Юхан 8:11 - Мукъаддес Китап

¹¹ – Ич кимсе, эфендим! – деп джевап берди къадын. – Мен де сени къабаатламайым, – деди Иса. – Бар да, бундан сонъ даа гуна япма.

Юхан 8:11 Iomraidhean Croise

Эюп акъкъында китап 34:31

Бирев Аллагъа: «Джезаландым, башкъа гуна япмайджагъым,

Икметли сёзлер 28:13

Гуналарыны гизлеген адам хайырыны корьмез, тёвбе этип оларны ташлагъангъа исе мерамет этерлер.

Ешая 55:6

РАББИни тапмагъа чареси олгъанда, Оны къыдырынъыз, О, якъын олгъанында, Оны чагъырынъыз.

Лука 13:3

Ёкъ! Лякин тёвбе этмесенъиз, эпинъиз олар киби гъайып олурсыз.

Лука 13:5

Сизге ёкъ дейим. Лякин тёвбе этмесенъиз, эпинъиз олар киби гъайып олурсыз, – деди.

Лука 15:10

Сизге айтам: тёвбе эткен бир гуналы ичюн Алланынъ мелеклери бойле де къуванаджакълар.

Лука 15:32

Бизге къуванмакъ ве шенъленмек керек. Сенинъ бу къардашынъ олю эди – тирильди, гъайып олды – тапылды», – дей.

Лука 15:7

Сизге догърусыны айтам: Коклерде де шойле. Докъсан докъуз тёвбеге мухтадж олмагъан инсафлылар ичюн къуванчтан, тёвбе эткен бир гуналы адам ичюн къуванч буюк оладжакъ, – деди.

Лука 5:32

Мен инсафлы адамларны дегиль, гуналыларны тёвбе этмеге чагъырмакъ ичюн кельдим, – деп джевап берди.

Лука 9:56

Сонъ олар башкъа койге кеттилер.

Юхан 18:36

Иса джевап берди: – Меним Падишалыгъым бу дюньядан дегиль. Эгер Падишалыгъым бу дюньядан олгъан олса, Мен еудий башлыкъларынынъ къолуна берильмемек ичюн, хызметчилерим курешир эдилер. Ёкъ, Меним Падишалыгъым бу ерден дегиль.

Юхан 3:17

Алла Огълуны, дюньяны суд этмек ичюн дегиль, Онынъ ярдымынен дюньяны къуртармакъ ичюн, ёллады.

Юхан 5:14

Сонъ Иса о адамны Алланынъ Сарайында тапты. – Мына, сен сагъ олдынъ. Энди гуна япма, ёкъса санъа даа да бетер шей оладжакъ, – деди онъа.

Юхан 8:15

Сиз тышкъы корюнишке бакъып суд этесиз; Мен исе ич кимсени суд этмейим.

Римлилерге 2:4

Алланынъ сынъырсыз яхшылыгъы, мерамети ве буюк сабыры сизлер ичюн ич бир шей дегильми? Онынъ эйилиги сизни тёвбеге кетиреяткъаныны анъламайсынъызмы?

1 Коринтлилерге 5:12

Иманлылар джемиетинден тыш олгъанларны суд этмеге меним не акъкъым бар? Иманлылар джемиетинде олгъанларны исе суд этмек керек.

Къануннынъ текрары 16:18

Алланъ олгъан РАББИ санъа береджек эписи ерлеринъизде къабилелеринъиз ичюн къадыларны ве реберлерни къой. Олар халкъны адалетли суд этсинлер.

Къануннынъ текрары 17:9

Левийли руханийлерге ве о заман олгъан къадыгъа барып, олардан меселенинъ чезювини сора. Олар санъа меселе акъкъында укюм чыкъараджакълар.

2 Пётр 3:15

ве Раббининъ буюк сабырыны къуртулыш деп сайынъыз. Севимли дин къардашымыз Павел де онъа берильген икметнен сизлерге айны шуны язды.