یوحنا اوّلین نامَه 1:2 - کتاب مقدس به زبان تالشي - گویش مرکزی

² زندَگی اَیر آبه؛ و اَمه اَی ویندَمونَه و چَیرا شاهیدی آمونَدا. اَمه زَیرونَه زندَگی شمَرا اییلام بَکَمون، هه زَیرونه زندَگیی ایی کن دَدَ نَه دَرِ بَه و چَمَرا اَیر آبَه.

کتاب مقدس به زبان تالشی شمالی

² زندگی ظاهر آبَه؛ اَمَه اَیی ویندَمونه و چیی را شهادتی بَدایمون، اَبَدی یَه زندگی شِمَه را اِعلام بَکَردیمون، هَ اَبَدی یَه زندگی که دَده نَه بَه و چَمَه را ظاهر آبَه.

یوحنا اوّلین نامَه 1:2 Iomraidhean Croise

یوحنا 1:18

هیچ‌ کَس هرگز خدا ویندَش نیَ. ولی اَ تاکَه زوعَه کن دَدَ وَریکارَ، اَی آمونستِش.

یوحنا 1:4

چَی دِلَکا زندَگی بَه و اَ زندَگی، آدَمون نور بَه.

یوحنا 10:28

اَزاَوون زَیرونَه زندَگی دَرِم و اَیِن هیچ موقه نیفلَه آنینَّب. هیچ کس نییَشا اَوون چمن بالیکا آبَرِ.

یوحنا 14:6

عیسی بَی واتِشَه: «اَز راه و حَییقت و زندَگی هِستیمَه. هیچ‌کَسی غَیراَز چمن واسیطۀ نَه دَدَ وَر نیام.

یوحنا 15:27

و شمَه نی شاهیدی بَدارون، اِمی خونِه کن شرووکا بَمنه درِ بینَه.

یوحنا 16:28

اَز دَدَ طَرَفیکا آمیمهَ و اِم دِنیا دِلَه دَرمَه ایمَه؛ و ایسَه اِم دِنیا بَنامه و دَدَ وَربَشیمَه.»

یوحنا 17:3

و اِمهَ زَیرونَه زندَگی، کن اَیِن، بَتِه کن تاکَه حقیقیَه خدا هِستیشَه، و عیسی مسیح کن تِه رَونَه آکَردَرَ، آزنِن.

یوحنا 17:5

پس ایسَه اَی دَدَ، ته نی بَمن اِشتِه وَریکا جلال بِدَ، هَه جلالی کن دِنیا شروو بِه بَه نَ اِشتِه وَر داریم.

یوحنا 19:35

اَکَن اِمی ویندشَه، شاهیدی بَدای تا شمَه نی ایمان بوعَرَ. چَی شاهیدی راستَ و اَ بَموستی کن حقیقتی باتی.

یوحنا 21:14

ایسَه، اِم سوّمین کَرَ بَه کن عیسی، مَرگیکا زندَ آبِه دوملَه، بَشتَن شاگردونرا اَیر آرَکَری.

یوحنا 3:13

هیچ‌کَم آستامونیرا کَفا شَه نی، مَگَم اَ کن آستامونیکا ویرمَه، یعنی اینسانی زوعَه.

یوحنا 7:29

ولی اَز بَی آمَموست، اِمی خونِه کن اَز چَی طَرَفیکا آمَه ایمَه و اَ بَمن عَندَشَه.»

یوحنا 8:38

اَز اَچی اییکا کن دَدَ وَریکا ویندَمَه گَف بَژَم ولی شمَه اَ کاری بَکَرون کن اِشتَن دَدَکا دَرَستَرونه.»

رَسولون اَعمال 1:22

یعنی یَحیی غسل تَعمید دوعه موقه کا تا روجی کن عیسی چَمه وَریکا آستامونیرا کَفا بَردِشون. ایلَه اَ آدَمونکا پی اَمَنَه عیسی زندَ آبِه شاهید ببو.»

رَسولون اَعمال 10:41

اَمّا نِه گِردِ آدَمونرا، بَلکَم تاکَه چَمَرا کن خدا طَرَفیکا اینتخاب بَه ایمون کن چَی شاهیدِن بِبَم. یعنی چَمَرا کن، چَی زِندَ آبِه مَردَ اونکا، بَه دوملَه، بَینَه هَردِمون و هِنتِمون.

رَسولون اَعمال 2:32

خدا، هِم عیساش زندَ آکَردَ و اَمه گِرد چَی شاهیدیمونَه.

رَسولون اَعمال 3:15

شِمَه، اَ کن زندَگی سَرچِشمَه بَه کِشتِرون، ولی خدا بَی مَردَاونکا زندَ آکَردِش و اَمه اِم چییون شاهیدِمون.

