اوّلین نامَه قورَنتیانیرا 1:9 - کتاب مقدس به زبان تالشي - گویش مرکزی

⁹ خدا وفادارَ، اَ خِدایی کن بَشِمَه صَلا ژَشَه، تا چَی زوعَه، چَمه خداوند عیسی مَسیح نَه رَفِق ببَه.

کتاب مقدس به زبان تالشی شمالی

⁹ خِدا وفادارَه، اَ خِدایی که شِمَه دَعوت کَردِشه تا چَیی زوعَه نَه، چَمَه خِداوند عیسایِ مسیح نَه، رِفاقت بِدارَه.

اوّلین نامَه قورَنتیانیرا 1:9 Iomraidhean Croise

مَتّی 24:35

آستامون و زمین نیفیت آنَّب، ولی چمن گَفِن هرگز نیفیت آنینَّب.

یوحنا 17:21

تا گرد ایله ببون، هَته کن تِه اَی دَدَ چمن دلَکاشَه و اَز اِشتِه دلَکا. کاری بکَه کن اَیِن نی چَمَه دلَکا ببون، تا دِنیا ایمان بوعَرِ کن ته بَمن رَونَه آکَردَرَ.

رومی کلیسارا نامه 11:17

ولی اَگَم بَعضی بَشو خالونکا آبیردَشونَه و تِه کن ویشَه اینَه زَیتونَه دآری بَشو خال بیشَه، زَیتونه داری دییَر بشو خالینه پَیوند گِنیش و ایسَه زیتونَه داری ریشَه شیرَ کا کن موقوییَه بَردیش،

رومی کلیسارا نامه 8:28

بَموستیمون اَیِنی حَقیکا کن خدا رَی بَداشتینَ و چَی ایرادَنَه خِلِه بَه اینَه، گِردِ چیی اِن چَوون خِیری یَتیرا کار بَکَنه.

رومی کلیسارا نامه 8:30

و اَیِنی کن نارتَر تَیین کَردِشَه نی خِلِه کَردِشَه؛ و اَیِنی کن خِلِش کردَ، صالح بَحیساب وَردِش؛ و اَیِنی کن صالح بَحیسابِش وردَ نی، شکوه وجَلال بَخشِستِش.

رومی کلیسارا نامه 9:24

حتی اَمه نی کن چَی طَرَفیکا خِلِه بَه ایمونَه، شامل بَبی، نِه تاکَه یَهودیونکا، بَلکَم غَیرِ یَهودیونکا نی هتَیَه.

اوّلین نامَه قورَنتیانیرا 1:30

و چَی خونه اَ کن، شِمَه مَسیح عیسی دِلَکا هِستیرون، اَ مسیح عیسی کن خدا طَرَفیکا آمَه و چَمَرا حیکمَت آبَه یَه، یعنی چَمه صالح بِه، قودوسیَّت و رَخِستِه.

اوّلین نامَه قورَنتیانیرا 10:13

هیچ وَرداوردی کن دییَرَ اینسانون سَر آمَه مَبو شمَه سَردِرِ نا. خدا وفادارَ؛ اَ ایجازَ نییَدا شمَه اینجاریکا ویشتَر وَرداورد ببَه، بَسکَم وَرداوردی موقه، بروَزَ بَرَ ایی شِمَرا آمادَ آرَکَرد تا اَیکا تاو بوعَرَ.

اوّلین نامَه قورَنتیانیرا 10:16

مَگَم اِم بَرَکتَه گولَه کن چَی خونه شِکر بکَمون، مَسیح خونیکا شَریک بِه نییَه؟ و نونی کن پِسَه بَکَمون، مَسیح تَنیکا شریک آبِه نییَه؟

دوومین نامه قرنتیانیرا 1:18

خدا وفاداری سَر قَسَّم بردیمه کن چَمَه گَف شِمَنَه «ها» و «نِه» نِبَیَه.

نامه غلاطیَه کلیسارا 1:15

ولی وقتی اَ کَسی کن بَمن چمن نَنَه رَمیکا اِشتَن کاریرا وَقف کَردِش، و اِشتَن فِیضی واسیطَنَه بَمن خِلِه کَردِش، چَی خَشی اِمیکا بَه کن

نامه غلاطیَه کلیسارا 2:20

اَز مَسیح نَه صَلیبی سَر مَصلوب آبیم، واِم دِ اَز نیمَه کن زندَگی بَکَی؛ بَلکَم مَسیحَه کن چمن دِلَکا زندَگی بَکَی؛ و اِم زَندَگیی کن ایسَه جَندَکیکا دارِم، خدا زوعَه سَر ایمان وَردِ خونِه یَه کن بَمن رَی داری و اِشتَن جانی مرا آداشَه.

نامَه اَفسوسی کلیسارا 3:6

اَ راز اِمَه کن غَیر یهودییِن مَسیح عیسی دلَکا اِنجیلی واسیطنَه، هَم اِرثین و هَه تَنی اَعضا هِستینَه و خدا وعدَکا شَریکین.

نامَه کُولُسی کلیسا را 1:24

ایسَه عَذابِنی خونه کن شمَرا کشتِمَه کا خَشیم و چَی تنی خونه کن کلیسا اَ، اَ چیی ایی کن مسیح عَذابونکا کمَه، چمن جندَکیکا تلافی بَکَم.

