرَ چیکا اَمه بِراخمونِه و اِشتَنرا پاجا اَ قامی سِی آکَرِ کن چَی اِشتَن شِن ببون، کن چاکَه کاریرا غَیرَت بِداشتین.

نامَه، عِبرانیه نَتاجَه مسیحیونرا 9:14

چَنَه ویشتَر، مسیح خون کن اَ زَیرونَه روح واسیطنَه، بَشتَنِش بی عَیب، خدارا تقدیمِش کردَ، چَمَه ووژدانی دَدارَ کارونکا پاجا بَکَی تا بشوعَم زندَ خدا خیدمت بکرم.

یعقوبی نامَه 1:17

هَر چاکَه خَلا و هر کامیلَه خَلا ایی آستامونیکارَ، و نورون دَدَ طَرَفیکا آ، کن اَیکا نِه تَغییری هِستَه و نِه هیچ سا ایی کن تغییریکا بوجود آمَه ببو.

پطروسی اوّلین نامَه 1:19

بَلکَم مسیح با اَرزِشَه خونینَه، اَ وَرَ کن بی عَیب و بی لَکَّه یَه، خِرییَشونَه.

یوحنا اوّلین نامَه 1:3

اَمه اَ کلامی کن ویندَمونَه و دَرَستَمون شِمَرا نی اییلام بَکَمون، تا شِمَه نی اَمَنَه رَفاقَت بِدارَ؛ حییقتن نی چَمَه رَفاقَت دَدَ نَه و چَی زوعَه عیسیِ مَسیح نَه یه.

یوحنا اوّلین نامَه 1:5

اِمَه، پَیغومی کن اَیکا دَرَستَمونَه و شِمَرا اییلام بَکَمون: کن خدا نورَ و اصلا هیچ ظِلَماتی اَیکا دَرِ نی.

یوحنا اوّلین نامَه 5:6

اَ کن آو و خونینَه آمَه، یعنی عیسی مسیح. نِه تاکَه آوینَه، بَسکم آو و خونینَه؛ و خدا روحَه کن شاهیدی دَرِ، اِمی خونه کن خدا روح، حَییقتَه.

یوحنا اوّلین نامَه 5:8

خدا روح و آو و خون؛ و اِم سه گِلَه، یَندِ نَه دَرِ اینَه.

یوحنا دوّمین نامَه 1:4

بَرک خَش آبیمَه کن سَر آگِنیمَه بعضی اِشتِه خِردَنونکا اَ حِکمی سَر کن دَدَ کا ویگَتَمون، واتنَه، حَییقتیکا زندگی بَکن.

یوحنا سوّمین نامَه 1:4

هیچ چیی ایی اِمیکا ویشتَر بَمن خَش آنییَکَرد کن دَرَسِم چمن خِردَنِن ’حَییقتیکا‘ زندَگی بَکَن.

یوحنا موکاشیفَه 1:5

و عیسی مسیح طَرَفیکا، اَ اَمینَه شاهید کن اولین کَسی بَه کن مردَاون دلَکا زندَ آبَه و دِنیا سَردِرِ پادیشاهون حاکیمَه. اَ کن اَمه رَی بداشتی و اِشتَن خونینَه، اَمَش چَمَه گِناخونکا اَراخِمونیَشَه،

یوحنا موکاشیفَه 12:11

اَیِن وَرَ خونینَه و اِشتَن شاهیدی کلامینه، چَی سَردِرِ پیروز آبین. اِمی خونه کن حتی تا مَردِ موقه، اِشتَن جانی خاجَتی نَزنینَه.

یوحنا موکاشیفَه 7:14

جَوابِم دوعَه: «چمن سرور، اِمی تِه بَموستیشَه.» و اَ واتش: «اِمِن ههَ کَسِنی هِستینَه کن یالَه عَذابیکا بَروشتین و اِشتَن رَدا اون وَرَ خونی دلَکا شوشتَشونه و ایسبی آکَردَشون.