رَسولون اَعمال 5:32

و اَمه اِم چیون شاهیدیمونَه، هَتَه کن خدا موقَدسَه روح نی شاهیدَ، هه روحی کن خدا، اَیِنیرا کن بَیکا ایطاعَت بَکنَه عَطا کَردَشَه.»

رومی کلیسارا نامه 8:3

چون اَ چیی ایی کن شَریعَت، اینسانی جندَکی عِجِز گیری خونه نَشایَه اَنجوم دوعِه، خدا اَنجوم داشَه. اَ اِشتَن زوعَه گِناخ کارَ جندَکی شیوار عَندِشَه تا گِناخیرا قِربونی ببو و اِنتَرَکِه اینسانی جَندَکی دِلَکا، گِناخیش محکوم کردَ،

نامه غلاطیَه کلیسارا 4:4

اَمّا اَ تَیین بَه وقت، کامیل آرستَه، خدا اِشتَن زوعَه رَونَه آکردِشَه کن ایلَه ژِنیکا دِنیا آمه و شَریعَتی بنیکا دِنیا آمَه،

اوّلین نامَه تیموتائوسیرا 3:16

واقییَن کن دینداری راز بَرک یالَه: اَ جندَکی دَلکا اَیر آبَه، خدا روح واسیطَنه تصدیق به، فرشتَه اِن اَشون ویندَ، قامونرا اییلام بَه، دِنیا دلَکا بَشون ایمان وردَ، و شکوه و جلاینَه، کَفاراشون بردَ.

دِوُّمین نامَه تیموتائوسیرا 1:10

ولی ایسَه چَمَه نیجات اَدَر مسیح عیسی اَیر آبِه نَه، اِم فیض دیار آبَیه. هَهَ مسیح عیسی کن مَردِ نیفیت آکَردِش و اِنجیلی واسیطَنه زَیرونَه زندَگی دیار آکَردِشَه،

نامَه تیتوسیرا 1:2

اِم حَییقت زَیرونه زندَگی اومیدینه یَه کن خدایی کن هرگز دِرو نیَدا، اَولیکا اَش اَمه وَعدَ دوعَیه

پطروسی اوّلین نامَه 5:1

اَز کن اِشتَن ایسبیَه ریشونکا ایمَه و مسیح رَنجون شاهیدیمَه و شِکوه و جَلالی کن دیار بَبی کا شریکیم، ایسبیَه ریشِنی کن شمَه دِلَکانَه سیفارش بَکم کن:

یوحنا اوّلین نامَه 1:1

اَ چیی ایی کن شروو کا بَه، اَ چیی ایی کن دَرستَمونَه و اِشتَن چَمونَّه ویندَمون، اَ چیی ایی کن دَیَشتِمون و اِشتَن بالونَّه دَست آسا کَردِمون، یَعنی زندگی کلام کن اَی شِمَرا اییلام بَکَمون.

یوحنا اوّلین نامَه 2:25

و اِمَه اَ چیی ایی کن اَ، اَمَش وَعدَ آدوعَیَه، یعنی زَیرونَه زندَگی.

یوحنا اوّلین نامَه 3:5

شمَه بَموستیرون کن اَ اَیر آبه، تا گِناخون نیفیت آکَرِ. بَیکا هیچ گِناخی دَرِ نیَه.

یوحنا اوّلین نامَه 3:8

اَ کن گناخیکا زندَگی بَکَی اِبلیسیکارَ، اِمی خونه کن ابلیس هَه شِرووکا گِناخ کار بَه. اِمی خاطر خدا زوعَه اَیر آبه تا ابلیسی کارون هیچ بَرکَرِ.

یوحنا اوّلین نامَه 4:14

و اَمه ویندَمونَه و شاهیدی دَرَم کن دَدَ، اِشتَن زوعَه عَندَشَه تا دِنیا نیجات اَدَر ببو.

یوحنا اوّلین نامَه 4:2

خدا روح اِنتَرَ آزنَم: هر روحی کن ایقرار بکَرِ عیسی مسیح، ایلَه اینسانی جندکیکا آمَه، خدا کارَ.

یوحنا اوّلین نامَه 5:11

و اَ شاهیدی اِمَه کن خدا اَمه زَیرونَه زندَگی بَخشِستَشَه، و اِم زندَگی چَی زوعَه دلَکارَ.

یوحنا اوّلین نامَه 5:13

اِمون شِمَرا نِوِشتِمَه کن خدا زوعَه نومی ایمان دارَ، تا بِزنه کن زَیرونَه زندَگی بَداشتیرون.

یوحنا اوّلین نامَه 5:20

و اِمی نی بَموستیمون کن خدا زوعَه آمَه و اَمَش فهم بَخشِستَه تا اَ کن حَییقتَه آزنَم، و اَمه چَی دِلَکا هِستیمون کن حَییقته، یعنی چَی زوعَه عیسی مَسیح کا. هَیَه حَییقیه خدا و زَیرونَه زندَگی.