اوّلین نامَه تَسالونیکی کلیسا را 2:12

اَمه هر کِرَمی شمَکا ایلَه بَه ایلَه تشیویق اَکَریمونَه، آلاوِنیمون و سیفارش اَکَریمون تا هَتَه کن خدا شَائنیکارَ زندَگی بکَرَ، کن بَشِمَه اِشتَن شکوه و جلال و پادیشا ایرا صَلال بَژَیَه.

دوّمین نامَه تَسالونیکی کلیسا را 2:14

اِنتَرَ بَه کن اَ بشِمه چَمَه انجیلی واسیطنَه صَلا ژشَه تا چَمه خداوند عیسی مسیح شکوه و جلال شمَه نصیب ببو.

دوّمین نامَه تَسالونیکی کلیسا را 3:3

ولی خداوند اَمینه؛ اَ بَشِمَه آمبَست آرَکَرد و اَ آوشَری نَکا بَشمَه غَم بردی.

دِوُّمین نامَه تیموتائوسیرا 1:9

خدای کن اَمَش نیجات دوعَیه و موقدسَه زِندَگیرا خِله کردَشه. اِم چَمَه کارون خونه نییَه، بَسکم چَی اِشتَن فیضی و هَدَفی خونه اَ، کن مسیح عیسی دلَکا، دِنیا اَوَّلنَکا، اَمَش آدوعَیَه،

دِوُّمین نامَه تیموتائوسیرا 2:13

اَگَم بی وفا آبَم، اَ وفادار بَمندیَه، اِمی خونه کن نییَشا بَشتن حاشا کردِ.

نامَه تیتوسیرا 1:2

اِم حَییقت زَیرونه زندَگی اومیدینه یَه کن خدایی کن هرگز دِرو نیَدا، اَولیکا اَش اَمه وَعدَ دوعَیه

نامَه، عِبرانیه نَتاجَه مسیحیونرا 10:23

بِرَ بی امکن چیمه میمَه بکرَم، اَ اومیدی کن بَی ایتراف بَکَمونکا آچیکَم، چون وعدَ اَدَر اَمینَه.

نامَه، عِبرانیه نَتاجَه مسیحیونرا 11:11

ایمان داشتِه خونه بَه کن سارا با اِمکن چَی سن دیَوردَ بَه خامیلَه پِرمِه را زبق گتِش؛ اِمی خونه کن اَ بَموستی، وعدَ اَدَر وفادارَ.

نامَه، عِبرانیه نَتاجَه مسیحیونرا 2:17

پس لازم بَه کن اَ هر چیی ایکا هنته اِشتَن برا اون شیوار آبو، تا ایلَه بخشندَ و وفادارَ یالَه کاهین خدا خیدمتیکا آبو، تا قامی گناخون بخشِستِرا کفّارَ بدرِ.

نامَه، عِبرانیه نَتاجَه مسیحیونرا 3:1

پس اَی موقدسَه برا اِن، اَی شمَه کن آستامونییَه صَلا کا شریکیرون، شمه چَم عیسی کا ببو کن رسول و یالَه کاهینَه، کن چَی سَردِرِ ایمان بداشتیمون و اییتراف بکَمون.

نامَه، عِبرانیه نَتاجَه مسیحیونرا 3:14

اِمی خونه کن اَمه مسیح دلَکا شریک آبَه ایمون، اَگَم حَییقتا اَ ایطمینانی کن اَولیکا هِستمون بَه تا آخیر آمبَست غَم بَرم.

نامَه، عِبرانیه نَتاجَه مسیحیونرا 6:18

تا دِ گلَه چیی واسیطنَه کن عوض آنییَبن، و ایمکانِش نییَه خدا چَوون خونه دِروو بدَرِ، اَمه کن دَوریتِرا ویریتَه ایمون، تا اَ اومیدی کن چَمَه نَکارَ، آمبست غَم برَم.

پطروسی اوّلین نامَه 5:10

تلَکه زمانی رنج و عذاب بَردِ بَه دوملَه، پور فیضه خدا کن بَشِمَه مَسیح دلَکا خِلِه کردشَه تا چِی زَیرونه شکوه و جلالیکا شریک آبه، بَشِمَه هنی بَنا بَکی و آمبست و قودور و پایدار بَکیَه.

یوحنا اوّلین نامَه 1:3

اَمه اَ کلامی کن ویندَمونَه و دَرَستَمون شِمَرا نی اییلام بَکَمون، تا شِمَه نی اَمَنَه رَفاقَت بِدارَ؛ حییقتن نی چَمَه رَفاقَت دَدَ نَه و چَی زوعَه عیسیِ مَسیح نَه یه.

یوحنا اوّلین نامَه 1:7

ولی اَگَم نوریکا زندگی بَکمون، هَتَه کن خدا نوری دلکارَ، یَندِنَه رَفاقَت دارَم و چَی زوعَه عیسی خون، اَمه هر گِناخیکا پاجا بَکَی.

یوحنا اوّلین نامَه 4:13

اِم جِگاکا بَموستیمون کن چَی دِلَکا بَمَندیمون و اَ چَمَه دِلَکا، اِمی خونه کن اِشتَن روحکا اَمَش آدوعَیَه.

یوحنا موکاشیفَه 19:11

چَی بَه دوملَه ویندِمه کن آستامون آج آبه و بوین، ایلَه ایسبیَه اسب! ایی نفر چَی سَریکا نشته کن چَی نوم وفادار و حقَّه. اَ، عادیلانَه دییون بَکَی و بَجَنگِستی.