Юхан 9:34 - Мукъаддес Китап

³⁴ Еудий башлыкълары бунъа джевап берип: – Сен бутюнлей гуна ичинде догъгъан олсанъ да, энди бизге акъыл огретесинъми? – деп, оны къувып чыкъардылар.

Юхан 9:34 Iomraidhean Croise

Башланув 19:9

– Кет мындан, – дедилер олар. – Энди биз санъа олардан даа бетер шейлер япармыз. Бири-бирине исе: «О, кельмешек, мында вакътынджа яшамакъ ичюн кельди; о, бизни суд этмеге истейми?» – дедилер. Сонъ олар Лутны сыкъып башладылар ве, къапуны урып чыкъармакъ ичюн, якъынлаштылар.

2 Тарих вакъиалары 25:16

Пейгъамбер бу сёзлерни айткъан сонъ, падиша онъа: – Сенинъ падишагъа акъыл огретмеге не акъкъынъ бар? Лафынъны битир, ёкъса сени ольдюреджеклер! – деди. Пейгъамбер: – Мен билем: сен шу ярамай ишни япкъанынъ ве меним сёзюмни динълемегенинъ ичюн, Алла сени ёкъ этмеге къарар этти, – деп, сёзюни кести.

Эюп акъкъында китап 14:4

Кирли адамдан ким темиз олып догъар? Ич кимсе!

Эюп акъкъында китап 25:4

Адам Алланынъ огюнде насыл инсафлы ола билир? Къадындан догъгъан бирев насыл темиз ола билир?

Зебур 51:5

Сен яхшылыкътан зияде яманлыкъны, керчектен зияде яланны севесинъ. Сэла

Чыкъыш 2:14

О исе: – Сени бизге башлыкъ ве къады этип ким къойды? Мысырлыны ольдюргенинъ дайын, мени де ольдюрмеге истейсинъми? – деди. Муса къоркъты ве озь-озюне: «Керчектен, бу ишим ачылды», – деди.

Икметли сёзлер 22:10

Мыскъылджыны къуваласанъ, къавгъа битер, даванен сёгюнч де сонъуна етер.

Икметли сёзлер 26:12

Озюни икметли деп туткъан адамны корьдинъми? Акъылсыз биле ондан ишанчлыдыр.

Икметли сёзлер 29:1

Сыкъ опькени эшитип, юрегини инатландыргъан адам апансыздан эляк олур, – арткъа ёлу олмаз.

Ешая 65:5

башкъаларгъа: «Токъта! Якъынлашма, мен сенден азизим», – дейлер. Олар – буруныма кирген тютюн кибидир, эр кунь янгъан атештир.

Ешая 66:5

РАББИнинъ сёзюнден къалтырагъанлар, Онынъ сёзюни динъленъиз: – Сизни корьмеге истемеген, Адым ичюн сизни къувалагъан къардашларынъыз: «РАББИ Озюни шуретинде косьтерсин де, шенълигинъизге бакъайыкъ!» – дейлер. Амма олар масхара оладжакълар.

Лука 11:45

О вакъыт Къанун оджаларындан бириси Исагъа джевап берип: – Оджа, бу сёзлерни айтып, бизим джанымызны да агъыртасынъ, – деди.

Лука 14:11

Эр бир озюни юксельткен адам алчакълатыладжакъ. Озюни алчакълаткъан исе юксельтиледжек.

Лука 18:17

Сизлерге догърусыны айтам: ким Алланынъ Падишалыгъыны бала киби къабул этмесе, анда киралмайджакъ.

Лука 6:22

Инсан Огълу ичюн адамлар сизден нефретленгенде, сизни ред эткенде, акъаретлегенде, масхара этип адынъызны къаралагъанда, бахтлы оласынъыз.

Юхан 6:37

Бабам Манъа берген эр бир адам Манъа келеджек. Манъа келеджек адамны исе ич бир вакъыт къувып чыкъармам.

Юхан 8:41

Сиз озь бабанъызнынъ ишлерини япасыз! – Биз ороспулыкътан догъмадыкъ да, бизим бир Бабамыз бар. О – Алладыр, – деп джевап бердилер Исагъа. О, оларгъа шойле деди:

Юхан 9:2

Шегиртлери Исадан: – Равви, о, кёр олып догъгъаны озюнинъ я да ана-бабасынынъ гунасы ичюнми? – деп сорадылар.

Юхан 9:22

Кёрнынъ ана-бабасы бойле дедилер, чюнки еудийлернинъ башлыкъларындан къоркъа эдилер. Еудийлернинъ башлыкълары бундан эвель, ким Исаны Месих деп таныса, синагогадан айырылсын, деген къарарны чыкъаргъан эдилер.

Юхан 9:35

Иса о адамнынъ къувып чыкъарылгъаныны эшитип, оны къыдырып тапты. – Сен Алланынъ Огълуна иман этесинъми? – деп сорады ондан. О адам Исагъа:

Юхан 9:40

Онынъ этрафында базы фериселер тура эдилер. Олар бу лафны эшитип: – Биз кёр дегильмизми? – деп сорадылар.

1 Коринтлилерге 5:13

Иманлылар джемиетинден тыш олгъанларны Алла суд этер. Сиз исе озь аранъыздан ярамай адамны чыкъарып ташланъыз.

Галатиядакилерге 2:15

Бизлер еудий олып догъдыкъ, башкъа халкълардан олгъан гунакярлар дегильмиз.

Эфеслилерге 2:3

Бир вакъытлары биз эпимиз де бойле адамларнынъ арасында беден истеклеримизге коре яшай эдик, беден ве юрек истеклерини беджере эдик ве эбет, башкъалары киби, Алланынъ джезасына ляйыкъ эдик.

1 Пётр 5:5

Яшлар, акъсакъалларны динъленъиз. Эпинъиз бири-биринъизге алчакъгонъюллик косьтеринъиз. Алла къопайларгъа къаршы чыкъа, алчакъгонъюллилерге исе эйилик япа.

3 Юхан 1:10

Шунынъ ичюн, эгер мен кельсем, онынъ япкъанларыны хатырлатырым. О, бизим акъкъымызда яман лафлар даркъатып, адымызны къаралай. Бундан да гъайры башкъа агъа-къардашларны озю къабул этмей, къабул этмеге истегенлерге ёл бермей ве атта оларны джемиеттен къувып чыкъара.

3 Юхан 1:9

Мен иманлылар джемиетине базы шейлерни язгъан эдим. Амма оларнынъ арасында биринджи олмагъа севген Диотреф бизни къабул этмей.

Сырларнынъ ачылувы 13:17

Бойлеликнен, ким айваннынъ тамгъасы, яни онынъ ады я да адынынъ сайысыны ташымаса, мытлакъа ич бир шей сатып я да сатын алып оламай эди.