Юхан 7:15 - Мукъаддес Китап

¹⁵ О вакъыт еудийлернинъ башлыкълары: – Бу адам бир ерде окъумагъан олса, Мукъаддес Языларны о къадар яхшы къайдан бильди? – деп, шаша эдилер. Иса оларгъа джевап берип, шойле деди:

Юхан 7:15 Iomraidhean Croise

Ешая 29:12

Сонъ китапны окъумагъа бильмегенге берип: «Окъу», – дейлер де, о да: «Мен окъумагъа бильмейим», – деп джеваплана.

Матта 13:54

Озюнинъ юртуна келип, ерли халкънынъ синагогасында огрете башлады. Оны динълегенлер шашып къала эдилер. – О къадар акъыл ве къудрет Онъа къайдан кельген? – дей эди олар.

Матта 22:22

Олар, бу сёзлерни эшитип, шаштылар ве Исаны къалдырып кеттилер.

Матта 22:33

Халкъ буны эшитип, Исанынъ огретювине пек шашты.

Лука 2:47

Оны динълегенлер эписи Исанынъ эр шейни анълагъанына ве берген джевапларына шаша эдилер.

Лука 4:22

Эписи Онынъ акъкъында яхшы шейлер айта эдилер, Онынъ агъзындан чыкъкъан хайырлы сёзлерге шаша эдилер. Лякин бир-биринден: – Я О, Юсуфнынъ огълу дегильми? – деп сорай эдилер.

Юхан 1:19

Мына Ягъянынъ шаатлыгъы. Еудийлер Ерусалимден руханийлер ве левийлилерни ёллап, Ягъядан: – Сен кимсинъ? – деп сорадылар.

Юхан 7:11

Байрамда еудий башлыкълары Исаны къыдыра эдилер ве: «О адам къайда?» – деп сораштыра эдилер.

Юхан 7:13

Лякин еудий башлыкъларындан къоркъкъанлары ичюн, О акъкъында ич кимсе ачыкъ лаф этмей эди.

Юхан 7:46

– Бу Адам киби ич бир вакъыт ич кимсе лаф этмеген! – деди аскерлер.

Фаалиет 26:24

Павел озюни бойле къорчалагъанда, Фест къатты сеснен онынъ сёзюни больди де: – Акъылдан тайгъансынъ, Павел! Буюк алимлик сени акъылдан аздырды! – деди.

Фаалиет 4:13

Руханийлер, Пётр ве Юханнынъ джесаретини корип, олар окъумагъан, адий адамлар олгъаныны билип, пек тааджиплендилер. Сонъ оларнынъ Исанен олгъанларыны анъладылар.

1 Падишалар 10:11

Оны эвельден бильген адамлар, онынъ пейгъамберлер сырасында Алланынъ шейлерини айтып юргенини корип, бири-бирлерине: – Киш огълу Шаулгъа не олды? Шаул да пейгъамберлерденми? – дедилер.