اوّلین نامَه قورَنتیانیرا 1:7 - کتاب مقدس به زبان تالشي - گویش مرکزی

⁷ هَته کن شمَه چَمه خداوند عیسی مسیح ویگَردستِه مونتَظِریرون، هیچ خَلا ایکا بی نَصیب نیرون.

کتاب مقدس به زبان تالشی شمالی

⁷ هَتَه که شِمَه، چَمَه خِداوند عیسایِ مسیح آگردِستِه مُنتظِریرونه، هیچ هدیه ای کا بی نصیب نیرونه.

اوّلین نامَه قورَنتیانیرا 1:7 Iomraidhean Croise

مَتّی 25:1

«آستامونی پادیشاهی هنتهَ دَ گِلَه باکرَکِله بَمندی کن وَیو رَفِقین و اِشتَن چِرا اون پِگَتِشونه وبَگی پیشوازیرا شین.

انجیل لوقا 12:36

هنتَه کَسِنی شیوارببَ کن مونتظرینهَ چَوون اَرباب وَیوواَوَرییکا، کَرا ویگَردِ تا اَموقه کن راکا آرَسِه و بَرنگا کوستِش، جَخت برَنگا چَیرا آکَرن.

انجیل لوقا 17:30

اَ روجی کن اینسانی زوعَه ظهور بَکَی نی، اِنتَر آرَبن.

رومی کلیسارا نامه 8:19

اِمی خونِه کن خیلقَت گِردِ اِشتَن اِشتیاقینَه خدا زوعَه اون اَیر آبِه، مونتَظیرَ.

رومی کلیسارا نامه 8:23

ونِه تاکَه خیلقَت، بَلکَم اَمه اِشتَن نی کن خدا روح نوبَریمون، اِشتَن دِلیکا بَنالِستیمون، هَه حالیکا کن اِشتیاقینَه زوعَه اون مقامیکا، اَگیَه زوعَه گیری اینتظاریکامون، یَعنی اِشتَن جَندَکون رَخِستِه.

اوّلین نامَه قورَنتیانیرا 4:5

پس هیچ چیی خونه، چَی وقتی بَه نَه قیضاوت مَکَرَ، تا اِمکن خداوند با. اَ خداوندی کن اَچیی ایی کن ایسَه ظلَماتیکا جیخِتَه یَه، رِشونیکا اَیر آرَکَرد و دِلی نیَّتون دیار آرَکَرد. اَموقه هر کَمی اِشتَن تَرییفی، خِداکا ویرَگَت.

دوومین نامه قرنتیانیرا 12:13

اِمی خونه کن چِه چیی ایکا دییَرَ کلیسا اون کا کمتر شمَه سَر لطف بَیَه، غَیراَز اِم کن اَز اِشتَن هرگز شمَه دوشیرا بار نِبیم؟ چمن اِم خطا ببَخشَه!

نامه غلاطیَه کلیسارا 5:5

اِمی خونه کن اَمه خدا روح واسیطنَه، و ایمانینَه، اَ صالح بِه آمه اینتیظاریکامون کن چَمه اومیدَ.

نامَه فیلیپی کلیسا را 3:20

ایسَه اِمکن اَمه آستامونی شِنیمون و خداوند عیسای مسیح اینتظاریکامون کن ایلَه نیجات اَدَرَ.

نامَه کُولُسی کلیسا را 3:4

وقتی مسیح کن شمَه زندَگییَه، اَیر آبو، چَی به دوملَه شمَه نی بَینَه شکوه جَلالینَه اَیر آنَّب.

اوّلین نامَه تَسالونیکی کلیسا را 1:10

و تا خدا زوعَه آستامونیکا آمِه اینتیظاریکا ببَه، کن خدا بَی مردَ اونکا زندَ آکَردِشه، یعنی عیسی، کن اَمَش آیَندَ غَضَّبیکا بَرَخامونِستی.

دوّمین نامَه تَسالونیکی کلیسا را 1:7

و شمَه کن عذاب بَبَردیرون اَمَنَه آلاوِنِه. اَ زمانی کن خداوند عیسی اِشتَن قودورَ فرشتَه اونَّه، آستامونیکا اَیر آبو.

دِوُّمین نامَه تیموتائوسیرا 4:8

ایسَه بَه دوملَه اَ صالِح بِه تاج مِرا آمادَیَه، تاجی کن خداوند، اَ عادیلَه داور، اَ روجیکا بَمن عطا بکَیه، نِه تاکَه بَمن، بَسکم بَه گِردِ اَیِنی کن چَی اَیر اَبِرا ایشتیاق دارینَه.

نامَه تیتوسیرا 2:13

و چَمَه اَ مِبارَکه اومیدی مونتظیر بومونَم، یعنی چَمَه عَظیمه خدا و چَمَه نیجات اَدَر عیسای مسیح شکوه و جلالی اَیر آبِه،

نامَه، عِبرانیه نَتاجَه مسیحیونرا 9:28

پس مسیح نی کن ایکرَ قربونی بَه تا خَیلیون گناخی نیفیت بکرِ، دوومین کرَرا آ، ولی نِه اِمی خونه کن گناخون نیفیت آکرِ، بَلکَم تا اَیِنی کن ایشتیاقینَه چَی چَم بَرا این، نیجات دوعِه را.

پطروسی اوّلین نامَه 1:13

پس شمَه فیکرون، عَمل کَردِرا آمادَ بکَرَ، هوش ببِه و شمه اومیدی کامیلا اَ فیضی سَر بِنَرَ کن عیسی مَسیح اِشتَن ظهور کَردِ موقه بَشِمَه بَبَخشِستیَه.

پطروسی اوّلین نامَه 4:13

بَلکَم اِمیکا کن مَسیح عذابونکا شَریک بَبیرون خَش ببَه، تا چَی شکوه و جَلالی اَیر بِه موقه شمه نی خشی و وشتو واز بکرَ.

پطروسی اوّلین نامَه 5:4

زمانی کن شونه اون رئیس اَیر آبو، شکوه و جلالی تاج کن نیفیت آنیَب وینَّگَت.

پطروسی دومین نامه 3:12

خدا روجی مونتَظیر ببَه و اِمی خونه کن خدا روج زوو با، پی تقلا بکرَ. اَ روجی کا کن آستامونِن آرا بَگتین و نیفیت آنَّب و آستامونیَه اِسترَ اِن آرا رَندیکا آو آبون.

یوحنا اوّلین نامَه 3:2

اَی خاجَتیِن، ایسَه خدا خِردَنِنیمون، ولی اَ چیی ایی کن بَبیمون هَنوزَنی دیار آبَه نیَه. ولی بَموستیمون اَموقه کن اَ اَیر آبو، چَی شیوار بَبیمون، چون بَی هَتَه کن هِستَه، بَویندیمون.

یهودا نامه 1:21

و هَه حالیکا کن چَمه خداوند عیسی مسیح رحمتی مونتَظیریرون تا بشِمه زَیرونه زندگیرا هیدایت بکرَ، بَشتن خدا موحبتیکا غَم برَ.